Kolose 3:5 - ALLAH ANE WENW KET MEKE WAROGO WOKNINAKHIKHE WENE

⁵ Iti nen he, hinobabut hinikhogat dogolik, hinakla nen yi warlok ti warlok apegethep meke iti warogo here'isekhe dogono. Hinobabut iti, param ha'isegarek iti inom, inakla nen, warlok iluk wosi nekarek iti inom, inetaiken nen nekerethek inoba agaken dageikherek iti inom, inileken lageisalok inakla nen warlok apegarek iti inom, kaneke oba hakokthek dogou hak, inakla nen, “Yi meke ti meke, an meke anek dogolep,” iluk apegarek iti inom, hinobabut iti meke tha'bokhogonat warogo here'isekhe dogono.

Kolose 3:5 ပူးပေါင်းရင်းမြစ်များ

Matius 15:19

Inetaikenma nen weak meke ebekhik, akhuni inakhik, humi ap inagugi meke param ha'isigik, homagarlugi yugunat hagarinakhik, iniki abusak waganhik, it akhuni aperek inoba inekalat wene 'bisigik, inabok wiik-weak palhik, hagakharek iti inetaikenma nenat kagalogo dagei agunem dukhi agarek o.

Roma 1:26

It itithogon hagakharek iti nen, at Allah nen, it inetaiken nen nukunem inekarli dek hagakhe dogoagaluk, “Inoba dopok,” iluk here'isasikhe. It humi nen, ap inom noge egarek hagat, noge usak mekeat he, it humi-humi noge usak dek mekeat noge egarek iti.

Roma 1:29

Itithogon hagarekhe dogolik, it inakla nen yi weak ti weak, yi korlo ti korlo, kerlekhogon dogolik, inamikmak weak hagakhik, akhuni weagarinakhik, hagakharek. Hagakhe dogolik, akhuni inoba ua palhik, inebe inakhik, wene tauk ageik, akhuni dalinakhik, wene eken 'biluk welageik, hagakharek iti mekeat inakla motok kerlek welageikharek. Inabok limago nabok-habok igik,

Roma 6:13

Hiniki hinisok hinebe baga welagarek meke aperek inom tha'bokhogonat, weak meke asikhe arege negen atluk nen, weak hagakhe dogoagaluk, at wogokhe dogogup. Hinebe warek hakene werekma Allah nen hiniluguthinakhemo hiniluk dogolik hagasusak mothogonat, hinebe a'birat Allah wogotni o. Hiniki hinisok hinebe baga welagarek meke inom aperek tha'bokhogonat nen, at asikhe arege negen atluk nen, mothogon hagakhe dogoagaluk Allah wogotni o.

Roma 6:6

Nit ninobabut ninikhogat dogolik weak hagakhe lagagu meke iti erlok degetdisoagaluk, Yesus o baga meldiluk ninomat ninakhukha iti nen, nit ninobabut alep meke iti, atuaneke dogosak dek o, iluk ninilu.

Roma 7:23

niki nisok nebe a'birat, ninat meke hagakhe dogolik, wene Allah nen ninasuk wakhikhe wene etnogo nakla nen hano apegerek meke iti thebeligiluk hagakherek. Niki nisok nebe a'birat yoma weak anek hagakherek iti nen, nebe weak hagasuagaluk herle warogo negen 'banherek iti.

Roma 7:5

Alebat, nit ninobabut akhuni inobabut ninikhogat welagagu. Itithogon dogolik, wene Allah nen ninasuk wakhikhe wene etnogo werek nen, ninoba agaken dageisinem nen, niniki ninisok ninebe a'birat nen weak hagakhunem ilugun oba, motok watlaga lagagu iti.

Roma 8:13

Hit hinobabut akhuni hinobabut hinikhogat dogolik hagakhe dogogun halok, hinebe motok watlasugun iti. Meke re, hinobabut itithogon hagasusak hagathinakhunem, Allah Agoreke ayoko 'biluk, at obatne baga watdisekhe dogogun halok he, hiniluk motok dogogun o.

1 Korintus 5:1

Akhuni nen, ap hit meke ageikhe he waganusak dek meke waganhesik werek iluk abok ekhe dogolik yoknekhama nasuk holhi o. It akhuni Allah ane inokodek meke nen itithogon hagakharek dek meke, ap iti opase age meke waganhesik werek iti.

1 Korintus 6:11

Alebageik hit aperek itithogon hagakhe lagagip mekeat he, yogotak Allah nen hinakla hano thobalogo 'binageisikhesik, hinebe at ekaerek hasik 'bakhasikhemo welagap o. Wene hinoba welageikhe meke iti, ninopase Allah Agoreke nen ninoe Etagapogot Yesus Kristus etaga baga, korogo wokhasikhesik Allah hinom dapulogo 'binageisikhemo welagap o.

1 Korintus 6:13

It aperek nen yigithogon egaregat, “Nekarek meke iti ninelabut hasik. Nen, ninelabut iti nekarek meke hasik,” iluk egarek. Itithogon egarek mekeat he, pereat, at Allah nen yabokane degetdigin werek o. Allah nen, ninebe yi, param ha'isekhe dogoagaluk winametdinanhikhe 'buk. At he, ninoe Etagapogot hasigat winametdinanhikhe iti o. Ninebe yi iteerek he, ninoe Etagapogot werek o.

1 Korintus 6:18

Humi yugunat ha'isegarek iti meke ha'isekhe dogunogo iluk, lo laga dogono o. Yi weak ti weak hagakharek iti inebe itikmanke yiat hagakharek. Mekeat he, humi yugunat ha'isegarek iti, inekaerek inebeat weagatdakhegarek iti o.

