Kolose 3:19 - ALLAH ANE WENW KET MEKE WAROGO WOKNINAKHIKHE WENE

¹⁹ Nen, hit ap nagarlak lak. Hinagugi mep dageik-dagokhogon hagarinakhidegat, hinakmurogon dogono o.

Kolose 3:19 ပူးပေါင်းရင်းမြစ်များ

Lukas 14:26

“Hit hinagosa hinopase lak men, hinagugi hina'buri men, hinougi hinagarumi men, hit hinekaerek hinebe iti men, tha'bokhogonat, Motok na'it o, iluk, apigidek dogolik, an nagarumi asuogoluk napma ukisusak erlok dek o.

Roma 3:14

Inane puk weak inalon 'bisiliogei meke inakla kerlekhogon dogolik isi motok werek.

Efesus 4:31

Inane puk weak igik, inakla aga hetperigik, inakla aga dageigik, wene oko-oko yakhik, inekalat inabok weak palhik, egarek meke iti here'isekhe dogolik, weagarinakharek meke inom tha'bokhogonat here'isekhe dogono o.

Efesus 5:25

At Kristus nen nit Allah 'aburi ninebe akmutninakhikhesik nen, “It inobasik nasuak,” iluk apasikhe baga ebe wakhukhama watlageikhe hak, hit ap he, hinagugi itithogonat hinakmurogon hagakhe dogono o.

Efesus 5:33

Meke re, hit hinebe hasik inomat isikhe. Hit ap he, hinekaerek hinebe hinakmurogo welagathep hak, hinagugi tomok hinakmurogon welageik, hit humi hinaguni tomok inalonerinakhik, hagakhe dogono o.

Kolose 3:21

Nen, hit inopase lak, nagarlak lak. Hina'buri inakla korlo asunogo iluk inakla aga liakhe dogogup o.

Yakobus 3:14

Meke re, hinakla korlo atluk ua palhik, hinekaerek hasik anek ebekhik, hagakhe dogolik, hinekaerek nen, “An hano,” iluk hogorakhekhe dogogup o. Itithogon hagasugun halok, Allah ane ebe wene iti meke thagalogo hinekalat nen ugun iti usak degat o.

1 Petrus 3:7

Nen, hit ap meneke, Allah obabut hano nen hinagugi hinom tak-tagat hiniluk motok dogoagaluk iteerek 'binagakhemo welagap iti nen, hit sembayan isinem Allah nen hinane asuk holhidek thogotdinogo iluk, hinagugi hinom hano dogolik, hinakla nen, “Humi inobatne dek,” iluk hutdiluk, inalon halogo hinakmurinakhe dogono o.