Lukas 12:33 - ALLAH ANE WENW KET MEKE WAROGO WOKNINAKHIKHE WENE

³³ Hit hinameke it oko palogo uang waganigin meke emenogo it akhuni inameke dek meke iti supurisani o. Supurisalok nen, uang ai motok weak agarek dek meke waganogo 'biluk, ukharlogo 'bekhe dogou hak, hinameke hano motok dek asigin dek meke, it ap inil agasabu weak meke nen iniki abusak himasi ukigik, warlo nen palhik, hagakherek motok dekma pogot oba etoma ukharlogo 'binaguagaluk la'akhekhe dogono o.

Lukas 12:33 ပူးပေါင်းရင်းမြစ်များ

Matius 19:21

at Yesus nen, “Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe.

Lukas 11:41

Halok he, hit meke yi meke ti meke piring akla temerogo 'bekhe lagap meke iti, akhuni inameke dek meke supusogo wogeisegep halok he, hit hinobasik yi meke ti meke tha'bokhogonat thobalek dogou hak hano dogogin o.

Lukas 12:21

Iti hak he, it akhuni Allah il oba ebeat meke waganhidek dogolik, it inekaerek meke anek natogorlogo 'bakhiliogei iti, iti ipisak tak-tak o,” iluk yogeisasikhe.

Lukas 16:9

Iti halok he, an wene ageikhe yokhisak. Hinameke yi meke ti meke agat oba meke, inil damelogo korlo hagakharek meke iti dek aga halok, hinai hano motok dogosak oba wokhinabuagaluk, yogotak ya hinameke iti baga hinagarlak lak hinom ekayorakhe dogono o,” iluk yogeisasikhe.

Lukas 18:22

at Yesus asuk holhikhesik, men yogokhikhe, “Wene opakiat anek ageikhe hagasusak meke re, hagakhidek welagan o. Hat hameke etoma tha'bokhogon it ageikhe inoba oko pali lano. Paliluk oko wokhesugun meke uang iti it akhuni inameke dek inerlageik meke iti motok supurisa lan o. Itithogon arat hagakhen halok he, hat pogot oba meke kogat iteerek asigin o. Halok he, itithogon arat supurogo wogeisalok nen, an noporlik nekhe dogonok nen wetno,” iluk yogokhikhemo,

Yohanes 12:6

Itithogon wene palhikhe iti, akhuni inameke dek meke iti akmu nen isikhe 'buk. At agarlak lak inom tha'bokhogonat inauang ai heisogon meke hago dogolik, at ekaerek hasik limago horlekhe lageikhe iti nen wene itithogon isikhe.

La'isasikhe 2:45

Itithogon dogolik, it aperek nen, inagat men, inameke men, oko uang waganiluk, uang iti it Allah a'buri meke emenogo inebe tomok supurisekhe dogolik, it aperek inameke dek meke erlok supurisekhe lagoukha.

2 Korintus 8:2

It akhuni aperek nen yi aik ti aik doalegat weagarinakho korlegat, it inakla arleken motok akhiliogei iti baga inobabut ekagat aga. It inameke motok dek inerlageik dogoligat, it meke doalegat, debekhogon it akhuni aperek wogeisiliogei iti.