Kolose 2:22 - ALLAH ANE WENW KET MEKE WAROGO WOKNINAKHIKHE WENE

²² Wene iti, akhuni nenat, yi meke ti meke nasinem dek agarek meke hasigat, “Yigithogon hagakhe dogouok,” iluk akhuni nen wene palharek hagat, inasuk wakhik, yakulisigik, iliogei iti.

Kolose 2:22 ပူးပေါင်းရင်းမြစ်များ

Yohanes 6:27

Hipiri hirli atluk dek asusak meke hasik yabu hagakhup o. At he, hipiri motok dogogin meke neke dogolik, iniluk motok dogosak meke iti, an nenat wokhisekhe dogoagaluk, nopase nen nayoko 'biluk la'ani ageikhemo, abat itaklasi agagi iti hasik yabu hagakhe dogono o,” iluk yogeisasikhe.

1 Korintus 6:13

It aperek nen yigithogon egaregat, “Nekarek meke iti ninelabut hasik. Nen, ninelabut iti nekarek meke hasik,” iluk egarek. Itithogon egarek mekeat he, pereat, at Allah nen yabokane degetdigin werek o. Allah nen, ninebe yi, param ha'isekhe dogoagaluk winametdinanhikhe 'buk. At he, ninoe Etagapogot hasigat winametdinanhikhe iti o. Ninebe yi iteerek he, ninoe Etagapogot werek o.

Titus 1:14

It akhuni Yahudi meke ineram nen wene suakane wene pilineriogei meke inom, akhuni aperek nen, ebe wene here'isalok inakla nen kagalogo, “Itithogon hagakhe dogosak,” iluk inasuk wariogei meke iti inom, wene iti herogo dogunogo iluk, inasuk obatnerogonat wakhe dogono.

2 Petrus 2:12

It ap Allah ane yogeisegarek meke thalek inekalat yogeisekhe dogogun meke iti, wam etaiken dek meke ebe ha'iluk wasuagaluk ebe itaklagarek iti hak, it ap iti nen wene hutdigidek dogolik inabok weak palhe dogogun iti baga, inekaerek inebe wam wakharek iti hagat, Allah nen inasigin iti.

A'bikaka 17:18

Nen, he meke hileken hegen iti ebe ap koktek inetagapogot agat oba meke tha'bokhogonat apma 'bisalok hagasik welagarek meke, o kota kok meke egarek etnogoat hileken hegen o,” iluk yoknekhe.