La'isasikhe 21:4 - ALLAH ANE WENW KET MEKE WAROGO WOKNINAKHIKHE WENE

⁴ Etoma dukhisugusik, akhuni Yesus ane waganhukha meke herageinakhikhesik nen, ninom niniki 7 baga ninom welagagu. Dogolik, it nen he, “Paulus. Hat o Yerusalem lagun o,” iluk Allah Agoreke nen yogeisasikhemo asuk wakhukha.

La'isasikhe 21:4 ပူးပေါင်းရင်းမြစ်များ

La'isasikhe 28:14

O Putioli etoma Allah a'buri meke aperek werekma ninom abuk agagusik, it nen he, “Ninom dogouok o,” iluk ninayoko 'bisukhama, niniki 7 hari nen ninom welagagu iti. Welagagusik o etoma nen o kota Roma wisuogoluk wagagu.

La'isasikhe 19:1

At Apolos o Korintus etomaat werek korlek, at Paulus etnogo holak upuke dagak-pagak waga lageikhesik, o kota Efesus wageikhe. Wageikhesik, akhuni Yesus ane waganhukha meke aperek werekma inoba ukisikhe.

La'isasikhe 11:26

Wageikhesik, ebe herago wolok nen, o Antiokhia lageikhe. O etoma lageikhesik, satu tahun dogolik, it ipisak at Allah a'buri inom natogotdiluk, akhuni doalegat wene yakulisekhe lagoukha. It akhuni Yesus ane waganhunem inukuloak etaga Kristen egarek iti, ebekeram o Antiokhia etoma nen inetaga thalinakhukha.

Matius 10:11

Nen, hit o ukul kokma, 'bugurlagatma, uki lagep halok he, tha nen heagei warogo hinebe wokhinakhe halok, at obabut paldiluk, at itiat hinom dogoluk o ninmo luogoluk halok he, dukhitluk lano.

A'bikaka 1:10

Itithogon 'bani ageikhama werekma, o ninoe Etagapogot ai wi ekhemo nen, Allah Agoreke noba duk ekhemo, noporlike nen at ageikhe ane pikon witabo kok meke ane hakene baga nen, men yoknikhunem nasuk holhi,

2 Timotius 1:17

o Roma wagasik nen, ibat hinok woknakhe lagasik, nebe heraknabi aga iti o.

La'isasikhe 9:16

Itithogon ayoko 'bigirikmo at nen netaga itithogon yogeisilik nukhunem, at yi aik ti aik hekhe dogosak obaat hekhe dogogin meke, an nen yogosigin werek o,” iluk yogokhikhe.

La'isasikhe 21:16

Laga dogolik, it akhuni o Kaisarea meke Yesus ane waganhukha meke aperek ninomat lagagu. Ninom lagagusik it nen woknisik, ap ageikhe etaga Manason, ai erlo o Siprus meke, Yesus ane haganeat nen waganhikhesik o Yerusalem werekma, at nen wokninakhikhesik aila dogoagaluk, woknisik ukisukhama etoma ap husoat welagagu.