Kolose 3:15 - ALLAH ANE WENW KET MEKE WAROGO WOKNINAKHIKHE WENE

¹⁵ At Allah nen Kristus ebe opakiat meke hinom dapukhogon hunik dogobageik iluk hinayoko 'bisikhe iti nen, yi meke ti meke hagasuogoluk, hinakla nen, “Kristus nen ninom dapukhogon 'binanhikhemo welago,” iluk, wene itiat kogotdekhe dogolik, mothogon hagakhe dogono. Itithogon hagakhe dogolik, Allah ebe heagei wakhe dogono.

Kolose 3:15 ပူးပေါင်းရင်းမြစ်များ

Yohanes 14:27

Halok he, hit hinetaiken hapukhogon dogoagaluk an netaiken hapukhogon welagarek meke wokhisalok ligin o. Iti akhuni agat oba meke nen wogeisegarek iti hak wokhisagein dek iti nen, hinelabut hisik dogolik hinayuk agup o.

Yohanes 16:33

ageikhe men yogeisasikhe, “Hit an ninom hunik dogolik, hinakla hapukhogon dogobageik nen iluk, wene iti tha'bokhogonat yokhisigi o. Hit akhuni agat oba meke nen yi aik ti aik hagathinakhe dogogun o. Meke re, akhuni agat oba meke arat obatne degetdisigima iti, hinayuk dekhogon dogono,” iluk yogeisasikhe.

Roma 1:21

Allah ebe itithogon inilu dogoligat, it nen, “Allah ebe walhasikhe mekeat o,” iluk, ebe hogorakhidek, heagei wakhidek, welagoukha. Itithogon dogolik, ninat meke ebeat meke dek mekeat he, wene munini we yugunat inakla ebekhe lagoukha iti nen, inetaiken abit ageikhe.

Roma 15:13

“Yabokane hano asigin,” iluk ninakla arleken akhogorek iti, erlo at Allah nenat hagatninakherek. Hit itithogon hinakla arleken kokhogon akhekhe dogoagaluk Allah Agoreke obatne baga hagathinabuak. Itithogon hagathinabuak nen, hinetaiken at oba hakotdisigip iti baga hakotdiluk werekma, at nen hinakla arleken motok akhekhe dogoagaluk hagathinakhik, hinetaikek hapugutdinagagik, hagasuak o.

Roma 5:1

Yogotak nit ninetaiken Allah oba hakotdisugu iti nen, wene ninoba meke korogo wokhalok ninom ninapuke hunogo 'binanhikhemo, ninoe Etagapogot Yesus Kristus hagakhikhe iti baga Allah ninom dapukhogon hano welago.

1 Korintus 10:17

Nit ninebe tha'bokhogonat nen, hipiri opakiat meke kusogo nokorek iti hakene ninebe doalegat meke re, opakiat o.

1 Korintus 7:15

At ap etaiken Kristus oba hakotdigidek meke iti age here'isekhe halok he, here'isoagat o. Nen, at he etaiken Kristus oba hakotdigidek meke iti agun here'isalok dukhekhe halok he, dukhuagat o. Allah nen he, ninetaiken hapukhogon hano dogoagaluk ninayoko 'bisikhe iti nen he, itithogon hagasugun halok, wene hinoba 'busak dek o.

2 Korintus 4:15

Nit yi aik ti aik tha'bokhogonat hekhe lago iti, hit hinobasigat o. Itithogon hekhe lago baga, at Allah obabut hano motok nen akhuni aperek akmurinakhik, aperek akmurinakhik, inebe doalegat akmurinabiluk tilinakhunem, inebe doalegat nen, Allah heagei wariogei iti baga, it aperek nen Allah hogorariogei o.

2 Korintus 9:11

Itithogon wokhisaumo, hit nen, yi meke ti meke oba dukhogon dogolik, hiniki kogat it aperek yomageisekhe dogogun o. Itithogon yomageisagun meke iti, nit nen supusogo wogeisugunem, Allah heagei wasugunat o.

Efesus 4:16

Ninebe niniki ninisok ninoba hunik welagarek meke aperek tha'bokhogonat ninomaken oba hunik hano dogolik, asokhotek tomok hagasusak meke hagakhunem, ninebe hano welagorek iti hak, nit ninoe Etagapogot Kristus ebe baga ninom hunik dogolik, ninobabut tomok hagakhe dogosak meke mothogon hagakhe dogogun halok, akhuni inarlue aga dogolik inetaiken horle agarek hak, akhuni aperek inebe ninakmurogon hagakhe dogolik, ninebe Kristus ebe hakene ninobatne atluk dogogun iti.

