Lukas 22:37 - ALLAH ANE WENW KET MEKE WAROGO WOKNINAKHIKHE WENE

³⁷ An hagatnabugun meke hasik holal waganogo 'bekhe dogolik, At iti akhuni inobabut weak hagakharek meke inom thabakhogon iniki wenageinakha o, iluk isukha iti, an noba tak-tak hagatlasusak mekeat yogotak hagatlarik wiriogo iti nen yokhisigi o,” iluk yogeisasikhemo,

Lukas 22:37 ပူးပေါင်းရင်းမြစ်များ

Markus 15:27

Yesus ebe o baga turlem itithogon meldisukhasik nen, it ap inebe pere akhuni inameke iniki abusak waganhe lagoukha meke, ageikhe iki ebeke, ageikhe iki paike, inom meldisalok inakhukhaat. [

Markus 15:28

Itithogon hagakhukha iti haganeat Allah ane holal waganogo 'bekhe dogolik men isukha, “Akhuni nen, at iti ebe re, akhuni inobabut weak hagakharek meke thalek inom opakiat iniki wenageinabugun o,” iluk isukha meke iti, at Yesus it ap iti inom itithogon meldisasukha iti baga ebeat ageikhe iti.]

Lukas 18:31

At Yesus wene itithogon yogeisasikhesik nen, agarumi inebe 12 oba emenogo wogosik, inasokne ponhogo lageikhesik men yogeisasikhe, “Nagarumi. Nit yogotak o Yerusalem usa lago. Nen, arat usa lalokma nen, it ap alep Allah ane yogeisekhe lagoukha meke emenogo nen, an abat itaklasi agagi etnogo yabokane hagatnabugun meke holal waganogo 'bisukha meke tak-tagat hagatnabugun o.

Lukas 22:22

Yoko laumo an abat itaklasi agagi etnogo at Allah nen, At wasuak, iluk akla apasikhe tak-tagat nasugun meke re, at an nasuagaluk yoko ligin meke iti anek he, nakmu e. Weak asigin o,” iluk yogeisasikhemo,

Lukas 22:36

at Yesus nen, men yogeisasikhe, “Meke re, yogotak anek hinauang eret men, hinasuke men, werek halok he, horlalok laniat o. Nen, hit aperek karok wim yakharek meke etnogo dek halok he, hinasu itikmanke ikherek meke oko palogo karok oko palino.

Lukas 22:52

Itithogon hunetdisikhesik at Yesus nen, it ap Allah iteerek inougi koktek inom, it Allah ai halek therogo welageikharek meke inom, it ap inarluetek inom, at ebe hakhauwogoluk wagoukha meke tha'bokhogonat men yogeisasikhe, “Ap iki abusak waganhunem hageinabi ageikharek hak, hit nen an itithogonat haknabuogoluk karok inom, payuk inom, wolok wagap yi re!

Lukas 23:32

Nen, at wolok waga dogolik, it ap inobabut motok weak hagakhe lagoukha meke inebe pere inom inasuogoluk wogosik wagoukhaat.

Lukas 24:27

Itithogon yogeisasikhesik nen, at ekaerek hasik Musa nen holal waganhikhe emenogo hurli nen logat, it ap Allah ane yogeisekhe lagoukha meke nen holal waganhukha emenogo, tha'bokhogonat hutukhogon pilinerogon yogeisasikhe.

Yohanes 10:35

Wene Allah ane holal waganek welagarek iti tha'bokhogonat, ageikhe munenagarek dek apigi. Iti nen he, it at ane yogeisasikhe meke hasik, Hinebe allahat, iluk isikhemo holal waganek werek korlegat,

Yohanes 17:4

An nen agat oba yi meke ti meke hagasuagaluk meldanhigin etnogo yabu ebe arat hagakhe lagarik tirliphogonat hagakhi iti baga nen kogotdagagi o.

2 Korintus 5:21

Nit Kristus ninom hunekho halok, at Allah nen ekaerek ninom hano ninapuke dapukhogon 'binanigiluk, nit ninobasigat nit ninobabut weak hagakhorek meke iti, at Kristus weak hagakhidek meke oba 'bisikhe iti o.

Galatia 3:13

Allah ane baga holal waganogo 'bekhe dogolik, men isukha, “Inebe o baga meldisalok inasumo, it inebe watlasugun meke iti, Allah nen homan 'bisagein werek o,” iluk, holal waganogo 'bisukha hagat, wene Allah nen ninasuk wakhikhe wene iti baga, homan 'binanusak mot werekma, at Kristus nen ninoko palogo tilninabigiluk wene nit ninoba meke korogo at oba 'bakhasikhe iti.