Kolose 4:8 - ALLAH ANE WENW KET MEKE WAROGO WOKNINAKHIKHE WENE

⁸ Hit nen, “It inebe itithogon werek higi,” luk, wene hinilu atluk nen, hinetaiken hapuk uagaluk, iti hasigat hinoba la'isigin iti.

Kolose 4:8 ပူးပေါင်းရင်းမြစ်များ

1 Korintus 4:17

Hit an nobabut waganubageik nen iluk, na'but Timotius nekaerek nen itakhi meke hakene ebe nakmu meke hinoba la'i agei iti o. At ninoe Etagapogot ipisak hunik dogolik, at hasik obabut hupulik hagakherek meke hinoba witluk nen, men yakulhisagein, “At Paulus Kristus ipisak hunik dogolik, it Allah a'buri o yi ai ti ai natogokharek meke, at ekaerek hagakherek meke obabut waganuagaluk, yigithogon yakulisekherek,” iluk hinakla eberogo yokhisasigin o.

2 Korintus 1:4

Akhuni aperek yi aik ti aik hekhe dogolik inakla weak werekma, nit nen it inakla hano asuak nen iluk inetaiken thebeluagaluk, at Allah nen nit itithogon yi aik ti aik hekhe dogolik ninakla weak agunem, ninetaiken thebeliogo.

2 Korintus 12:18

At Titus hinoba wisuagaluk akla kagalhigisik nen, ninagarlak Allah a'but ageikhe at ipisak la'isa agagimo wagoukha etnogo, wagoukhasik, at Titus nen hit nen 'bisigip meke aperek munenogo horlasikhe nogo a? Motok degat o. An Titus nipisak he, ninobabut opakiat hagakhe lagagu dek nogo? It aperek alep inisok 'bilik lageikharekma, it aperek yabokane oba dukhogon 'bilik lageikharek hak, at Titus an nipisak yabu tak-tagat hagakhe lagagu dek nogo a?

2 Korintus 2:7

Yabokane, at weak hagakhikhe meke iti, akla motok weak atluk, ebe weak asinogo iluk, akla hano asuagaluk weak hagakhikhe meke hit nen thagalogo here'isalok, etaiken thebelino.

Efesus 6:22

Nit ya dogolik hagakhe lago meke hinilu atluk nen, hinetaiken thebelogo dogobageik iluk hinoba la'i agei iti o.

Filipi 2:28

At ebe yabokane hinoba wagunem hinileken halok nen, hit hinakla arleken akhigik, an nakla weak welagei meke hano ageik, asuok nen iluk, ibat hinoba la'i agei iti o.

Kolose 2:2

Hit hinetaiken ago warek dogolik, hit-hit hinom hunik nakmu-hakmurogon dogobageik iluk itithogon hagakhe lagei o. Hit itithogon dogolik he, “Wene iti eberogonat,” iluk, hutdiluk nen, wene munini hinakla ebekhidek motok 'bogokhogon dogolik, wene Allah akla limago welageikhe wene iti hutukhogon hinilu asugun o. Wene iti, Kristus ebeat o.

1 Tesalonika 2:11

Hit Allah apma ukiluk hogorakharekma etoma ukiluk dogobageik iluk hinayoko 'bisikhe meke etnogo akla warlok apekherek meke mothogonat hagakhe dogobageik nen iluk, nit nen inopase lak nen ina'buri inasuk wakharek hak, hinebe tomok hinasuk wakhik, hinetaiken thebelhik, hinakla kagalhik, hagakhe lagagu etnogo, hit hiniluat o.

1 Tesalonika 3:2

Werek korlek, at ninagot Timotius, hano wene Kristus hagakhikhe wene etnogo ninomat, Allah hasik yogeisilik nekhe lago meke etnogo, akhuni nen yi aik ti aik hagathinabiogei iti nen, hit hinetaiken Kristus oba hakotdisigip meke aborlok unogo iluk, hinetaiken ago wathinakhik, hinasuk wakhik, hagakhe dogoagaluk hinoba la'i ago iti o. Yi aik ti aik hagatninabiogei iti, Allah nen nit ninobasik akla apekhe dogolik, “Itithogon hagathinakhe dogogun,” iluk isikhe hagat hagathinabiogei iti, hiniluat o.

1 Tesalonika 3:5

Iti nenat, at Iblis ninakla kagalherek meke etnogo nen hinakla kagali isumo, nit nen hit hinobasik thereak-moreak hagakhe lagagu etnogo we yugunat alomatlasusak iti na'it o, iluk nelabut hisik dogolik, netaiken thebelusak erlok dek agama nen, “Inetaiken Kristus oba hakokthegat werek a? Dek a,” iluk at Timotius nen hinobabut paliluk nen, yoknisi isuagaluk, hinoba la'i agei iti o.

1 Tesalonika 4:18

Iti nenat, wene iti baga hit-hit hinakla hanorogon, hinetaiken ago wat-wat ekhe dogono o.

1 Tesalonika 5:11

Iti nen, hit yogotak ya hagakhe lagap hagat, hit-hit hinasuk wat-wat igik, hinetaiken ago wat-wat igik, hagakhe dogono o.

1 Tesalonika 5:14

Nagarlak lak nerugi. Hit nen he, it aperek yabu waganu'buk iniki waganu weak meke iti inasuk wakhik, inayuk weak meke iti inakla kagalhik, inobatne dek meke iti yomageisigik, hagakhe dogolik, akhuni tha'bokhogonat inobasik erogat hagakhe dogono.

2 Tesalonika 2:17

Itithogon hagakharek meke iti nenat, hit hiniki nen hano meke hagakhik, hinane baga hano meke yogeisigik, hagakhe dogobageik nen iluk, hinakla hanothinakhik, hinetaiken horlethinakhik, hagakhe dogoak o.