Lukas 15:27 - ALLAH ANE WENW KET MEKE WAROGO WOKNINAKHIKHE WENE

²⁷ at atuaneke meke etnogo nen, Dek o! Hagot etnogo wagama o. At ebe oba u dek hano motok wagama nen, hopase ako sapi eak utholik hano meke etnogo wakhesik hagariogei o, iluk itithogon isikhemo,

Lukas 15:27 ပူးပေါင်းရင်းမြစ်များ

Matius 22:4

Wageidek huk agoukhama, yabokane atuaneke ninat meke men yogeisasikhe, Akhuni inayoko 'bigi meke emenogo wisuak nen he, woginabi lani o. Lalok nen, Ninoe nen men ekhe ino, Sapi kulok kok meke men, sapi eagei aperek koktek meke men, motok tha'bokhogon warogo arat isago 'biluk, yi meke ti meke arat tha'bokhogon karelogo 'bigirik arat nausak hagatlaga o. Halok he, wisuak nen yogeisa lani o, ekhemo wago, iluk la'isasikhemo lagoukha.

Lukas 15:26

Holhikhesik nen, opase atuaneke meke emenogo opakiat ageikhe waikhikhemo wageikhesik men yogokhikhe, Inane uma etoma nikithogon hagariogei, iluk, hinok waganhikhemo,

Lukas 15:28

at ap makusa meke etnogo akla aga dageiluk nen, aila ukusak akla motok puk ageikhesik werekma, opase etnogo oba dukhi ageikhesik nen, ane erogat, Uki lu o, iluk yogokhikhe.

Lukas 15:30

Meke re, hat ha'but ithi humi yugunat ha'isilik nekhe dogolik hat watlasumo hiki 'biluk iteerek meke asusak meke wogokhen meke etnogo motok thirlik-pirlikhogon here'isalok waga meke anek he, sapi eak utholik hano meke etnogo warogo arini isakhen yi re! Iluk yogokhikhemo

La'isasikhe 22:13

At ebe an noba wageikhesik, nalilu metek dogolik, Saulus nagarlak. Hileken 'bekelasin o, iluk yoknekhunem, eranogoat an nileken 'bekelatluk, at ebe hutukhogon hasigi.

La'isasikhe 9:17

Itithogon yogokhikhemo, at Ananias etnogo lageikhesik nen, uma ukisikhesik, iki Saulus oba thebelhe dogolik nen, men yogokhikhe, “Saulus, nagarlak. Ninoe Etagapogot Yesus, hat o yoma wisigiluk holagarlem oba wagunem, helokhoma melagama, hileken hegen meke etnaga nen, hat hileken 'bekelageik, Allah Agoreke hakla kerlekhogon uki ageik, hagasuagaluk la'ani agama wagei o,”

Filemon 1:16

At yabokane hat hipisak dogogun iti, ebe hatuaneke dogolik, hat hasik hagakhe dogogin mekeat he, iti anek 'buk. At he, at ebe Allah a'but agasik ninagarlak ninakmu mekeat dogogin iti. At nen he, an nakmu mekeat dogolik, an hasik hano motok hagariogo iti, herlekha'bugat o. Hat hasik anek he, an ebe agat oba hatuaneke dogolik, hagarlak hipisak ninoe Etagapogot hinom hunik dogogun iti nen, ebeluk hetaiken motok hunik dogono.