Lukas 7:33 - ALLAH ANE WENW KET MEKE WAROGO WOKNINAKHIKHE WENE

³³ At Yohanes ima usa'isekherek meke wageikhe iti, hipiri men, o anggur eken apusu men, nikidek wageikhesikmo nogo nen, hit nen, Mokat obabut weak meke akla ukekhesik werek o, iluk ekhe lagagip.

Lukas 7:33 ပူးပေါင်းရင်းမြစ်များ

Matius 10:25

Meke re, it yekerugi iti inopase guru iti inom tak-tak hagatlageik, nen, it inatuaneke meke iti inopase lak inom tak-tak hagatlageik, hagatlasumo, erlogat o. It akhuni inoe o iteerek meke iti weak iluk etaga Beelzebul isi halok, it at agarumi inom opakimo meke iti, itithogonat inetaga weak kogat ekhe dogogun o,” iluk yogeisasikhe.

Matius 3:1

Itithogon hagakhukhasik oba nen, at Yohanes ima usa'isekhe lageikhe meke etnogo, o Yudea limo akhuni dekma etoma wageikhesik wene yakulisekhe dogolik, yigithogon ekhe lageikhe,

Matius 3:4

Wageikhesik, limo akhuni dekma etoma dogolik wam unta isi meke karogo, asu ikhigik, oado meke karogo, therlok hagarogo ikhigik, ikhe dogolik hipiri nau hak, yibirla nikik, themuk apusu okama meke nikik, hagakhe lageikhe.

Markus 1:6

Itithogon hagakhe dogolik wam unta isi meke karogo asu ikhigik, oado meke karogo therlok hagarogo ikhigik, ikhe lageikhe. Itithogon hagakhe dogolik, hipiri yibirla meke nikik, themuk apusu okama meke nikik, hagakhe lageikhe.

Lukas 7:32

It inebe yi inom tak-tak. Yekerugi pasar oba oko waganharekma hurek dogolik, inagarlak lak inom inane la'igik-wa'igik ekhe dogolik, Nit nen etai hit wasuogoluk isa ula'ogo mekeat he, hit ekaka igidegat. Nen de asuogoluk de wene erlo ula'ogo meke re, hit nen de ageidegat, iluk egarek iti hakene hagariogei o.

Lukas 7:34

Meke re, an abat itaklasi agagi etnogo anek, hipiri men, anggur eken apusu men, yugunat nilik wagagisikmo nogo nen, hit nen, Lakhani! Ap yi re, hipiri men, anggur eken apusu men, oba la'buk nilik nekhe dogolik, ap pemerintah meke hasik uang kino iluk waganharek meke men, ap weak hagakharek meke men, hunetdakhalok niliogo yi 'bikhani? iluk yoknekhe lagap.

Yohanes 10:20

Itithogon mikikhukhasik it inebe doalekmake nen he, men isukha, “At yi mokat obabut weak meke akla ukekhesik ebe thinuknuk agasik wene isi korlegat, hit at ane holhe lagap iti nenaluk,” iluk isukha.

Yohanes 8:48

At Yesus ne wene itithogon yogeisasikhemo, it ap Yahudi meke emenogo nen he, men isukha, “Hat hebe ap Samaria meke yi re! Mokat obabut weak meke hakla ukekhesik werek o, iluk ekhe lago etnogo eberogonat yokhekhe lago higi,” iluk yogokhe lagoukhama,

Yohanes 8:52

it ap Yahudi meke emenogo nen, men yogokhukha, “Ap Abraham men, ap Allah ane yogeisekhe lagoukha meke emenogo men, arat watlarik lagoukha mekeat, hat nen ekhe dogolik, Tha nen an nane hologo hagakhe dogogin halok, watlageidek iluk motok dogogin o, iluk egen iti nen, mokat obabut weak meke eberogonat hakla ukekhesik werek, iluk, hutdagago o.

La'isasikhe 2:13

Meke re, it aperek nen, “Dek o. It yoma anggur eken apusu nekasik nen hunu-hunu palhasik iliogei yi,” iluk inobato aga lagoukha.