Kolose 4:12 - ALLAH ANE WENW KET MEKE WAROGO WOKNINAKHIKHE WENE

¹² At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

Kolose 4:12 ပူးပေါင်းရင်းမြစ်များ

Matius 5:48

Halok he, ninopase Allah pogot oba meke obabut hano motok karelek dogolik akmurinakherek hak, hit itithogonat hinakmurinakhe dogono o,” iluk yogeisasikhe.

Lukas 1:1

Teofilus noe. Wene nit ninakerlekla nen hagatlageikhe etnogo, it wene ebe erlo baga nen hagatlarik wagunem inileken hasukhasik yakulisilik nekhe lagoukha meke nen yoknisasukha mothogon, it akhuni aperek inebe motok doalegat wene ebe holal waganuogoluk walhilik wagoukha.

Lukas 22:44

Etaiken ago wakhikhe meke re, akla motok weak dogolik yabokane sembayan ane akinhogon ekhe dogolik, dikhak mep hakene tik-tik agat oba usageikhe.]

Yohanes 12:26

Nen, at tha nen an natuaneke dogolik, akla nen, An Yesus hasik hagakhe dogogin, iluk apekhe halok he, an dogoginmo etoma nipisagat motok dogouogoluk noporlik waga dogosak o. Nen, at tha nen an nobasik hagakhe dogogin meke iti, nopase nen at ebe alon haligin o, iluk nane eberogonat yokhisigi o,” iluk yogeisasikhe.

Roma 15:14

Nagarlak lak nerugi. Hit hinobabut hano motok dogolik, yi wene ti wene hinilu motogatma, hit-hit hinasuk wat-wat usak erlok welagap iti, an nilu o.

Roma 15:30

Nagarlak lak nerugi. Ninoe Etagapogot Yesus Kristus itiat iluk, nit-nit nakmu-hakmu dogoagaluk Allah Agoreke nen hagatninakherek etnogo baga, an hasik ninom sembayan Allah ayoko ninobatnerogon 'bekhe dogouogoluk yokhisigi o.

1 Korintus 14:20

Nagarlak lak nerugi. Wene hinakla ebekhe lagap iti, yekerugi inakla ebekharek hak ebekhe dogogup. Keritago meke nen weak hagakho inokodek welageikharek hak dogolik, hinetaiken inarlue inetaiken hakene horlerogon dogono.

1 Korintus 2:6

It akhuni inetaiken horle meke halogat, wene horle meke iti inakla kagoukhogon yogeisogorek o. Itithogon yogeisogorek iti, it akhuni agat oba meke yoma, inawene meke dek. Inougi koktek inebe yabokane dek asugun meke o yogotak ya inapma werek yoma, inawene kagalek wene meke degat o.

2 Korintus 13:11

Nagarlak lak nerugi. Wene ilugun oba arat men yokhisak. Hinakla arleken akhigik, hinetaiken 'bogokhogon horletdakhigik hagakhe dogono. Wene hinasuk warik wagei iti, hinasuk hanorogo holino. Hinetaiken opakiat dogolik, hinom dapukhogon dogono. Itithogon hagakhe dogogun halok, Allah akhuni akmurinakhik, inom dapukhogon hano 'bisigik, hagakherek meke etnogo thethisik dogogin o.

Galatia 1:10

An nane igi iti, akhuni nen, “Hat hano egen,” iluk yoknesuagaluk ekhe lagei a? At he, Allah nen, “Hat hano egen,” iluk, yoknesuagaluk ekhe lagei a. Akhuni inakla hanorogo ekhe lagei halok he, an nebe Kristus atuaneke usak degat o. Meke re, an Allah akla hanorogo ekhe lagei o.

Galatia 4:19

Meke re, na'buri hinebe nakmu lak o. Humi nen ineagei itaginabuogoluk hinet wakharek hak, an nen yabokane itakhinabumo, hit hinobabut Kristus obabut hakene hagatlatlep o! iluk, hit hinobasik an noba u hinet weak wakhe lagei.

Kolose 1:22

Itithogon mekeat he, hit hinebe at Allah ekaerek hasik 'bakhalok, at il oba wene hinoba dekhogon hano karelek dogoagaluk, a'but ebe watlageikhe iti baga, ekaerek hinom dapulogo 'binageisikhemo welagap iti o.

