Lukas 9:30 - ALLAH ANE WENW KET MEKE WAROGO WOKNINAKHIKHE WENE

³⁰ Itithogon hagatlaga korlek, eranogoat ap inebe pere, Musa men, Elia men, Yesus inom wenekak isinem

Lukas 9:30 ပူးပေါင်းရင်းမြစ်များ

Lukas 1:17

Allah Agoreke ap Elia iti akla dogolik obatnerogo hagarik nekhe lageikhe meke iti, at Yohanes iti oba duk itluk, yekerugi inopase lak inom, dapukhogon 'bisigik, wene inasuk holu'buk meke it aperek wene holiluk mothogon hagakharek meke inobabut waganuagaluk hagarinakhik, inebe ninopase Etagapogot hasigat dogoagaluk karelogo 'bisigik, hagasigiluk, at tak itaklatluk itithogon hagarik nekhe dogogin o,” iluk yogokhikhe.

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Lukas 24:44

Nalok nen, it emenogo men yogeisasikhe, “An hit ninom dogolik yokhisekhe dogolik, An hagatnabugun meke holal Musa nen waganhik, ap Allah ane yogeisekhe lagoukha meke emenogo nen waganhik, it aperek nen buku Mazmur oba waganhik, holal waganogo 'bisukha iti tak-tagat, an arat hagatnabugun, iluk yokhisekhe lagei etnogo ebe arat hagatlaga yi o,” iluk,

Lukas 9:19

“It aperek nen, Yohanes ima usa'isekhe lageikhe meke etnogo igik, it aperek nen, Elia at o, igik, it aperek nen, It ap haganeat Allah ane yogeisekhe lagoukha meke emenogo meke ageikhe iluk agasik werek o, igik, iliogei o,” iluk yogokhukha.

Lukas 9:29

Dageisikhesik sembayan isinem, at Yesus elokhoken ninat hagatlaga dogolik asu elokhoken kut motok atluk nen, a'bi'baleak hagatlageikhe.

Lukas 9:31

inebe hogorinabusak hakene winam agoukhasik werekma, inileken hisasukha. Nen, wenekak isukha iti, at Yesus iki welageidegat Allah nen isikhe tak-tagat, o Yerusalem watlagisin wene ekhe lagoukha.

Yohanes 1:17

Wene Allah nen ninasuk wakhikhe wene etnogo yakulnisoagaluk, alebat Musa la'i ageikhemo, yakulnisasikhe meke re, Allah obabut hano nen hanotninakhik, ebe wene yakulnisigik, hagasuagaluk, Yesus Kristus la'i ageikhemo yakulnisa ageikhe iti o.