Lukas 22:24 - ALLAH ANE WENW KET MEKE WAROGO WOKNINAKHIKHE WENE

²⁴ Itithogon it-it hinok-hinok waganhe lagoukhasik nen, kok tha, iluk inane thagalhe dogolik, men isukha, “Hetagawerek hat a? An apigi,” iluk, at ageikhe nen igik, at ageikhe nen igik, inane thagalhukha.

Lukas 22:24 ပူးပေါင်းရင်းမြစ်များ

Matius 18:1

Itinem at Yesus agarumi ane waganhe lagoukha meke emenogo at oba wagoukhasik nen, men yogokhukha, “Nopase kok pogot oba meke apma 'bisekherekma etoma, kok etagapogot he, tha dogogin,” iluk yogokhukha.

Markus 9:34

it holagarlem laga dogolik, “Kain hetagapogot hat nogo? An o,” igik, wene palhe lagoukhasikmo nogo nen, inane igidek huk agoukha.

Lukas 22:23

it-it men isukha, “Iti tha hak nen yoko ligin meke ekhe,” iluk nen, hinok-hinok ilik lagoukha.

Lukas 9:46

Itithogon werek korlek, it Yesus agarumi ane waganhe lagoukha meke emenogo nen ekhe dogolik, at ageikhe nen, “Kok hetagapogot hat nogo? An o,” igik, wene la'igik wa'igik wene palhe lagoukha.

Roma 12:10

Hinagarlak lak hinerugi Allah a'buri meke iti hinebe ap opakiat nen itago meke negen, hinetaiken hunik hinakmurogon dogolik, hit-hit hinagarlak lak hinerugi inalon halhe dogono o.

1 Korintus 13:4

Akhuni aperek inebe inakmurogon dogolik, inobakhanini hapugutdiluk welageikharek iti. Itithogon inakmurogon dogolik, inobabut hano ua palek dek dogolik, inekaerek nen higirakhigik-hogorakhigik, hagakharek dek.