Lukas 17:20 - ALLAH ANE WENW KET MEKE WAROGO WOKNINAKHIKHE WENE

²⁰ Itithogon la'isikhemo yabokane, it ap Farisi meke nen, men isukha, “At Allah nen, o meranem at apma 'binani isigin,” iluk hinok waganhukhama, at Yesus nen, men yogeisasikhe, “At Allah apma 'binageiluk wisigin iti re, akhuni nen ageikhe hutduagaluk elalin meke ageikhe inil oba hagakhidek werek korlegat wisigin o.

Lukas 17:20 ပူးပေါင်းရင်းမြစ်များ

Lukas 10:11

Nit hit hinaila dogolik agat abubuleke ninisok oba dekelogo meke yi, hit weak iluk hiniloba horogo podisogo yi. Hinakla nen, Allah apma 'binanigin etnogo yogotak arat 'binanigin, iluk, hanorogon hutdekhe dogono, iluk yogeisano.

Lukas 14:1

Itithogon yogeisasikhesik, yabokane iniki 7 baga ageikhe, Allah hasik werlegat dogolik, Yesus ap Farisi meke inougi koktek meke opakiat ageikhe aila hipiri ipisak nuogoluk lageikhesik werekma, akhuni nen, at Yesus inileken hanorogon waganhe lagoukha.

Lukas 16:16

At Yohanes ima usa'isekhe lageikhe meke etnogo aban wageidek werek korlek, wene Allah nen ninasuk wakhikhe meke etnogo men, it Allah ane yogeisekhe lagoukha wene etnogo men, wene itiat kok welageikhe. Meke re, at Yohanes wageikhe iti hurli nen, hano wene Allah nen apma 'bisekherek wene etnogo yogeisilik lagunem, akhuni tha'bokhogonat nen wene waganuogoluk inobatnerogon hathani motok ukiriogei.

Lukas 19:11

At Yesus nen itithogon yogeisasikhesik, inasuk holek werek korlegat, o Yerusalem arat horokhogon asi lagoukhasik nen, ti akhuni emenogo inakla nen men apasukha, “Allah nen apma 'bisagein iti yogotak yaat 'binanhunem ninileken hugun o,” iluk inakla apasukha iti nen, at Yesus nen wene ageikhe oba lisogon men yogeisasikhe,

Yohanes 18:36

at Yesus nen, men yogokhikhe, “An nen akhuni napma 'bisegerek iti, akhuni agat oba meke nen inapma 'bisegarek iti hak 'buk. Dek o. An napma 'bisegerek iti, agat oba meke dogolepma re, nagarumi nen an nebe it ap Yahudi meke wogeisausak dek iluk, nebe nirlirli woknabuogoluk inom yabilep meke re, an napma 'bisegerek iti agat oba meke dek iti nen, nirlirli woknabugun dek o,” iluk yogokhikhemo,