Kolose 4:3 - ALLAH ANE WENW KET MEKE WAROGO WOKNINAKHIKHE WENE

³ Sembayan ekhe dogolik, nit ninobasik, men ekhe dogono, “Allah ninopase. Wene Kristus nen hagakhikhe wene, alep hakla limago welageikhe meke etnogo, it Paulus lak nen yogeisilik nekhe dogoagaluk, thu hualisano,” iluk, sembayan nit ninobasik ekhe dogono. Wene iti hasigat niki herle warogo 'banhama yoma welagei.

Kolose 4:3 ပူးပေါင်းရင်းမြစ်များ

Matius 13:11

at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

La'isasikhe 14:27

O Antiokhia lalok, Allah a'buri natogorinakhikhesik nen, men yogeisasukha, “Nit Allah ninom nen yigithogon hagakho, tigithogon hagakho,” iluk wene pilinogo yogeisekhe dogolik men yogeisasukha, “It akhuni itikmanke meke wene iti eberogonat iluk waganuagaluk, Allah nen thu hualdekhemo erlok waganusak werek o,” iluk yogeisasukha.

Roma 16:25

Allah hogorakhe dogouok o! An nen hano wene Yesus Kristus hagakhikhe wene yokhisasigi hak, at Allah obatneak etnogo nen hinetaiken horlethinakhe dogosak erlok o. Wene Allah akla wene iti, muk haganeat nen limago welageikhe meke re, yogotak Allah nen thelekmatdisikhemo werek o.

1 Korintus 4:1

Hit nen nit hasik, “It inebe Kristus atuaneke meke, wene Allah akla apekherek wene akhuni agat oba meke inokodek meke yogeisilik nekharek meke,” iluk hutdinanhe dogoni o.

2 Korintus 2:12

An o Troas etoma wagagi hak, hano wene Kristus hagakhikhe etnogo wene, akhuni etoma meke hano asuak nen iluk wene yogeisoagaluk ninoe Etagapogot nen holak yaknikhikhemo yogeisekho welagagi.

Efesus 3:1

Iti nen, an Paulus hit akhuni itikmanke meke Kristus Yesus nen tilhinabuagaluk, at hasik niki herle warogo 'banhama welagei o.

Efesus 3:3

Wene at Allah akla limago welageikhe meke iti, an pakhogon yakulnikhikhe, iluk, holal 'beroat waganogo yakulhisasigi apigi o.

Efesus 3:4

Hit nen wene iti etaga thalhe dogolik, “Wene Kristus hasik limago welageikhe meke iti, at Paulus ilu agasik werek o,” iluk, ekagat hutdugun iti o.

Efesus 3:9

At Allah yi meke ti meke tha'bokhogonat winametdisikhe meke etnogo nen apekhe dogolik, Ebe itithogon hagatlasigin, iluk, wene akla limago welageikhe meke, akhuni tha'bokhogonat thelekmaat yogeisilik nekhe dogoagaluk nayoko 'bisikhe iti o. Nen, it ap malaikat pogot obake yoko nekharek meke emenogo inougi koktek inom, inane hologo welageikharek meke inom, nit Allah a'buri nen, “At Allah yi meke ti meke hasik akla motok kagalek,” iluk yogeisugunem yogotak ya inilu asuagaluk, haganeat nen wene iti Allah akla limago motok welageikhe.

Efesus 4:1

An ninoe Etagapogot hasik niki herle warogo 'banhama dogolik, hit wene ageikhe hinasuk wasik. Nagarlak lak nerugi. Hit hinobabut he, at Allah nen hinayoko 'bisikhe tak-tagat hagakhe dogono o.

Filipi 1:7

Allah obabut hano nen nayoko 'bisikhemo, an niki herle warek welageik, niki herle aban wakhidekma hano wene irlirli waganhik, obatnetdigik, hagakhe lagei hak, hit tha'bokhogonat itithogonat ninom hagakhe dogoagaluk hinayoko 'bisikheat iti nen, hit hinebe netaiken hunik welagei o. Iti nen he, an nen hit tha'bokhogonat hasik, “Yesus eberogonat hagathinabi isigin,” iluk apausak meke mothogonat apekhe lagei.

Kolose 1:26

Wene iti, o muk haganeat erloma nen yi tahun ti tahun hagatlaga dogolik, akhuni itaklarik waga korlek, Allah nen akhuni yogeisigidek inilomasirogon at akla limago welageikhe. Meke re, yogotak nit at a'buri meke halok, thelekma pakhogon yoknisasikhe iti o.

Kolose 4:18

Yi anek he, an Paulus nekaerek niki nen holal waganogo heagei wathinakhi. Hit nen he, “Paulus iki herle warek werek,” iluk noba eberek dogono o. Allah obabut hano etnogo nen hakhisik dogoak o.

1 Tesalonika 5:25

Nagarlak lak nerugi. Nit ninobasik sembayan ekhe dogono o.

2 Timotius 1:16

Itithogonat meke re, at Onesiforus a'buri inom anek he, hibiku-yogoku nakla hanorogo netaiken thebeli iriogei iti, ninoe Etagapogot nen akmurogon hagasik dogoak o. An niki herle warek werekma noba wisu ekarli degat,

2 Timotius 2:9

An hano wene itithogon yogeisilik nukhunem, it akhuni aperek nen, it aperek weak hagariogei meke hagarinabu hak, an yi aik ti aik hagatnakhik, niki herle wakhik, hagariogei mekeat he, Allah ane iti herle wasusak erlok dek o. Herle hisalegat werek o.

Filemon 1:22

Itithogon hagakhe dogolik hit tha'bokhogonat nen an hasik sembayan Allah ayoko 'bekhe lagap iti nen, at nen yabokane niki herle hisalogo ula'aniluk hinoba woknarik wisigin apekhe lagei. Halok he, an yabokane hinoba witluk noge usak hasik, hat nen haila etoma o kamar ageikhe karelogo 'baniluk dogono.