Lukas 5:24 - ALLAH ANE WENW KET MEKE WAROGO WOKNINAKHIKHE WENE

²⁴ Akin mekeat he, an abat itaklasi agagi etnogo re, agat oba yoma dogolik, akhuni yi weak ti weak hagakharek meke an nenat thagalogo degetdekhe dogoagaluk, Allah nen iteerek danhikhe meke iti hinilu asubageik nen yogosik,” iluk yogeisasikhesik, ap iki isok aborlok dek meke etnogo men yogokhikhe, “Hebe melatluk harlit eka talek noge ekhe lagan meke ithi horlalok, haila lan o,” iluk yogokhikhe.

Lukas 5:24 ပူးပေါင်းရင်းမြစ်များ

Matius 16:13

O etoma nen, at Yesus o ukul kok Kaisarea ap Filipi nen kogotdisikhe baga etoma dagei ageikhesik nen, at agarumi ane waganhe lagoukha meke emenogo hinok waganhe dogolik, men yogeisasikhe, “It akhuni nen, an abat itaklasi agagi etnogo an nebe hasik ekhe dogolik, tha iluk iliogei nogo,” iluk yogeisasikhemo,

Matius 25:31

At Yesus nen itithogon yogeisasikhesik, wene ageikhe men yogeisasikhe, “An abat itaklasi agagi etnogo, akhuni nen hogotnakhe korlek, it malaikat Allah nen pogot oba nen yoko usa'isa agarek meke emenogo tha'bokhogonat ninom witluk nen, an hogotnakhe korlek kok Netagapogot welagarekma dogolik,

Matius 26:64

at Yesus nen, “Hat nen egen itiat o. Meke re, an ageikhe yokhisak. Hurli yogotak nen, an abat itaklasi agagi etnogo, at Allah obatne horleak yi meke ti meke hagasusak anek etnogo nipisak alilu iki ebeke kogat hurek dogoluk nen, yabokane pogot oba etoma nen oisa aklake usa'agunem hinileken neagun o, iluk yokhisigi,” iluk yogokhikhemo,

Matius 28:18

Itithogon apekhe korlek, at Yesus ebe inalilu wageikhesik nen, men yogeisasikhe, “Allah nen he, pogot oba meke inom, agat oba meke inom, tha'bokhogonat an iteerek 'banhemo o.

Matius 4:24

Itithogon hano hagarinabik lagunem, o Siria etoma abok motok thak-pak isikhemo, yi u ti u, yi hinet ti hinet wakhe lagoukha meke inom, mokat obabut weak meke inakla ukiluk inobabut dugurlugi palharek meke inom, watlageik iniluk ageik hagakharek meke inom, iniki inisok ut warek meke inom, inebe doalegat wogosik at oba wagunem tha'bokhogonat hano hagarinakhe lageikhe.

Matius 9:6

Akin mekeat he, an abat itaklasi agagi iti, agat oba yoma dogolik, akhuni yi weak it weak hagakharek meke an nenat thagalogo degetdekhe dogoagaluk Allah nen iteerek danhikhe iti hutdanubageik nen, yogosik,” iluk nen, ap iki isok aborlok dek meke etnogo men yogokhikhe, “Hebe melatluk direka talek noge ekhe lagan meke ithi horlalok haila lan o,” iluk la'isikhe.

Lukas 5:13

Yogokhikhemo, at Yesus nen ap etnogo iki hakhekhe dogolik, “Nakla nen hano hagathabigin apigirikmoat o. Halok he, hoba hano asin o,” iluk, yogokhe korlek eranogoat, henako hakene etnogo motok dek ageikhe.

Lukas 5:18

Itithogon hagarinakho werekma, ap ageikhe iki isok aborlok dek motok welageikhe meke thabuleka dit talogo noge ekherekma witik werek korlek, yerogo wolok wagoukhasik, Yesus ebe uma werekma elokhoma 'bi kuogoluk hagakhukha.

Lukas 5:23

An nen ap yi wene yogosusak alhe hakene ki apegep. Hat weak hagakhe lagan meke iti, arat thagalogo degetdigi, iluk yogokhi iti alhe hakene meke yogokhi apegep a? E a, at he, Hebe melatluk lan o, iluk yogosusak alhe hakene apekhe lagap a. Dek o. Hebe melatluk lan, iluk yogosumo akinat o.

Lukas 7:14

elege warek o yerogo wolok wagoukha etnogo alilu lageikhesik nen, iki hakhasikhe. Iki itithogon hakhasikhemo akhuni nen warek o yerogo wolok wagoukha meke emenogo huk agoukha. Huk agoukhama at Yesus nen elege warek etnogo yogokhe dogolik, men yogokhikhe, “Na'but yi! Hiluk asin, iluk yokhekhe lagei o,” iluk yogokhikhemo nen

Lukas 8:54

Obato kogat agoukhama, at Yesus nen horlak etnogo iki hago meldekhe dogolik, men yogokhikhe, “Neru. Hiluk asin o!” iluk yogokhe korlek eranogoat

Yohanes 11:43

yabokane ane kokhogon men isikhe, “Lazarus. Itithogon dukhi me o!” iluk yogokhikhemo,

Yohanes 3:13

Itithogon yogokhikhesik nen, men yogokhikhe, “Ap ageikhe agat oba nen pogot oba motok dageigidek. At he, an pogot oba nen abat itaklasi usa'agagi etnogoat o.

Yohanes 5:27

An nebe abat itaklasi agagi iti nen, akhuni oak denogo wene inoba 'bigik, kokhik, hagasuagaluk, nopase nen anat niki baga 'banhikhe o.

La'isasikhe 14:10

Itithogon apasikhesik, ane kokhogonat yogokhe dogolik, “Hebe metokhogon melasin o,” iluk yogokhikhemo, metokhogon melageikhesik nen, holal lageik, wageik, hagakhikhe.

La'isasikhe 5:31

Ilugutdekhemo werek iti, akhuni Israel meke weak hagariogei meke iti here'isalok inobabut hebelasumo, Allah nen it weak hagakharek meke iti thagalogo degetdisagaluk, Yesus ebe ilugutdekhesik nen, at ebe ninoe Etagapogot dogolik tilninakhe dogoagaluk alilu meldisikhemo werek iti.

La'isasikhe 9:34

Ileken halok nen, men yogokhikhe, “Eneas nagarlak. Yesus Kristus nen hano hagathakhe o. Halok he, melatluk nen, hebe talogo noge ekhe lagan meke ethoma dikilogo 'bin o,” iluk yogokhe korlek, eranogoat metokhogon melageikhe.

La'isasikhe 9:40

Inuguthasukhama, at Petrus nen inebe tha'bokhogonat ula'isalok, itibagal yukukhogon sembayan iluk nen, elokhe hebenokhogon warek etnogo wogokhikhesik nen, “Tabita. Melasin o,” iluk yogokhikhe. Yogokhunem, eranogoat ileken 'bekelageikhesik nen, Petrus ebe ileken halok melageikhesik aloke tagakhogon hurek lageikhe.

A'bikaka 1:13

Nen, lampu iti akla turlem abat itaklageikhe meke etnogo elokhoken hakene meke, asu, uanat itikmanke meke hurli isok oba thalek ugu, nen amik oak oba therlok emas meke ugu werek.