Lukas 12:31 - ALLAH ANE WENW KET MEKE WAROGO WOKNINAKHIKHE WENE

³¹ At Allah apma ukiluk dogogun it meke kogotdugun halok, hit yi meke ti meke iti oba dukhogon wokhisageinat o.”

Lukas 12:31 ပူးပေါင်းရင်းမြစ်များ

Matius 6:33

Halok he, hinopase Allah nen apma dogolik hagakhe dogosak iti hasik men, nen, at nen, Yigithogon tigithogon hagatno, iluk yokhisugunem hagakhe dogosak iti hasik men, kogotdekhe dogogun halok, yi meke ti meke iti oba dukhogon wokhisageinat o.

Lukas 10:42

Meke re, wene opakiat meke anek hagasusak werek korlegat, hat nen yi meke ti meke hagakhe lagan. Hagot Maria yi, wene opakiat hano meke itiat wenago 'bakhekhesikmo, it akhuni aperek nen ikimo tilogo waganusak dek meke 'bakhekhesik werek o,” iluk yogokhikhe.

Lukas 12:30

Itithogon hagakharek iti tha'bokhogonat, it akhuni itikmanke meke nen iti meke kogotdiluk herarik nekharek mekeat, hit yi anek he, yi meke ti meke dek nen hinerlageik negen welagathep iti, hinopase Allah iluat welagarek o.

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

Roma 8:31

Wene tha'bokhogonat iti hasik, nit nen nikithogon ugun. Allah nit werekmake aga halok, tha nen erlok degetdinanusak nogo. Erlok dek o.

1 Timotius 4:8

Akhuni inebe hasik mep aborlokhogon asuagaluk hagakharek iti, yogotak ya elanma hasik herlekha'bugat hano negen hagakharek. Meke re, ninetaiken hasik Allah apma dogolik, at ayabu hagakhe dogoumo, at Allah nen he, “Yogotak hiniluk welagap meke hasik inom, yabokane hiniluk motok dogogun meke hasik inom, hano motok hagatlasigin iti o,” iluk, abok yoknisasikhe iti eberogonat.

Ibrani 13:5

Allah nen ninebe tomok hasigat ekhe dogolik, “An nen hat niki hetokhogon here'agagik, hebe hasokneat 'bageigik, hagasigin dek o,” iluk isikhe iti nen, hit uang hinetaiken hundiluk dogogup o. Herlekha'bugat werek iti, hit hinakla nen, “Yi erlok werek,” iluk apausak o.