Lukas 22:66 - ALLAH ANE WENW KET MEKE WAROGO WOKNINAKHIKHE WENE

⁶⁶ Itithogon yogokho werekma o wi isikhemo nen, ap Yahudi inarluetek emenogo men, Allah iteerek meke inougi koktek meke men, ap Allah ane holal waganek iteerek meke men, natogokhukha. Natogokhukhasik nen, wene Allah ane hasik erlo pilinekharekma etoma werekma, Yesus wolok inoba ukisukhama

Lukas 22:66 ပူးပေါင်းရင်းမြစ်များ

Matius 27:1

Itithogon hagakhukhasik werekma, o arat wi ageikhemo hubenke it ap Allah iteerek meke inougi koktek meke emenogo inom, it ap inarluetek emenogo inom, tha'bokhogonat nen, Yesus wasuogoluk abok paldisukhasik,

Matius 5:22

Meke re, an nen wene ageikhe yi yokhisak. Hat tha nen hagarlak hasik hakla aga dageikhe halok he, wene ageikhe hoba 'bigin werek o. Nen, hat tha nen hagarlak ageikhe yogokhe dogolik, Hat he, hebe kepu yi re! iluk isi halok he, it ap wene erlo pilinekharekma etoma wokharek lalok, ukum hoba 'bugunat o. Nen, hat tha nen, Hat he, hebe uo motok yi re! iluk isi halok he, wene hoba 'biluk weakma hetu aikmo la'agagin o.

Markus 15:1

Itithogon hagakhe lagoukhasik, o wi ageikhemo nen, ap wene Allah hasik erlo pilinekharek meke inebe tha'bokhogonat, it ap Allah iteerek meke inougi koktek emenogo men, inarluetek emenogo men, Allah ane holal waganek iteerek meke emenogo men, hetnake inomat nen, “Itithogon hagasuok,” iluk isukhasik nen, Yesus iki herle warogo Pilatus wogosi agoukha.

Yohanes 18:28

Itithogon hagatluk, thue ane isikhemo, huben siakhogonat at Yesus ap Kayafas werekma nen, gubernur ai o kok halekma wolok wagoukha. Wolok wagoukhasik, Yesus anek uma kola'isukhasik, “Nit pesta Paskah etnogo meke neke dogosakma, nit nen ninabusagat ukumo, nit weagarogo 'binanunogo,” iluk , o kok halek gubernur aila etoma ukigidek, o silimo huk agoukha.

La'isasikhe 22:5

Itithogon hagakhe lagagi iti, ap Allah iteerek meke inoe kok ebe men, inarluetek men, inom tha'bokhogonat nen surat waganogo ninagarlak lak Yahudi meke o Damsyik meke inoba wolok loagaluk woknikhukha. Woknikhukhama, it akhuni Yesus ane waganhukhasik oporlik laga lagoukha meke o etoma werekma iniki herle warogo wogosik, o Yerusalem yoma 'bisa agunem, wene inoba 'bigik,inebe inakhik, hagasuagaluk la'anhukhasikmo nogo nen, it inilu. Halok he, it nenat yokhisausak werek o,” iluk yogeisasikhe.