Lukas 18:20 - ALLAH ANE WENW KET MEKE WAROGO WOKNINAKHIKHE WENE

²⁰ Wene Allah nen, Yigithogon hagatno, tigithogon hagatno, iluk ninasuk wakhe dogolik, men isikhemo werek, Param hagasusak dek o. Akhuni inasusak dek o. Hiniki abusak waganusak dek o. Hinekalat inabok palusak dek o. Hinagosa hinopase inalon halinakhe dogosak o, iluk ninasuk wakhikhe etnogo hat hiluat o,” iluk yogokhikhemo,

Lukas 18:20 ပူးပေါင်းရင်းမြစ်များ

Lukas 18:19

at Yesus nen, men yogokhikhe, “Hat hano, iluk yoknekhen iti nikithogon nen yoknekhen. At ageikhe hano dek o. At Allah arligat hano o.

Lukas 18:21

at ap etnogo nen, men yogokhikhe, “Wene yoknekhen iti tha'bokhogonat, an nebe yekerek oba nenat nasuk hologo mothogon hagakherek mekeat o,” iluk yogokhikhemo,

Roma 13:9

Wene iti ninasuk wakhe dogolik, men isikhe, “Param hagasusak dek o. Akhuni inebe inasusak dek o. Hiniki abusak waganusak dek o. It aperek inameke hinakla nen, Warlok o, iluk apausak dek o,” iluk wene ninasuk wakhikhe iti inom, aperek ninasuk wakhikhe meke inomat, opakiat dapukhogon wene kok hakene, men isikhe, “Hit nen, akhuni hinom welagap meke iti, hinekaerek hinebe hakene hinakmurogon dogono o,” iluk isikhe iti.

Roma 3:20

Wene Allah nen ninasuk wakhikhe wene iti baga, nit akhuni weak hagakhorek meke ekagat ninilu agorek iti nen, nit tha'bokhogonat wene at nen ninasuk wakhikhe wene iti holek dogolik, at il oba mothogon hagasusak erlok dek o. Hologo hagakhe dogoumo, at nen ninom yabokane hunogo 'binanusak mekeat he, erlok dek o.

Efesus 6:2

Wene Allah nen ninasuk wakhikhe etnogo baga, wene alebageik ninasuk wakhe dogolik, “Hit nen yigithogon hagasusak, tigithogon hagasusak,” iluk ekhe dogolik, “Yabokane hanothinabigin,” iluk, alebageik abok ageikhe inom igidek. We, “Hinagosa hinopase lak inalonerinakhe dogono,” iluk isikhesik nen,

Kolose 3:20

Nen, hit yekerugi, nagarumi. Hinagosa, hinopase lak nen, yi meke ti meke hasik yokhisugunem, inane hologo hagakhe dogoumo, ninoe Etagapogot oba hotok igin iti nen, itithogonat hagakhe dogono o.