Lukas 11:31 - ALLAH ANE WENW KET MEKE WAROGO WOKNINAKHIKHE WENE

³¹ Haganeat at he kok etagapogot ai o i aputmo wema eloma walegat etoma nen at ap kok Salomo iti akla kagalek motok dogolik hagakhe lageikhe meke asuk holigiluk wageikhe. Meke re, ap kok Salomo iti ebe erlok dek negen. Meke re, at yogotak werek yi anek he, kogat o, iluk, o ilugun hurli baga Allah nen akhuni ukum inoba 'bigik, kokhik, hagasigin itinem, at he kok iti melatluk nen, hit akhuni o yogotak welagap meke yi men yokhisagein, Hit weak, hinekarli, iluk yokhisagein o.

Lukas 11:31 ပူးပေါင်းရင်းမြစ်များ

Matius 12:42

Haganeat at he kok etagapogot ai o i aputmo wema eloma walegat etoma nen at ap Salomo iti akla kagalek motok dogolik hagakhe lageikhe meke asuk holigiluk wageikhe. Meke re, at Salomo iti erlok dek negen. Meke re, ageikhe yoma werek yi anek he, motok kogatma, yabokane o ilugun hurli baga Allah nen akhuni ukum inoba 'bigik, kokhik, hagasigin itinem at he kok iti ebe melatluk nen, hit o yogotak welagap meke yi nen yokhisagein, Hit weak, hinekarli, iluk yokhisagein,” iluk yogeisasikhe.

Lukas 3:22

Allah Agoreke thue merpati yogeik negen hitluk oba duk i usa'ageikhe. Itithogon hagakhikhemo, pogot oba nen ane men isikhe, “Hat hebe an na'but netaiken hunik meke. Hat hobasik noba hotok ekhe o,” iluk isikhe.

Lukas 9:35

Itithogon inayuk weak agoukhama oisa etnogo akla nen Allah ane men yogeisasikhe, “An na'but wenago meldisigi meke ebe ithiat o. Halok he, at ane holhe dogono,” iluk yogeisasikhe.

Roma 2:27

Nen, hit Yahudi meke, wene Allah nen ninasuk wakhikhe wene etnogo hit ite dogolik, hinoado aperlagap palhethep mekeat he, wene iti hologo hagakhidek, thagalogo here'isalok weak hagakhe lagap iti nen, akhuni aperek inoado aperlagap palek dek mekeat he, wene Allah nen ninasuk wakhikhe wene iti mothogon hagariogei iti nen, it nen wene hit hinoba 'bugun o.

Ibrani 11:7

At ap Nuh meneke, etaiken Allah oba hakotdiluk, yi wene ti wene yabokane hagatlasigin meke Allah nen husupi yogokhikhemo ebe ileken higidek mekeat he, “Eberogonat hagatlasigin meke yoknekhe higi,” iluk Allah ane holek dogolik, ku ageikhe at a'buri inom tilinabusak meke halhikhe. Itithogon halhikhemo, Allah nen akhuni ukum inoba 'biluk inebe inakhikhe mekeat he, at Nuh arligat anek he, etaiken Allah oba hakotdisikhe iti baga, Allah nen, “At hano,” iluk tilhikhe.