2 Korintus 12:21

Itithogon hagakhunem, an wagunem, nopase Allah nen hit hinobabut hagakhe lagap iti hasik hit hinil oba nekarli warogo thebetdanusak iti nayuk. It akhuni hit meke aperek doalegat nen humi inaguni werek meke, ap inagugi werek meke nen param ha'isigik, horlak tharlisik meke, elege nen ha'isigik, inekarli dek weak motok hagakhik, o haganeat nen hagakharek meke here'isalok inobabut hebelageidek motok welageikharek iti hasik, de asisunogo iluk nelabut hisik welagei o.

Galatia 5:24

Ninebe Kristus Yesus agarumi meke, ninobabut ninikhogat dogolik, yi warlok ti warlok apekhe lagagu meke iti, Kristus Yesus ebe o baga meldiluk wakhukha iti baga warogo 'bisugu.

Efesus 4:19

It inobabut he, “Weak hagakhe lago,” iluk, inayukhogon welageikharek dek. It nen ekhe dogolik, “Nit he, weak hagarekhe dogogun o” iluk, yi weak ti weak inekarli degat warlokhogon hagariliogei iti o.

Kolose 2:11

Hit, at hinom itithogon hunik welagap iti nen, akhuni iniki nen inoado aperlagap palinakharek hak palhinakhukhama palek welagap 'buk. Dek o. At Kristus nenat hinobabut hinikhogat dogolik weak hagakhe lagagip meke iti palogo la'isasikhemo, hinoado etnogo palek dogou hak welagap iti.

1 Tesalonika 4:3

Allah akla nen he, men apekherek iti, “Hit hinebe an nobasik 'baniluk karelek motok dogolik, param ha'isegarek iti meke ha'isigidek motogat dogono.

1 Tesalonika 4:5

It akhuni itimanke meke, an nebe inokodek dogolik inoba agaken dageisinem yugunat ha'isiliogei iti, itithogon hagakhe dogosak dek o.

Ibrani 12:16

At Esau hipiri abu nen, men isikhe, “Makusa itago an atma, an ite asigin meke iti kok he, dek. Nagot ite asuak,” iluk hipiri piring opakiat temerek meke hasik, at agot oba oko waganhikhe iti hak, hit aperek param hagakhik, wene ebeat meke kogotdigidek hinakla puk ageik, hagakhe dogogup o.

Ibrani 13:4

Ap dek, humi dek, inobabut yugunat hagarinabik lageikharek meke inom, ap inagugi meke param hagakharek meke inom, it yabokane Allah nen wene inoba 'biluk weagarinabigin iti nen, ap nen humi iginakharek iti, akhuni tha'bokhogonat nen kogotdiluk, yugunat hagainakhidek humi ap waganek meke dopok inom hano noge ekhe dogosak o.

Ibrani 13:5

Allah nen ninebe tomok hasigat ekhe dogolik, “An nen hat niki hetokhogon here'agagik, hebe hasokneat 'bageigik, hagasigin dek o,” iluk isikhe iti nen, hit uang hinetaiken hundiluk dogogup o. Herlekha'bugat werek iti, hit hinakla nen, “Yi erlok werek,” iluk apausak o.

Yakobus 4:1

Hit wene palhik, tugi yakhik, hagakhe lagap iti, erlo nena baga nen yakhe lagap nogo. Wim yabusak warlok inetaikenma dogolik, inakla aga dageikherek iti hak, hinakla nen yi warlok ti warlok apegethep iti nenat yakhe lagap apigi.

1 Petrus 2:11

Nagarlak lak nerugi. Hinebe nakmu lak e. Hit hinebe ap huso akhuni inaila la'inagoumo lalok, etoma dogolik, yi meke ti meke hinakla nen kagalogo dageitluk, hinetaiken nen nukunem warlok apegethep meke iti re, thili meke nen inakharek iti hak hinebe weagathinabigiluk, hinakla nen kagalogo dagei agarek meke iti here'isekhe dogobageik iluk yokhisekhe lagei iti o.

A'bikaka 21:8

Itithogon mekeat he, it akhuni aperek inayuk holik meke inom, inetaiken Allah oba hakotdigidek meke inom, Allah alilo meke hagakharek meke inom, akhuni inakharek meke inom, param ha'isigik, ha'isoagaluk hagakhik, hagarek meke inom, elo dek elalinat inakharek meke inom, inetaiken kaneke oba hakotdiluk dogolik, hogorakharek meke inom, inekalat egarek meke tha'bokhogonat inom, i laut hetu meke yekelek werekma, hotali al hakene obasi weak meke etaga belerang inom-inom amulok nasi motok welagarekma etoma inobolukmo la'isagein. La'isagein iti, inebe alebageik elanma hasik watlatlukmo nen, yabokane watlasugun meke itiat o,” iluk yoknekhe.

A'bikaka 22:15

Itithogon mekeat he, it akhuni aperek weak inalilo meke yeke hagakharek hak hagakharek meke inom, it elo dek elalin inakharek meke inom, it param ha'isigik, ha'isoagaluk hagakhik, hagakharek meke inom, it akhuni inakharek meke inom, it inetaiken kaneke oba hakotdiluk dogolik hogorakharek meke inom, it inape baga nen nukhetdisigik, yi meke ti meke hagakhe dogolik, nukhetdisigik, hagakharek meke inebe tomok inom, tha'bokhogonat o kota iti abel itikmanke dogogun o,” iluk yoknekhe.