Lukas 6:40 - ALLAH ANE WENW KET MEKE WAROGO WOKNINAKHIKHE WENE

⁴⁰ It guru lak wene yakulisegarek meke thebekthek negen werek korlegat, it ina'buri yakulisegarek meke iti siakthek negen upu ya welageikharek dek o. Itithogon meke re, tha nen wene arat yakuliluk hutukhogon ilu atluk halok he, opase yakulisekherek meke iti ipisak tak-tagat o.

Lukas 6:40 ပူးပေါင်းရင်းမြစ်များ

Matius 23:15

Hit ap Allah ane holal waganek iteerek meke yi men, hit Farisi meke yi men, hinoado baga anek hano thalek dogolik hinetaiken pere meke yi re! Hit hinane waganhe dogoagaluk akhuni herageinabik, i laut kok yekelek aik ilibagan italhik, o yi ai ti ai walegat lageik, nekhe lagap meke iti, Allah nen wene hit hinoba 'biluk weakma hetu aikmo etoma la'inagagin iti hakene, it hinane holiogei meke iti Allah nen wene itithogonat iki pere baga dagakhogon inoba 'buagaluk hagakhe lagap iti nen, eiye! Weagathinabigin o.

Lukas 6:41

Hit hinekaerek hinilekenma o kok obakha palek meke harokthek werek iti 'bikhakhigidegat dogolik, it hinagarlak lak hinerugi aperek inilekenma amumuleke 'bugurlagat ukiluk werekma wokhauwogoluk hinileken kolageisekhe lagap iti nenaluk.

Yohanes 13:16

Wene ageikhe yi yokhisak, Ap kok ageikhe inapma negen werek korlek, at atuaneke meke kok negen welagarek dek o. Iti hak, ap yoko la'ekherek meke inapma negen werek korlegat, at yoko lagarek meke iti kok negen welagarek motok dek o, iluk eberogonat yokhisigi o.

Yohanes 15:20

Nen, ap kok ageikhe inapma negen werek korlek, at atuaneke meke kok negen welagarek dek o, iluk yokhisasigi etnogo hinakla ebetni o. It nen an weagatnakha halok he, hit itithogonat weagathinabugunat o. Nen, it nen an nane hologo hagakha halok, hit hinane hologo hagasugunat o.