La'isasikhe 5:3 - ALLAH ANE WENW KET MEKE WAROGO WOKNINAKHIKHE WENE

³ 'Bi ageikhemo, at Petrus nen, “Ananias. Iblis nen hakla kagalhemo Allah Agoreke nukhetdiluk agat oko ebetlake mikirlogo hekaerek hasik 'bakhalok wagan iti nenaluk.

La'isasikhe 5:3 ပူးပေါင်းရင်းမြစ်များ

Matius 13:19

Ai hilik aperek holagarlem usa'isikhe iti ebe it akhuni aperek Allah apma 'bisekherek wene iti inasuk holharethegat, ebe hutukhogo hutdigidek halok, at obabut weak meke etnogo wagarethek nen, wene inetaikenma ai yago meke iti henogo horlalok lagarek itiat o.

Lukas 22:3

Itithogon abok palhe korlek, it Yesus agarumi inebe 12 oba emenogo meke, ageikhe etaga Yudas Iskariot etnogo akla Iblis ukisikhe.

Yohanes 13:2

Dogolik, at agarumi emenogo inom o hibako hipiri opakimo nukunem, Yudas Simon Iskariot a'but etnogo, akla Iblis ukisikhesik nen, Yesus ebe wasuak nen, “Yoko lan o,” iluk akla kagalhikhe.

Yohanes 13:27

Itithogon wogokhikhemo, at Yudas roti etnogo ikimo waganhe korlek eranogoat akla Iblis ukisikhe. Itithogon ukisikhemo, at Yesus nen yogokhe dogolik, “Hat nen hagasigiluk apegen meke iti ibat hagasin o,” iluk yogokhunem,

La'isasikhe 5:2

Waganhukhasik nen, Ananias iti age ipisak nen, “Itithogon hagasuok o,” iluk isukha meke age etnogo iluat werek korlek, agun nen uang emenogo ebetlake inekaerek hasik 'bakhalok, ebetlake anek it Yesus nen inebe inayoko 'biluk la'isasikhe meke emenogo inikimo 'bi ageikhe.

La'isasikhe 5:4

Agat iti hat nen it aperek inoba oko waganhidek werlek korlek, hat haagat mekeat. Meke re, it aperek wogeisegenma oko 'bega meke iti hat mekeat o. Meke re, wene hakla nen itithogon kagalogo hagakhen iti nenaluk. Hane hekalat egen iti, nit akhuni yoknisegen 'buk. At Allah at yogokhen o,” iluk yogokhikhe.

La'isasikhe 5:9

Itithogon yogokhikhemo, at Petrus nen, “Wene hit hagun hipisagat, Yigithogon hagasuok, iluk egesip nen ninopase Etagapogot Allah Agoreke obabut paluogoluk hagakhep iti nenaluk. Hagun ebe warek agatma thali lageikhasik, hat itithogonat wokharek dukhuogoluk holagapema inisok ane wageikha ithi,” iluk yogokhikhe.

Yakobus 4:7

Iti nen he, Allah apma hinetaiken thebekhogon ukiluk ane holek dogolik, Iblis ane iti thagalogo here'isekhe dogono. Here'isaumo, at nen here'inageiluk lo liginat o.

1 Petrus 5:8

At Iblis, hinathili meke etnogo nen, singa yeke helo anini weak meke yi meke ti meke haumhogo nagaluk ane ke agan herarik nekherek iti hak, “Tha hak weagatdigin,” iluk herakhinabik liliogo iti, hinobabut hebelogo hinileken hanorogon dogono o.