Kolose 3:22 - ALLAH ANE WENW KET MEKE WAROGO WOKNINAKHIKHE WENE

²² Hit inatuaneke meke nagarlak lak nerugi. Hinougi agat oba meke nen, yi meke ti meke hagasuagaluk isinem, inebe inil oba halok inakla hanorogon hagakhik, dekma halok huk ageik, hagakhe dogogup o. At he, ninoe Etagapogot hinayukhogon hinetaiken opakiat dogolik, hinougi iti inane hologo hagarisekhe dogono.

Kolose 3:22 ပူးပေါင်းရင်းမြစ်များ

Matius 6:22

Itithogon yogeisasikhesik, ageikhe men yogeisasikhe, “Hinebe liarogo isagal yibarlek hakene, hinileken itiat werek o. Halok he, hinileken hano halok, hinebe abisake motok liaat dogogun o.

Matius 8:9

An meneke, nougi koktek inapma dogolik inane holhik, nen, an nagarumi tentara meke napma dogolik nane holhik, hagakhorethekma, an nen, at ageikhe, Lan o, iluk yogokhi halok he, lagaregat. Nen ageikhe, Hat eme o, iluk yogokhi halok he, wagaregat o. Nen, natuaneke ageikhe, Yi hagatno, yogokhi halok he, hagakheregat o,” iluk yogokhikhemo

Lukas 6:46

Itithogon yogeisasikhesik nen, ageikhe men yogeisasikhe, “Hit an nen yokhisekhe lagei meke hagakhidek dogoligat, Noe, noe, iluk nenaluk yoknekhe lagap.

Lukas 7:8

An meneke, nougi koktek meke inapma dogolik, inane holhik, nen an nagarumi tentara meke iti an napma dogolik, an nane holhik, hagakhorethekma nogo nen, an nen, at ageikhe, Lan o, iluk yogokhe halok lagarek. Nen ageikhe. Eme, iluk yogokhe halok he, wagaregat o. Nen, natuaneke ageikhe, Yi hagasin, iluk yogokhe halok he, hagakheregat o, iluk yokhesuagaluk la'inani agama wago,” iluk yogokhukha.

La'isasikhe 2:46

Itithogon hagakhe dogolik, iniki ageikhe huk ageidek hunik-hunigat Allah ai halekma natogokhik, inakla arleken akhekhe dogolik, inobabut thebekhogonat inaila hipiri inom kusogo nikik, hagakhe lagoukha.

2 Korintus 7:1

Halok he, nagarlak lak nerugi. Hinebe nakmu lak o. At Allah nen itithogon dogogun iluk abok yoknisasikhe iti nen, ninebe inom, ninetaiken inom, weak hagakhorek meke iti, hanorogo horogo here'isauwok o. Itithogon here'isalok, Allah ebe ninayuk dogolik, ninebe at hasik 'bisalok dogouok nen, ninetaiken 'bogokhogon horletdekhe dogouok o.

Galatia 1:10

An nane igi iti, akhuni nen, “Hat hano egen,” iluk yoknesuagaluk ekhe lagei a? At he, Allah nen, “Hat hano egen,” iluk, yoknesuagaluk ekhe lagei a. Akhuni inakla hanorogo ekhe lagei halok he, an nebe Kristus atuaneke usak degat o. Meke re, an Allah akla hanorogo ekhe lagei o.

Kolose 3:20

Nen, hit yekerugi, nagarumi. Hinagosa, hinopase lak nen, yi meke ti meke hasik yokhisugunem, inane hologo hagakhe dogoumo, ninoe Etagapogot oba hotok igin iti nen, itithogonat hagakhe dogono o.

1 Tesalonika 2:4

At he, at Allah nenat ninobabut palogo nen, “Hano wene iti, hirat wolok nekhe dogobageik,” iluk, ninayoko 'bisikhe tak-tagat yokhisekhe dogolik, akhuni inakla hanorogo iluk yokhisogorek 'buk. Dek o. Allah ninobabut paliogo meke etnogo akla hanorogo iluk yogeisogorek o.

Filemon 1:16

At yabokane hat hipisak dogogun iti, ebe hatuaneke dogolik, hat hasik hagakhe dogogin mekeat he, iti anek 'buk. At he, at ebe Allah a'but agasik ninagarlak ninakmu mekeat dogogin iti. At nen he, an nakmu mekeat dogolik, an hasik hano motok hagariogo iti, herlekha'bugat o. Hat hasik anek he, an ebe agat oba hatuaneke dogolik, hagarlak hipisak ninoe Etagapogot hinom hunik dogogun iti nen, ebeluk hetaiken motok hunik dogono.