Lukas 9:31 - ALLAH ANE WENW KET MEKE WAROGO WOKNINAKHIKHE WENE

³¹ inebe hogorinabusak hakene winam agoukhasik werekma, inileken hisasukha. Nen, wenekak isukha iti, at Yesus iki welageidegat Allah nen isikhe tak-tagat, o Yerusalem watlagisin wene ekhe lagoukha.

Lukas 9:31 ပူးပေါင်းရင်းမြစ်များ

Lukas 9:22

Inasuk itithogon wakhikhesik nen, “An abat itaklasi agagi etnogo, it ap inarluetek inom, it ap Allah iteerek meke inougi koktek inom, it ap Allah ane holal waganek iteerek meke inom, an nebe ina'it atluk, yi aik ti aik doalegat hagatnabiluk, nebe nasugun o. Nasumo nen, nebe niki pere warek dogoluk nen, niki ageikhe baga yi Allah nen nilugutnabigin o,” iluk yogeisasikhe.

Lukas 9:30

Itithogon hagatlaga korlek, eranogoat ap inebe pere, Musa men, Elia men, Yesus inom wenekak isinem

Yohanes 1:29

Wene itithogon isukhasik nen, noge iluk, hubuluke, at Yesus Yohanes oba wagunem ileken lakhalok nen, wene men yogeisasikhe, “Allah adomba eak meke nit akhuni agat oba yoma weak hagakhorek meke korogo thogotdisagein meke etnogo waga ili hinileken lakhani o.

2 Korintus 3:18

Inileken inamukhak oba it akhuni aperek inebe ekagat lageisegarek iti hak, nit tha'bokhogonat ninelokhoken sapumeke laberek dekma, akhuni nen ninoe Etagapogot hogorakharek meke iti amukhak negen inileken laknisiliogei. Nit ninebe at ninoe hakene asuagaluk, eran-alep hagatninakho motok werekma, hogotninabusak negen aga lago. At Allah Agoreke iti ebe Etagapogot atma, at nenat hagatninabiogo.

Filipi 3:21

At ebe witluk nen, ninebe ninekarli negen welago yi, at obatne baga yi meke ti meke tha'bokhogonat, at apma 'bisagein iti nen, at ebe hogorakharek hagat, nit ninebe hogotninabusak mekeat hagarogo 'binanigin o.

Kolose 3:4

Ebekho werekma, at Kristus ninebe yabokane niniluk motok dogoagaluk hagatninakherek meke etnogo thelegat wagunem, hit at hinomat thelekma atlukmo hogothinabugun iti o.

Ibrani 11:22

At Yusuf meneke, etaiken Allah oba hakotdiluk welageikhe iti baga, ebe horogat watlasigiluk hagakhe dogolik, a'buri Israel meke o Mesir nen dukhugun meke hasik yogeisigik, nen, “An noak lolek yigithogon hagatno,” iluk yogeisigik, hagakhikhe.

1 Petrus 5:10

Werekma, at Allah ebe hogorakho motok dogogun iti hak, hit Kristus hinom hunik werekma hinomat hogothinakho dogoagaluk hinayoko 'bisikhemo, yogotak ya herlekha'bugat anek hinoba yi aik ti aik hekhe dogoluk, yabokane, at obabut hano motok etnogo nen, hinetaiken aban meke thirliphogon hagathinakhik, hinetaiken horlethinakhik, hinobatnethinakhik, hapuguthinakhik, hagasigin o.

2 Petrus 1:15

Yabokane nebe watlagei halok, wene iti hit hinakla eberek motok dogobageik nen iluk, hanorogon yokhisekhe dogogin o.

A'bikaka 7:14

Nitema itithogon waganhunem nen, an nen he, “Noe, an nokodek. Hat anek hilu welagan o,” iluk yogokhunem, at nen he, men yoknekhe, “It akhuni yoma agat oba werekma akhuni aperek nen yi aik ti aik doalegat hagarinakhunem, Allah nen tilinakhikhemo, inasu Domba Eak amep oba arat kut motok thobalega meke o.