Lukas 14:33 - ALLAH ANE WENW KET MEKE WAROGO WOKNINAKHIKHE WENE

³³ Iti hak, hit aperek hinameke yi meke ti meke thogotdisigidek dogolik an nagarumi asuogoluk napma ukusak erlok dek o,” iluk yogeisasikhe.

Lukas 14:33 ပူးပေါင်းရင်းမြစ်များ

Lukas 14:26

“Hit hinagosa hinopase lak men, hinagugi hina'buri men, hinougi hinagarumi men, hit hinekaerek hinebe iti men, tha'bokhogonat, Motok na'it o, iluk, apigidek dogolik, an nagarumi asuogoluk napma ukisusak erlok dek o.

Lukas 14:32

Dek o. Inakla ebekhe dogolik, Yabusak erlok dek, iluk apekhe halok, it thili meke emenogo aban walegat nen waga korlek, Wim yabusak dek o, iluk, Ninom dapuluok nen, oko nena meke wokhisausak, iluk yoko la'isegarek apigi.

Lukas 5:11

Itithogon yogokhikhemo ku etnogo i aik oba 'bi agoukhasik nen, yi meke ti meke tha'bokhogonat here'isalok Yesus oporlik lagoukha.

Lukas 5:28

Yogokhikhemo melatluk, yi meke ti meke tha'bokhogonat here'isalok, oporligat lageikhe.

Ibrani 11:26

“Yabokane Allah nen oko woknisigin meke werek o,” iluk apasikhesik nen, “Yi meke ti meke hano meke akhuni o Mesir inikimo meke yi kok dek o,” iluk, here'isalok nen, “Kristus hasik ninebe wiik-weakhogon hagatninakhe dogosak itiat kok o,” iluk apasikhe.