Lukas 24:30 - ALLAH ANE WENW KET MEKE WAROGO WOKNINAKHIKHE WENE

³⁰ Ukisukhasik inom hipiri nuogoluk nen hurek lageikhesik hipiri roti meke ikimo waganhikhesik nen, Allah heagei warogo kusogo it emenogo wogeisasikhe.

Lukas 24:30 ပူးပေါင်းရင်းမြစ်များ

Matius 14:19

Yogeisasikhemo, wogosi agoukhama, at Yesus nen akhuni doalegat emenogo men yogeisasikhe, “Pipuk ekamake ethoma hureklarik lani o,” iluk yogeisasikhemo hureklarik lagoukhama nen, roti 5 eranogo inom, ikan pere eranogo inom, ikimo waganhikhesik nen, ileken pogot oba liakhasikhesik, Allah heagei warogo nen, roti kusogo agarumi ane waganhe lagoukha meke emenogo nen supurisoagaluk wogeisasikhemo it nen supurisasukha.

Matius 15:36

Yogeisasikhesik nen, hipiri roti meke 7 baga eranogo inom, ikan eranogo inom, ikimo waganhikhesik nen, Allah heagei warogo, at agarumi ane waganhe lagoukha meke emenogo nen supurisoagaluk, kusogo wogeisasikhemo, it nen supurisasukha.

Matius 26:26

At Yesus nen wene itithogon yogokhikhesik, hipiri neke dogolik, roti ikimo waganhikhesik nen, Allah heagei warogo, ebe kusogo it agarumi emenogo supurisekhe dogolik, men yogeisasikhe, “Yi an nebeat o. Waganiluk nen nani o,” iluk yogeisasikhe.

Markus 14:22

At Yesus agarumi inom hipiri itithogon neke dogolik, at nen hipiri roti meke ikimo waganhikhesik Allah heagei warogo ebe kusogo supurisekhe dogolik men yogeisasikhe, “Te. Yi an nebeat o,” iluk yogeisasikhe.

Markus 6:41

Itithogon arat hureklasi lagoukhama, at Yesus nen hipiri roti meke 5 eranogo inom, ikan pere eranogo inom, ikimo waganhikhesik nen ileken pogot oba liakhasikhesik nen, Allah heagei warogo roti eranogo kusogo, agarumi ane waganhe lagoukha meke nen akhuni doalegat emenogo supurisoagaluk wogeisasikhe. Nen, ikan pere eranogo itithogonat it tha'bokhogonat supurisoagaluk palogo wogeisasikheat.

Markus 8:6

Itithogon yogokhukhama, at nen akhuni doalegat natogorlek welagoukha meke emenogo agat oba hureklasuagaluk yogeisasikhe. Yogeisasikhesik hipiri roti meke 7 nen eranogo ikimo waganhikhesik, Allah heagei warogo, iki nen hipiri roti meke eranogo kusogo akhuni doalegat emenogo supurisoagaluk, agarumi ane waganhe lagoukha meke emenogo wogeisasikhemo supurisasukha.

Lukas 22:19

Itithogon yogeisasikhesik, yabokane hipiri roti meke ikimo waganhikhesik nen, Allah heagei warogo nen ebe kusogo, agarumi supurisekhe dogolik, men yogeisasikhe, “Yi an nebeat o. [An nebe hit hinobasik nakhunem watlasigin iti, an noba eberek dogobageik nen, yigithogon neke dogono,” iluk yogeisasikhemo,

Lukas 24:29

Itithogon hagakhikhemo it ap emenogo nen, men yogokhukha, “A! O hi asigiluk, mo arat korokhogon laga yoma re, ninom yoma noge uok o,” iluk, hakhasukhama inom noge uogoluk uma ukisukha.

Lukas 24:35

Lagoukhasik, it inebe pere eranogo nen holagarlem waga dogolik Yesus inom hagakhukha meke inom, hipiri kusogo melageisugunem ebe hutdisukha meke etnogo inom, motok pilinerogon yogeisasukha.

Lukas 9:16

Arat hureklarik lagoukhama nen, at Yesus nen hipiri roti meke 5 eranogo men, ikan pere eranogo men, ikimo waganhikhesik nen, ileken pogot oba liakhalok, Allah heagei warogo roti inom, ikan inom, eranogo kusogo, at agarumi emenogo nen akhuni doalegat emenogo supurisoagaluk wogeisasikhe.

Yohanes 6:11

Itithogon hureklarik lagoukhama, at Yesus nen hipiri roti meke eranogo ikimo waganhikhesik nen, “Allah nopase,” iluk heagei warogo, akhuni doalegat hurek lagoukha meke emenogo supurisalok, ikan eranogo itithogonat supurisasikhe. Supurisasikhemo, it inakla nen, nelo apasukha meke re, hipiri ina'ithogon nasukha.

La'isasikhe 2:42

Inom dapukhogon hanoat dogolik, it ap Yesus nen inayoko 'biluk la'isasikhe meke emenogo nen wene yakulisugunem hunik-hunigat inasuk holhik, hipiri inom kusogo nikik, sembayan inom igik, hagakhe lagoukha.

La'isasikhe 2:46

Itithogon hagakhe dogolik, iniki ageikhe huk ageidek hunik-hunigat Allah ai halekma natogokhik, inakla arleken akhekhe dogolik, inobabut thebekhogonat inaila hipiri inom kusogo nikik, hagakhe lagoukha.

La'isasikhe 27:35

Itithogon yogeisasikhesik, roti ageikhe ikimo waganhikhesik nen, it tha'bokhogonat inil oba Allah heagei warogo, at tak kusogo nasikhe.