Lukas 6:35 - ALLAH ANE WENW KET MEKE WAROGO WOKNINAKHIKHE WENE

³⁵ Iti itithogon hagakharek mekeat he, hit nen hinom weak meke hinakmurinakhik, hanorogon yomageisigik, Oko it nen ageikhe woknisoak, iluk apigidegat hinobakha palek yugunat wogeisigik, hagakhe dogogun halok he, hinebe Allah Etagapogot a'buriat werekma, oko kok meke wokhisagein o. At nen itithogonat, it inobabut weak at ebe heagei wakhidek weak hagakhe korlek, at akmurinakherek iti.

Lukas 6:35 ပူးပေါင်းရင်းမြစ်များ

Matius 5:9

Nen, akhuni inom weak werekma, it aperek nen dapulogo 'bisegarek meke iti, at Allah nen he, Yi an na'buriat o, iluk yogeisagein iti nen, inakla arleken akhekhe dogosagat o.

Markus 5:7

“Yesus Allah Etagapogot a'but yi, nikithogon hagatnabigiluk wagan,” iluk yogokhikhemo, at Yesus nen, “Mokat hobabut weak meke yi, ap yi akla nen dukhi lan o,” iluk yogokhunem, at etnogo ane kokhogon ekhe dogolik, “Eiye. Na'it o. Nopase Allah oak o. Weagatnakhun,” iluk ane kokhogon isikhe.

Lukas 1:32

Nen, elege iti arlue atluk kok agunem, akhuni nen, Allah Etagapogot kok welagarek etnogo a'but higi o, iluk ekhe dogogun. At opa Daud iti etagapogot dogolik, akhuni at nen hagasik welageikhe etnogo obolukmo, ninopase Etagapogot nen, at itiat meldigin o.

Lukas 6:36

Halok he, ninopase akmurinakherek hak, hit nen akhuni hinakmurinakhe dogono o,” iluk yogeisasikhe.

Yohanes 13:35

Hit-hit itithogon nakmu-hakmurogon hagakhe dogogun halok, it akhuni tha'bokhogonat inileken 'bithisalok, It yi Yesus agarumi eberogonat higi, iluk inilu asugun o,” iluk yogeisasikhe.

Yohanes 15:8

Hit hineken doalegat isu hak hano meke kokhogon hagasugun halok, akhuni nen an nopase hogorasugun o. Hit hinebe ebe nagarumi nane waganhe lagap meke dogolik, itithogonat hagakhe dogogun o,” iluk yogeisasikhe.

La'isasikhe 14:17

Itithogon meke re, it akhuni nen, at ebe hutduagaluk, yi meke ti meke ageikhe walhigidek obarlikmatdisikhemo welagarek 'buk. At hano anek hagakhe dogolik, ninapiri nina'ithogon nikik, ninakla arleken akhigik, hagakhe dogoagaluk, at nen miso pogot oba nen usa'i ageik, nokorek meke iti nausak erlok asi agunem kokhogonat woknisigik, hagakherek iti,” iluk inasuk wakhikhe.

2 Korintus 8:9

Ninoe Etagapogot Yesus Kristus obabut hano nen akmutninakhikhe etnogo hit hinilu motok apigi. At ilmo horleak welageikhe mekeat he, at erlageik motok ageikhe iti baga, hit ebe meke hinilmo horleak asubageik iluk, at erlageik motok ageikhe iti o.

2 Timotius 3:2

Akhuni inetaiken hunik inekaerek inebe hasik inom, uang hasik inom, kogotdigik, inekaerek nen hogorakhigik, siatdakhigik, inane puk weak wenageisigik, inagosa inopase lak inane holhidek here'isigik, heagei warinakhidek inobabut weak hagakhik, Allah hasik hagakhidek ina'it motok welageik,