Lukas 22:11 - ALLAH ANE WENW KET MEKE WAROGO WOKNINAKHIKHE WENE

¹¹ ap ai iteerek meke iti baga hinok mek iluk waganino, At ninoe wene yakulnisiliogo meke etnogo nen men ekhe, An nagarumi nane waganiogei meke ninom pesta Paskah hasik domba warogo noagaluk, o kakok palek ki hak 'banhen, iluk hinok wagani lani, iluk la'inani agama wago, iluk itithogon yogokhunem,

Lukas 22:11 ပူးပေါင်းရင်းမြစ်များ

Matius 21:3

Itithogon herle hisalhunem, it akhuni etoma meke ageikhe nen, Nenaluk kupi hisalhe lagap, iluk wene palhe halok, men yogeisano, Ninoe Etagapogot etnogo nen wam keledai yi meke dek nen, wolok luogoluk kupi hisalhe lago, iluk yogokhunem at nen, ibat la'isigin etnaga,” iluk, wene warogo la'isasikhe.

Markus 14:14

At oporlik lagunem, at ebe uma ukekhe halok he, ap ai iteerek meke iti oba hinok men iluk waganino, At ninoe wene yakulnisekherek meke etnogo nen, men ekhe, An nagarumi nane waganiogei meke ninom pesta Paskah hasik domba warogo noagaluk, o kakok palek ki hak 'banhen, iluk hinok wagani lani, iluk la'inani agama wago.

Lukas 19:31

Itithogon kupi hisalhunem, it akhuni etoma meke ageikhe nen, Keledai kupi hisalhe lagap iti nenaluk, iluk hinok waganhe halok, hit nen, men yogeisan o, Dek o. Nit ninoe Etagapogot etnogo nen keledai yi meke dek nen, wolok luogoluk kupi hisalhe lago, iluk yogeisano,” iluk wene warogo la'isasikhe.

Lukas 19:34

it nen, “Dek o. Nit ninoe Etagapogot etnogo keledai yi meke dek nen, wagani ago,” iluk yogeisasikhesik nen,

Lukas 19:5

Dageisikhesik werekma, at Yesus eranogo lageikhesik ileken liakhalok nen, etaga pakhogo men yogokhikhe, “Zakeus. Yogotak hat haila nipisak noge i luok nen, ibat usa me o,” iluk yogokhikhemo,

Lukas 22:10

at Yesus nen, “Hit o kota etnogo uki lalok, ap ageikhe isoak agat meke hagarek meke baga i henatluk wagunem, hinom abuk asugun etnaga. Abuk atluk oporligat lano. Lagunem at aila ukekhe halok

Lukas 22:12

at nen o henaipu o hurli kogat palekma meke werago nausak oba oboluk motok hagarekma yakulhisagein etnaga re, etomaat yi meke ti meke tugurogo 'biluk dogono,” iluk nen la'isasikhe.

Yohanes 11:28

Itithogon yogotluk, Marta nen oe Maria wasi lageikhemo asokneat wageikhemo nen, men yogokhikhe, “Ninoe wene yakulnisiliogo meke etnogo ebe wagasik horok yoma dogolik wahiriogo,” iluk ane hok-hokhogon yogokhikhe.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.