La'isasikhe 21:2 - ALLAH ANE WENW KET MEKE WAROGO WOKNINAKHIKHE WENE

² Lagagusik, o etoma akhuni ku ageikhe warogo o Fenisia luogoluk werekma, ku iti akla ukiluk, ninom lagagu.

La'isasikhe 21:2 ပူးပေါင်းရင်းမြစ်များ

La'isasikhe 27:6

Etoma nen ap tentara meke inoe kok etnogo nen ku ageikhe o Aleksandria meke o Italia wisuogoluk hagakhunem, herakhikhesik nen, ku nit wagagu etnogo baga nen, ku iti baga woknisik ukisikhe.

La'isasikhe 15:3

It Allah a'buri nen itithogon hagakhukhasik la'isasukhama, o etoma nen, Fenisia nen, Samaria nen, etoma laga dogolik, men yogeisilik lagoukha, “It akhuni itikmanke meke inobabut hebelogo inelokhe Allah wogokhama o,” iluk yogeisilik lagunem, it Allah a'buri etoma meke inakla arleken kogat akhasukha.

La'isasikhe 11:19

At Stefanus etnogo ebe wakhukhasik nen, Allah a'buri yi aik ti aik hagarinakhe dogolik, sigisik-mugisik hagakhe lagoukhama, lo o propinsi Fenisia men, Siprus men, kota Antiokhia men, wagoukhasik, wene it akhuni Yahudi meke anek yogeisekhe lagoukha.

La'isasikhe 21:3

Laga dogolik, i eken palekma o etaga Siprus iti niniki paike ninileken lakhilik-hilik imake laga lagagusik, o propinsi Siria lagagusik, o kota Tirus dukhisugu. Dukhisugusik, etoma nen, suke ku akla wolok lagoukha meke ulabuogoluk hagakhunem nen, nit ku akla nen etoma dukhisugu.