Kolose 3:7 - ALLAH ANE WENW KET MEKE WAROGO WOKNINAKHIKHE WENE

⁷ Hit alebageik, iti meke hasigat hagakhe dogolik, hinobabut itithogonat hagakho welagagip.

Kolose 3:7 ပူးပေါင်းရင်းမြစ်များ

Roma 7:5

Alebat, nit ninobabut akhuni inobabut ninikhogat welagagu. Itithogon dogolik, wene Allah nen ninasuk wakhikhe wene etnogo werek nen, ninoba agaken dageisinem nen, niniki ninisok ninebe a'birat nen weak hagakhunem ilugun oba, motok watlaga lagagu iti.

1 Korintus 6:11

Alebageik hit aperek itithogon hagakhe lagagip mekeat he, yogotak Allah nen hinakla hano thobalogo 'binageisikhesik, hinebe at ekaerek hasik 'bakhasikhemo welagap o. Wene hinoba welageikhe meke iti, ninopase Allah Agoreke nen ninoe Etagapogot Yesus Kristus etaga baga, korogo wokhasikhesik Allah hinom dapulogo 'binageisikhemo welagap o.

Efesus 2:2

Etanem he, akhuni yoma inobabut inikhogat dogolik hagakharek hagat, mutluk laga lagagip. Itithogon mutluk laga dogolik, mokat inobabut weak meke inoe kok pogot abel wemake yoma iteerek dogolik, akhuni Allah ane ina'it nen inasuk holu'buk meke inakla ukisikhesik yogotak inakla kagalhoat welagarek meke etnogo ane holek welagagip iti o.

Kolose 2:13

Hit alebageik nen, hinoado itikmanke hasik hinoado aperlagap etnogo palek dek, weak hagako motok dogolik, hinebe warek hakene werekma, at Allah nen nit weak hagakhe lagagu meke thagalogo degetdisalok nen, Kristus hinom hunigat werekma hiniluguthinakhikhe iti o.

Titus 3:3

It itithogon hagakhe dogosak iti, nit alep ninetaiken dek ninobabut kepu negen, ninasuk warek degat, nil-hilhogon hagakhe dogolik, akhuni inougi koktek inapma welageikharek hak, inoba agaken dageigik, inakla nen yi meke ti meke warlok apigik, hagakharek iti meke apma negen welagagu. Itithogon dogolik, it aperek weagarinakhik, ua palhik, it aperek nit motok ina'it hisigik, nit nen it nina'it isigik, hagakhe lagagu.