Lukas 19:28 - ALLAH ANE WENW KET MEKE WAROGO WOKNINAKHIKHE WENE

²⁸ Wene itithogon arat yogeisasikhesik nen, akhuni emenogo aban werek korlek, at Yesus ebe alebageik o Yerusalem dageisikhe.

Lukas 19:28 ပူးပေါင်းရင်းမြစ်များ

Lukas 10:30

at Yesus nen, men yogokhikhe, “Ap ageikhe o Yerusalem nen o Yeriko usasikhe. Holagarlem usasinem, ap iniki abusak waganik nekharek meke nen, ap etnogo ha'iluk, tugi motok tamuk-hamukhogon watlasusak negen warogo etomaat podisalok, ameke yi meke ti meke emenogo horlalok lagoukha.

Lukas 12:50

Akhuni yoma ima usa'isiliogei hak, an yi aik ti aik hagatnabugun meke re, aban werek korlek, nakla weak motok welagei.

Lukas 18:31

At Yesus wene itithogon yogeisasikhesik nen, agarumi inebe 12 oba emenogo wogosik, inasokne ponhogo lageikhesik men yogeisasikhe, “Nagarumi. Nit yogotak o Yerusalem usa lago. Nen, arat usa lalokma nen, it ap alep Allah ane yogeisekhe lagoukha meke emenogo nen, an abat itaklasi agagi etnogo yabokane hagatnabugun meke holal waganogo 'bisukha meke tak-tagat hagatnabugun o.

Lukas 9:51

Itithogon yogeisasikhesik nen, at Yesus ebe Allah nen pogot oba lia'usak arat horok asi ageikhemo, at akla nenat wene munini la'iluk, “O Yerusalem usagein o,” iluk holak waganhikhe.

Yohanes 18:11

Itithogon 'bogokhogon la'isikhemo, at Yesus nen, men yogokhikhe, “Petrus. Hakarok obolukmo huakma kola'in o. Akhuni nen i henago wogeisugunem nekarek iti hak, an nopase nen, Hat yi aik ti aik hagathabugun o, iluk yoknikhikhe meke iti tak-tagat an hagatnabusak erlok dek apegen a? Dek o. Hagatnabusagat o,” iluk yogokhikhe.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

1 Petrus 4:1

Akhuni yi aik ti aik halok, inebe watlatluk, yabokane weak hagakhe dogosak dek iti nen, at Kristus yi aik ti aik hilik hilik ebe watlageikhe iti hak, hit meneke, akhuni thin ikhalok inobabut hebelogo welageikharek iti hak, at Kristus obabut waganogo, yi aik ti aik hekhe dogolik hinobatnerogo dogono.