Kolose 4:10 - ALLAH ANE WENW KET MEKE WAROGO WOKNINAKHIKHE WENE

¹⁰ Aristarkhus an nipisak niniki herle warek welago meke nen heagei wathinakhik, Barnabas agarlak Markus etnogo nen heagei wathinakhik, ega o. At Markus hasik wene alep yokhisasigi etnogo hagat, at ebe hinoba waga halok, hanorogo waganino.

Kolose 4:10 ပူးပေါင်းရင်းမြစ်များ

La'isasikhe 12:12

Itithogon hutdisikhesik nen, he Maria ap etaga Yohanes Markus iti agossa aila etoma akhuni inebe doalegat natogokhukhasik nen, sembayan isinem lageikhe.

La'isasikhe 12:25

Itithogon kok aga korlek, it Barnabas Saulus ipisak nen, akhuni Yerusalem meke arat yomageisalok nen, inapuke wisuogoluk, ap etaga Yohanes Markus etnogo wolok wagoukha.

La'isasikhe 13:13

At Paulus lak o Pafos etoma nen ku baga o propinsi Pamfilia kota etaga Perga etoma wagoukha. Wagoukhasik ap etaga Yohanes Markus etnogo, it etoma thogotdisalok yabokane apuke o Yerusalem lageikhe.

La'isasikhe 13:5

Wagoukhasik, o Salamis witluk nen, akhuni Yahudi meke o sembayan ekhe lagoukhama ukiluk, Allah ane yogeisilik nekhe lagoukha. Yogeisilik nekhe korlek, at ap etaga Yohanes Markus etnogo nen yomageisekhe lageikhe.

La'isasikhe 19:29

Itithogon isi dogolik, inane thagalhunem, akhuni o kota Efesus etoma meke pirlirli natogosi aga dogolik, ap o propinsi Makedonia meke inebe pere, Paulus inom nekhe lagoukha meke, inetaga Gayus men, Aristarkhus men, inebe hageinakhukhasik o silimo wene kok palharekma wogosik ukisukha.

La'isasikhe 20:4

Lagaluk hagakhunem, ap Sopater, Pirus a'but, ai o Berea meke inom, Aristarkhus, Sekundus ipisak inai o Tesalonika meke inom, Gayus ai Derbe meke inom, Timotius inom, Tikhikus Tropimus ipisak inai o propinsi Asia meke inom, inom lagoukha.

La'isasikhe 27:2

Itithogon inebe at iki baga 'bisukhama, ku ebe o Adramitium nen wolok wagoukhasik werekma, akhuni o propinsi Asia ku ukekherek obake dopok usa'isilik wisuogoluk hagakhunem, ap Aristarkhus, ai o propinsi Makedonia o kota etaga Tesalonika meke ninom, ku iti akla ukisugusik wagagu.

La'isasikhe 4:36

Itithogon hagakhe dogolik, ap ageikhe etaga Yusuf. Ukuloak etaga Lewi meke. Ai o etaga Siprus meke, it ap Yesus nen inebe inayoko 'biluk la'isasikhe meke emenogo nen, nit ninane baga etaga Inetaiken Thebelherek meke iluk u hak, it inane baga etaga Barnabas thalhukha.

Roma 16:2

hit ninoe Etagapogot hinom hunik dogolik, Allah a'buri nen waganusak tak-tagat, at ebe waganubageik nen iluk yokhisigi o. At ameke yi meke ti meke dek halok he, hit meke aperek wogokhe dogono o. At nen akhuni doalegat yomageisigik, an nebe men yomakniigik, hagakhe lageikhesikmo, hit nen at ebe waganino o.

Roma 16:7

At Andronikus, Yunias ipisak, “At nen heagei wathinakhe,” iluk yogeisanoat o. It he, an ninom ninukuloak opakiat meke niniki herle ninom warek welagagusik. Akhuni doalegat negen Kristus nen inayoko 'biluk la'isa ageikhe mekeat he, inetagawerek irat o. It tak inetaiken Kristus oba hakotdisukhasikmo nen, an yabokane hakotdisigi iti.

Filemon 1:23

At Epafras nipisak Kristus Yesus obasik hagakhe lago iti nen, niniki herle warogo 'binanhama welago meke etnogo nen heagei wathakhe o.

Filemon 1:24

Nen, an nagarlak lak Kristus obasik hagakhe lago meke, Markus inom, Aristarkhus inom, Demas inom, Lukas inom, inebe tha'bokhogonat nen heagei wathakhaat o.

1 Petrus 5:13

Hinagarlak lak hinerugi Allah a'buri at nen wenageinakhikhe meke o Babilon yoma welageikharek meke nen heagei wathinakhik, na'but Markus nen heagei wathinakhik, ega o.