Lukas 22:33 - ALLAH ANE WENW KET MEKE WAROGO WOKNINAKHIKHE WENE

³³ Itithogon yogokhikhemo, at Petrus nen, men yogokhikhe, “Noe o! O akhuni iniki herle warogo 'bisegarekma kola'agagik, hebe motok hakhik, hagathakho halok he, an nipisagat ninasuagaluk welagei o,” iluk yogokhikhe mekeat he,

Lukas 22:33 ပူးပေါင်းရင်းမြစ်များ

Matius 20:22

Itithogon yogokhikhemo, at Yesus nen, “Hit kino yoknekhep iti, wene ebe hinokodegat dogolik yoknekhep o. An yi aik ti aik hagatnabugun iti hit itithogon hagathinabusak erlok apegep?” iluk u hak, “An nagei henago nigin iti, hit erlok nausak apegep?” iluk yogeisasikhemo, it nen, “Erlok nausagat o,” iluk yogokhukha.

Markus 14:29

Itithogon yogeisasikhemo at Petrus nen men yogokhikhe, “It hetlake yoma inebe tha'bokhogonat here'ageiluk lo thirlik-pirlikhogon lugun halok he, an itithogon lo dukhigin dek o,” iluk yogokhikhemo,

Markus 14:31

at Petrus nen men yogokhikhe, “Itithogon egenat meke re, an nipisak nasumo hano. Yesus nokodek, iluk an nen la'beligin dek o,” iluk ane obatnerogon isikhemo, it agarlak lak aperek inebe dopok inane itithogon anek ilik lagoukha.

Lukas 22:34

at Yesus nen, “Petrus! Yogotak ayam ane aban igidek werek korlek, hat nen, Yesus iti nokodek o, iluk, hiki henagan oba la'beligin o,” iluk yogokhikhe.

Lukas 22:57

at Petrus nen la'belhe dogolik, men yogokhikhe, “Dek o. Horlak yi! Ap iti ebe an nokodek o,” iluk yogokhikhe.

Yohanes 13:38

at Yesus nen, men yogokhikhe, “Hat an nobasik eberogonat watlasusak welagan a? Dek o. Thue ayam ane igidek werek korlek, hat nen, An Yesus nokodek, iluk hiki henagan oba la'beldilukmo nen, ayam ane igin o, iluk eberogonat yokhikhi o,” iluk yogokhikhe.

La'isasikhe 21:13

Asuk wakhunem, at Paulus nen, “Hit de aga dogolik, nakla motok weagatdekhe lagap iti nenaluk. Ninoe Etagapogot Yesus hasik he, o Yerusalem etoma nen niki herle anek wasusak apekhe lagap a? Dek o. Niki herle wakhik, nebe nakhik, hagasumo hanoat o. Itithogon hagatnabusak erlogat apekhe lagei,” iluk yogeisasikhe.