Efesus 4:4

Allah nen hinayoko 'bekhe dogolik, “An nen hanothinabigin o,” iluk, abok opakiat meke yokhisasikhe hak, at ebe opakiat meke hinom hunikhik, Agoreke opakiat meke waganhik, hagakhigip iti o.

Efesus 5:1

Hinebe Allah a'buri at akmu meke welagap iti nen, at obabut waganino.

Efesus 5:20

Hibiku-yogokuat yi meke ti meke tha'bokhogonat hasik, ninoe Etagapogot Yesus Kristus etaga palogo, ninopase Allah heagei wakhe dogono o.

Kolose 1:12

ninopase Allah heagei wakhik, hagakhe dogosak iti. At ninopase nen, at a'buri aperek hinomat lia baga hinaierek erlok dogoagaluk hagathinakhikhemo welagap iti nen, arat heagei wakhe dogosak iti.

Kolose 2:7

hinomaken Yesus oba a'bethogon ya'iluk, hinetaiken at oba 'bogokhogon hakotdiluk, hinom hunik dogolik nen, hinetaiken horle ago motok dogolik, Allah heagei wakho motok dogono o.

Kolose 3:17

“Ninopase Allah nen woknisekherek iti, ebe Yesus nenat woknisekherek o,” iluk, Allah heagei wakhe dogolik, “Ninoe Etagapogot Yesus apma dogolik, hagakhe lago,” iluk, yi meke ti meke tha'bokhogonat hagasuogoluk, hinane yi meke ti meke hasik uogoluk, at Yesus etaga palogo hagakhe dogono o.

1 Tesalonika 5:18

Allah akla nen he, “Hit Kristus Yesus hinom hunik dogolik, yi meke ti meke tha'bokhogonat hasik an heagei watnakhe dogosak o,” iluk apekherek iti nen, itithogonat hagakhe dogono.

1 Timotius 2:1

An nen wene ageikhe kok meke yi Allah a'buri inasuk watnogoluk yokhisik o. Nit akhuni ninom hano liokhogon dogolik nen, Allah hogorakhe dogolik, akhuni inobasik mothogon hagakhe dogosak meke hagakhe dogouok nen he, akhuni tha'bokhogonat hasik inom, koktek inetagapogot inobasik inom, it aperek inetaga werek dogolik haknisik welageikharek meke iti, inebe tha'bokhogonat inobasik inom, sembayan ekhe dogolik, Allah ayoko 'bigik, kino yogokhik, heagei wakhik, hagakhe dogoagaluk inasuk wakhe dogono o.

1 Timotius 6:12

Akhuni inae walhauwogoluk tha ae 'busuk tha ae 'busuk walhegarek hak, niniluk motok dogogun iti meke horla lagaluk, hetaiken Allah oba hakotdiluk dogolik, at hasik hobatnerogon hagakhe dogono. Itithogon hagakhe dogoluk, iti meke horla lanogoluk, Allah nen hayoko 'bisikhemo, hat nen he, “Netaiken Kristus oba hakotdiluk itithogon hagakhe dogogin,” iluk akhuni doalegat inil oba pakhogon isigin iti tak-tagat hobatnerogon hagakhe dogono.

Ibrani 13:15

Iti nen he, at Yesus ninom hunik dogolik, nit nen, “Allah nopase,” iluk kambing sapi warogo at hasik wogokhe dogou hak, hibiku-yogoku ninape baga nen Allah etaga kokhogon hogorakho motok dogouok o.

A'bikaka 7:12

Itithogon hogorakhe dogolik, men ekhe lageikha, “Ebeat asuak u hak, Amin, u a e, Ninopase Allah harligat kok, u a e, Yi wene ti wene hilu motok dogolik, u a e, Hat hobatne baga haknisik welaganma, u a e, Heagei wathakhik, hogothakhik, u a e, Halon halhik, kogotdageigik, u a e, Hagakho motok dogogun iti, u a e, Ebeat asuak u hak, Amin, u a e,” iluk ekhe lageikha hisigi.