Lukas 20:26 - ALLAH ANE WENW KET MEKE WAROGO WOKNINAKHIKHE WENE

²⁶ Itithogon yogeisekhe lageikhemo, akhuni inil oba ane ekhe hasik, ileken waganogo wene oba 'busak dek ageikhemo, it nen, “Wene oko mothogonat ekhe iti nayuk e!” iluk, inane dek huk agoukha.

Lukas 20:26 ပူးပေါင်းရင်းမြစ်များ

Matius 22:12

Yak yi. Hat he, su humi iginakhe dogolik pesta isago nuogoluk ikharek meke iti ikhidek uki agan yi, nikithogon uki agan, iluk yogokhikhe mekeat he, ap etnogo ane motok igidek huk ageikhe.

Matius 22:22

it emenogo inasuk holhukhasik nen, “Eiye! Nayuk e,” iluk hogoratluk Yesus thogotdiluk o werlekma lagoukha.

Matius 22:34

At Yesus nen wene itithogon yogeisasikhemo, akhuni nen he, “Yesus nen it ap Saduki meke wene yogeisekhemo, it nen oko usak erlok dek aga,” iluk isukhama, it ap Farisi meke inasuk holhukhasik inebe natogotdiluk,

Matius 8:10

at Yesus asuk holhikhesik nen, akhuni at oporlik lagoukha meke emenogo men yogeisasikhe, “Eiye! Ap yi etaiken noba eberogonat hakotdekhe iti hakene, it akhuni Israel meke ageikhe inetaiken itithogon hakotdisinem hisegerek dek meke nayuk e, iluk eberogonat yokhisigi o.

Lukas 13:17

it ebetlake Yesus ina'it welagoukha meke emenogo tha'bokhogonat inekarli agoukha. Meke re, it akhuni aperek inebe doalegat emenogo tha'bokhogonat nen, at Yesus hagakhe lageikhe iti tha'bokhogonat hasik, inakla arleken motok akhekhe lagoukha.

Lukas 20:20

Huk agoukhasik yabokane, at nen ane igin oba wene 'biluk, at gubernur akhuni hagasik dogolik ukum inoba 'bigik, kokhik, hagakherek iteerek meke nen wene oba 'buagaluk, ap aperek inobabut hano thalek Yesus inileken waganhe dogoagaluk la'isa agoukha.

Roma 3:19

It akhuni aperek wene Allah nen ninasuk wakhikhe wene iti, holek welageikharek meke anek yogeisasikhe, iluk nit ninilu. Allah arligat nen akhuni o yi ai ti ai tha'bokhogonat wene inoba 'bigik, kokhik, hagakhunem, at ageikhe nen wene oba korogo wokhausak erlok dek asuagaluk ninasuk wakhikhe iti.

Titus 1:10

It akhuni aperek doalegat ebe wene hologo mothogon hagakhidek hagariogei iti. Itithogon hagariogei iti, inebe doalekmake, it Yahudi inoado aperlagap itithogon palek meke, hano wene waganhukhasik nen, yabokane wene ebe wene dekmaat, yugunat akhuni inawene meke ekhe dogolik, it aperek nukhetdisiliogei iti o.