Lukas 9:24 - ALLAH ANE WENW KET MEKE WAROGO WOKNINAKHIKHE WENE

²⁴ Nen, tha nen, An nebe niluk dogosak warlok, iluk, ebe irlirli horlagein halok he, watlatluk nuk akhagein o. Meke re, an nobasik watlasigin halok he, ebe tiligin o.

Lukas 9:24 ပူးပေါင်းရင်းမြစ်များ

Matius 10:39

Tha nen ekaerek ebe irlirli horlagein halok he, ebe watlatluk nuk akhagein o. Meke re, tha nen an nobasik watlasigin halok he, ebe irlirli horlagein o,” iluk yogeisasikhe.

Lukas 17:33

Tha nen ekaerek ebe irlirli horlagein halok he, yabokane ebe nuk akhagein o. Meke re, tha nen ebe irlirli horligidek nuk akhagein halok he, ebe tiligin o.

Yohanes 12:25

Itithogon yogeisasikhesik, wene ageikhe men yogeisasikhe, “At tha nen akla nen he, An nen agat oba yoma nebe niluk dogosak warlok, iluk apekherek halok he, yabokane ebe iluk motok dogosak meke hasik nuk asigin o. Mekeat he, ap tha nen akla nen, Agat oba yoma niluk dogosak na'it, iluk apekherek halok he, at iti yabokane ebe nuk asigin dek iluk motok dogogin o.

Ibrani 11:35

it humi aperek ineagei warek meke yabokane inilugurinakhunem woginakhik, hagarik aga lagoukha. Itithogon hagarik laga korlek, it aperek, “Ninebe yabokane hano dogogun meke Allah nen ninilugutninabigin meke werek o,” iluk akhuni aperek nen inebe wiik-weakhogon hagarinakhe korlek, inoado inirlirli horligidek welagoukhaat.

A'bikaka 12:11

It ninagarlak lak ninerugi iti inekaerek inebe inakmu ageidek, Ninakha halok he, hanoat o, iluk nukhunem inakha. It iti, Domba Eak amep ulabogo wakhukha iti baga inom, it nen Allah ane ebe wene iti pakhogon yogeisilik nekhe lageikha iti baga inom, Iblis etnogo arat obatne degetdisega iti o.

A'bikaka 2:10

At Iblis nen hit hinakla kagaluagaluk, ap hit meke ebetlake iniki herle warogo 'bisamo, iniki 10 baga nen yi aik ti aik hekhe dogogun iti re, hinayuk agup o. Yi aik ti aik itithogon hagathinakho korlek, hinetaiken an noba hakotdiluk, an ninom hunik werekma watlasugun halok he, tha nen ae a'busuk weak tha nen ae a'busuk weak lagunem, it inobatne ageikharek meke oko kare-kare mitago wogeisegarek iti hak, oko naburlal-haburlal hagathinabigin o.