Lukas 23:14 - ALLAH ANE WENW KET MEKE WAROGO WOKNINAKHIKHE WENE

¹⁴ wene men yogeisasikhe, “At yi nen akhuni nukhetdisilik liliogo yi, iluk, an noba wolok wagasip wene oba 'begepma, an nen hit hinilobaat weke erlo penakhi meke re, hit nen wene oba 'begep hak, higi dek o.

Lukas 23:14 ပူးပေါင်းရင်းမြစ်များ

Matius 27:19

wene erlo penakharekma eranogo hurek werekma, at Pilatus age nen ap ageikhe wene warogo la'i ageikhe. La'i aga dogolik, men isikhe, “An hibako noge isinem ap iti hasigat na'bi motok weak higirik o. Halok he, at obabut hano meke iti hat hinom nen wene oba 'bugup o,” iluk isikhemo yogosi agoukha mekeat he,

Matius 27:24

Itithogon yogokhukhama, at Pilatus nen, “It akhuni yoma nen, Wasugunat, iluk inane kogat ekhe dogolik ilugun oba weak asusakma, an nane yugunat alomarogon ekhe lagei higi,” iluk, i henago ageikhe waganhikhesik nen, akhuni emenogo inileken werek korlek iki baga horekhe dogolik, men isikhe, “Ap yi amep, an noba asigin dek o. Hirat hinoba asigin o,” iluk yogeisasikhemo

Matius 27:4

“Eiye! Ap iti weak hagakhidekmaat wasubageik iluk yogo wageima o. Halok he, weagat hagakhima higi o,” iluk yogeisasikhemo, it emenogo nen he, “Wene iti nit ninoba agama apegen? Dek o. Iti hat hoba dopogat o,” iluk yogokhukhama,

Matius 27:54

Nen, ap tentara meke inoe kok inom, agarumi aperek Yesus thuam welagoukha meke emenogo inom, dugul luk-lagathigik, yi meke ti meke hagatlageik, hagakhikhe emenogo inileken hasukhasik nen, inayuk motok ageikhesik, “Ap yi re, Allah a'but eberogonat higi o,” iluk isukha.

La'isasikhe 13:28

It nen, Ukum nikithogon oba 'biluk wasuok, iluk herakhukha meke, wene oba dek ageikhe mekeat, at Pilatus nen wasuagaluk wogokhukha iti.

La'isasikhe 17:11

It akhuni Yahudi o Berea meke inobabut, akhuni o Tesalonika meke inakla puk welagoukha iti hak dek. At he, it wene inakla arlekenhogo waganhe dogolik, “Wene ekhe iti eberogonat a? Men a,” iluk, Allah ane holal waganogo 'bisukha meke etnogo hibiku-yogokuat etaga thalogo hutukhogon 'bikhekhe lagoukha.

Ibrani 7:26

Nit ninakla nen, “Ap ageikhe Allah iteerek nit ninobasik hano 'bogokhogon yigithogon kok dogolik hagakhe dogolep e,” iluk apogorek mekeat he, Allah nen ninoe Yesus itiat meldisikhemo werek o. At obabut weak korlo ageikhe hagakhidek, hano karelek motok werekma, akhuni weak hagakharek meke inakla nen karelogo pogot abel upuke upu eloma lia'isikhemo nit ninobasik werek o.