Kolose 1:28

Iti nen, nit nen he, wene Kristus abok iti pakhogon akhuni tha'bokhogonat inebe dopok yogeisilik laga lago. Itithogon yogeisekhe lago iti baga, inebe dopok Kristus inom hunik dogolik, inetaiken horle atlukmo, Allah oba wogosik wisuogoluk, ninakla kagalek motok dogolik, inasuk wakhik, wene yakulisigik, hagarik laga lago iti o.

Kolose 1:29

An wene iti hasik bogokhogon hagasigiluk, at Kristus obatne etnogo an nakla dogolik nobatnetnakho korlek, nobatnerogonat hagakho motok welagei iti o.

Kolose 1:7

Hano wene iti, at Epafras ninagarlak ninakmu meke nen yakulhisugunem yakulhigip iti o. At ebe Allah atuaneke nit ninom tak-tagat dogolik, Kristus nen ayoko 'biluk la'i ageikhemo, nit nen yokhisau hak ninobolukmo obabut hupukhogon yokhisiliogo iti.

Kolose 1:9

Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

Kolose 4:9

At ipisak wisuagaluk, ninagot Onesimus, ebe ap hit meke obabut hupunhek ninakmu meke etnogo, ipisagat la'isasigin iti o. It witluk nen he, wene nit yoma hagakhe lago meke tha'bokhogonat yokhisasugun o.

1 Tesalonika 5:23

Itithogon werekma, at Alah ninetaiken hapugutdinanherek meke etnogo nen, hinebe abisakeat ekaerek hasik 'bakhalok dogoak o. Werekma, ninoe Etagapogot ebe wagunem, hinetaiken inom, hinebe inom, hinobabut inom, wene hinoba 'busak motok dek karelek werekma wisuak nen, at nenat hakhisik dogoak o.

Filemon 1:23

At Epafras nipisak Kristus Yesus obasik hagakhe lago iti nen, niniki herle warogo 'binanhama welago meke etnogo nen heagei wathakhe o.

Ibrani 5:14

Meke re, it inarluetek anek he, inetaiken horle atlukmo nogo nen, wene yi weak, yi hano, iluk penasusak inilu nogo nen, hipiri a'bet meke it inapiri o.

Ibrani 5:7

At Yesus ebe agat oba yoma werekma watlasunogo iluk, Allah nen erlogat tilusak iti nen, de aga dogolik, ane kogat Allah etaga palogo ayoko 'bigik, kino yogokhik, hagakhe dogolik, opase ane ayukhogon hologo welageikhe iti nen, Allah nen ane asuk holhikhe.

Yakobus 1:1

An Yakobus ninopase Allah ninoe Etagapogot Yesus Kristus ipisak inatuaneke etnogo nen, wene yi hit hinukuloak etaga 12 oba nen yi ai ti ai thirlik-pirlikhogon lalok welagathep meke tha'bokhogonat hinoba la'i agei. Nagarlak lak nerugi.

Yakobus 1:4

Hinetaiken aban negen ageikhe welageidek tha'bokhogonat erlogat horle asuagaluk hinakla puk ageidek hinetaiken hapukhogon dogono o.

Yakobus 5:16

Itithogon hagasigin iti nen, hit aperek hinoba u meke dek asubageik nen, weak hagakhep meke hit-hit 'bual-'bual ekhe dogolik sembayan ekhe dogono o. It akhuni Allah akla warlok apekherek meke, mothogon hagakharek meke nen sembayan eberogonat obatnerogon ugun iti, obatneak werekma Allah nen hagarinabiginat o.

2 Petrus 1:1

Nagarlak lak nerugi. An Simon Petrus Yesus Kristus nen, at atuaneke dogoagaluk nayoko 'biluk la'ani ageikhemo wagagi. Iti, at ebe Allah at dogolik, obabut mothogon anek hagakherek etnogo nen, hit ninom tak-tagat ninetaiken at oba hakotdugunem tilninabiogo meke, wene yi holal waganogo hinoba la'i agei iti.

Yudas 1:24

Hit ninopase Allah obatne werek erlok hakhisik dogosak meke oba lagunem, hinisok a'bit dikhogon warigidek hanorogo hakhisik dogoluk nen, at ebe hogorariogeima etoma, wene hinoba 'bigidegat, hinakla arleken akhekhe korlek menogo erlok 'binagei ligin meke iti, heagei wakhe dogouok o.