Lukas 24:32 - ALLAH ANE WENW KET MEKE WAROGO WOKNINAKHIKHE WENE

³² Itithogon nalageikhemo, it-it men isukha, “Eiye! Holagarlem waga dogolik nen, wene Allah ane holal waganek meke pilinogo yoknisekhe korlek, ninakla arleken atluk ninakla kagouk ekhe etnogo dek?” iluk isukha.

Lukas 24:32 ပူးပေါင်းရင်းမြစ်များ

Markus 4:34

It akhuni aperek yakulisagaluk halok he, wene oba likhik anek yakulisekhe lageikhe mekeat he, at agarumi ane waganhe lagoukha meke emenogo anek he, inom inasokneat dogolik, wene ebe thelekmaat pakhogon yogeisekhe lageikhe.

Lukas 24:45

Allah ane holal waganek hutduagaluk, it emenogo wene inetaiken kagalogo yogeisasikhemo hutdisukha.

Yohanes 6:63

Allah Agoreke nen akhuni inilugurinakherek o. Nen, akhuni agat oba meke inobatne baga ageikhe hagasusak erlok dek o. Meke re, wene an nen yokhisekhe lagei iti, Allah Agoreke nenat ekherek meke nogo nen he, akhuni inilugurinakherek wene yokhisekhe lagei o.

La'isasikhe 28:23

Itithogon yogokhukhasik, “Nit niniki iti baga nen yabokane hoba wisugun o,” iluk wene warikhukha. Wene warikhukhasik nen, iniki iti baga inebe doalekma, o Paulus welageikhemo oba wagoukha. Wagoukhama, o huben nen logat hibako wene Allah apma 'bisekherek wene etnogo yogeisekhoat welageikhe. Yogeisekho dogolik, it nen Yesus hagakhikhe wene iti eberogonat iluk hutduagaluk, wene Allah nen ninasuk wakhikhe wene Musa nen holal waganogo 'bisikhe etnogo baga men, ap aperek Allah ane yogeisekhe lagoukha meke nen holal waganogo 'bisukha etnogo baga men, inasuk wakhe lageikhe.

Ibrani 4:12

At Allah ane ekherek iti, karok elak abel ebelak-ebelak motok mago iti hakene dek o. Meke re, at ane iti, iluk meke obatneak elaklak weak motok dogolik, inoak elekenma ukigik, inamukok elola ukigik, hagasu hak, inakla inetaiken oba hakha lagarethek nen, inakla apegarek meke inom, inetaiken nen warlok apegarek meke inom, ileken erlok penakherek.