Lukas 8:18 - ALLAH ANE WENW KET MEKE WAROGO WOKNINAKHIKHE WENE

¹⁸ iti nen he, wene hinasuk holhe lagap meke iti, hanorogon hutdekhe dogono o. It akhuni inikimo hago werek meke iti, ageikhe oba lapelogo wogeisagein. Meke re, it aperek dek meke iti, inakla nen, Herlekha'bugat ya erlok werek, apiliogei meke iti tilogo horlagein o,” iluk yogeisasikhe.

Lukas 8:18 ပူးပေါင်းရင်းမြစ်များ

Matius 13:12

Tha nen ikimo hago werek meke iti, Allah nen yabokane lapelogo wogosumo, at ikimo doalegat hago dogogin o. Nen, tha nen ikimo hago dek halok he, pererlagat anek dogogin meke iti, Allah nen apuke tilogo horlaumo, motok dek asigin o.

Markus 13:14

Wene itithogon yogeisasikhesik, ageikhe men yogeisasikhe, “Hit nen holal waganek yi, etaga thalhe dogolik, hanorogo hutdekhe dogono o. Akhuni nen inalilo meke hagakhunem agorlerogon lo lugun meke o dogosak dekma melaga halok he, akhuni o Yudea eloke meke etoma lo tom obake dagouak o.

Lukas 19:26

at ap kok etnogo nen, men yogeisasikhe, It akhuni aperek inikimo hago werek meke iti, inebe tomok yabokane aperek inom oba lapelogo wogeisagein o. Nen, it aperek inikimo dek meke iti, pererlagat hago werek meke itiat, inikimo nen tilogo horlagein iti nen, at ap ithiat wogeisubageik iluk yokhisigi o.

Lukas 9:44

“An wene yokhisagein yi hanorogon hutdekhe dogoni o. An abat itaklasi agagi etnogo ap nen yoko lalok it aperek nen nasuagaluk iniki baga 'banugun o,” iluk yogeisasikhe meke re,

Yohanes 15:2

O ikilo'bak ebe tomok, an noba hunik dogolik eken ikhidek halok, 'bogokhogon la'igin mekeat he, ikilo'bak ebe tomok eken ikhe halok, aperek inom doalegat ikhe dogoagaluk oboseka palogo yorla yebeligin o.

La'isasikhe 10:33

Iti nenat, an niki ageikhe welageidegat, ap ageikhe hayoko hoba la'isigima, hat hobabut hano nen huk ageidek hano wagan, noe. Nit tha'bokhogonat yogotak Allah il oba welago yoma re, ninoe Etagapogot nen, Wene yogeisano, iluk yokhekhe meke, wene iti tha'bokhogonat ninasuk holuogoluk welago, noe,” iluk yogokhikhe.

La'isasikhe 17:11

It akhuni Yahudi o Berea meke inobabut, akhuni o Tesalonika meke inakla puk welagoukha iti hak dek. At he, it wene inakla arlekenhogo waganhe dogolik, “Wene ekhe iti eberogonat a? Men a,” iluk, Allah ane holal waganogo 'bisukha meke etnogo hibiku-yogokuat etaga thalogo hutukhogon 'bikhekhe lagoukha.

Roma 12:3

At Allah obabut hano nen, yigithogon hagakhe dogoagaluk nayoko 'bisikhe iti nen, wene ageikhe yi hinebe tomok hinasuk wasik. Hit he, it aperek inapma dogosak werek korlek, hinakla nen, “An nebe kok,” iluk hinetaiken siatdakhausak dek. At he, Allah nen hinebe tomok hinetaiken at oba hakotdekhe dogoagaluk hinobabut tomok wokhisasikhe tak-tagat, hinetaiken thebekhogon dogolik hinobabut palekhe dogono.

1 Korintus 14:37

At ageikhe nen, “An nen Allah ane yokhisoagaluk, Allah Agoreke nen nobabut iti woknekhemo,” igik, e a, at he, “Ninat meke hagasuagaluk woknekhemo,” igik, ekhe halok, at nen, “Wene Paulus nen ekhe iti, ninoe Etagapogot nen ninasuk wakhikhe meke, holal waganogo ninoba la'i aga iti,” iluk at hutdiluk waganuak o.

1 Korintus 3:18

Hinekaerek nen hinebe dalugup o. Hat ageikhe nen, “An akhuni yoma inawene meke nakla kagalek o,” iluk apekhe lagan halok he, hakla ebe wene iti kagalasuak nen, akhuni inawene iti hakla abit asuak o.

1 Korintus 8:2

At ageikhe nen apekhe dogolik, “An wene arat nilu,” iluk apiliogo mekeat, at hutukhogon ilu asusak mekeat he, aban okodek dogolik iliogo o.

Filipi 3:4

Ninoado itikmanke yi hasik hagakhorek iti baga hanotninabigin iluk apausak erlok dogolepma, it akhuni aperek nen erlok dek negen apekhe korlek, an anek he, kok negen apekhe dogole.

Ibrani 2:1

Iti nenat, akhuni ku baga lagunem i nen wogosik lagarek iti hak, nit nen ebe wene iti here'umo werlekmake woknisik launogo iluk, wene ninasuk holhugu meke iti ninobatnerogon herogo dogouok o.