Lukas 21:37 - ALLAH ANE WENW KET MEKE WAROGO WOKNINAKHIKHE WENE

³⁷ Wene itithogon yogeisasikhesik nen, yabokane, at Yesus o wi agunem Allah ai halekma, wene yakulisigik, o hi isinem tom Zaitun ukul oba dageigik, hagakhe lageikhe.

Lukas 21:37 ပူးပေါင်းရင်းမြစ်များ

Matius 21:1

At Yesus akhuni inom lagoukha meke emenogo inom kota Yerusalem ukuogoluk horokhogon asi lagoukhasik, tom Zaitun apma o ukul Betfage mot-mot asi dageisukhasik, Yesus nen it at ane waganhe lagoukha meke emenogo inebe pere alebageik la'isasikhe.

Matius 21:17

it akhuni emenogo here'isalok, o kota etoma nen dukhi ageikhesik, o Betania noge i ageikhe.

Matius 26:30

Wene itithogon yogeisasikhesik nen, etai Allah etai ageikhe watluk dukhisukhasik nen, tom Zaitun oba dageisukha.

Matius 26:55

it ap doalegat wagoukha emenogo men yogeisasikhe, “Ap iki abusak waganhunem hageinakharek iti hak, hit nen itithogonat an haknabuogoluk, karok men, payuk men, motok wolok wagap yi re! An hibiku-yogoku Allah ai halekma hurek dogolik wene yakulisugunem, hit nen yigithogon haknakhidek welagasibat he,

Markus 11:12

O Betania dukhi ageikhesik noge iluk, hubuluk ukekhe dogolik, Yesus hipiri abu ageikhe.

Markus 11:19

Itithogon hagakhe korlek, o arat hi ageikhemo, Yesus agarumi inom o Yerusalem nen dukhi agoukha.

Markus 14:49

Hibiku-yogokuat an hinakerlekla Allah ai halekma dogolik wene yakulisekho werekma haknakhidek welagasip nen, Itithogon hagasugun, iluk Allah ane holal waganogo 'bisukha meke tak-tagat, haknabi agap o,” iluk yogeisasikhemo,

Lukas 19:29

Dageikhe lageikhesik, tom Zaitun apma o ukul ageikhe etaga Betfage, ageikhe etaga Betania etoma mot-mot asi dageisikhesik nen, at agarumi ane waganhe lagoukha meke inebe pere wene warogo alebageik la'isekhe dogolik,

Lukas 19:37

Talik lagoukhasik nen, o Yerusalem horokhogon asi lagoukhasik, holak tom Zaitun oba nen usegarekma etoma usauwogoluk at agarumi oporlik nekhe lagoukha meke inebe doalegat emenogo, at Yesus hagasusak dek meke elalinat hagakhe lageikhe emenogo inileken hekhe lagoukhasikmo iti nen, inakla arleken akhekhe dogolik, inane kokhogon amitmit suphogon Allah hogorarik usasukha.

Lukas 19:47

Itithogon wenageisasikhesik nen, at Yesus nen hibiku-yogoku Allah ai halekma wene yakulisasi motok welageikhe. Itithogon yakulisugunem, it ap Allah iteerek inougi koktek inom, Allah ane holal waganek iteerek meke inom, it Yahudi meke koktek inetaga werek meke inomat, “At Yesus ebe nikithogon wasuok,” iluk abok palhe lagoukha.

Lukas 22:39

Itithogon yogeisalok inom, dukhisukhasik nen, o kota etnogo thogotdiluk nen, at Yesus tom Zaitun ukul oba dageikhe lageikhe etnogo hagat, dageisinem, at agarumi ane waganhe lagoukha meke emenogo oporlik dageisukha.

Yohanes 12:1

Wene itithogon isukhasik werek korlek, iniki 5 oba dogoluk nen, ageikhe baga pesta Paskah etnogo nuogoluk aban werek korlek, at Yesus o Betania ap Lazarus watlageikhesikmo nen ilugutdisikhe meke etnogo aila wageikhe.

Yohanes 18:2

At Yesus agarumi ane waganhe lagoukha meke emenogo iniki nekalok oba lageik, iniki nekalok oba lageik, etoma natogorlogo lageigat hagakhe lagoukhasikmo nen, at Yudas Yesus wasuagaluk yoko lageikhe meke etnogo yabula iti ilu welageikhe.

La'isasikhe 1:12

Itithogon yogeisasukhama, tom Zaitun oba etoma nen usa'agoukhasik nen, o kota Yerusalem walegat dek. Horogat satu kilometer hakene uki agoukha.