Kolose 2:16 - ALLAH ANE WENW KET MEKE WAROGO WOKNINAKHIKHE WENE

¹⁶ Iti nenat,it akhuni aperek nen, “Hipiri, i, iti meke nausak meke. Nen iti meke nausak dek meke,” igik, “Mulikin iti baga usekhe halok, iti baga dageikhe halok, itithogon hagasusak meke,” igik, “Thut holelhe halok, itithogon hagasusak meke,” igik, “Iniki ageikhe Allah hasik werlegat dogolik, itithogon hagasusak meke,” igik, isi korlek, hit yugunat hagakhunem, wene iti meke hasik, wene hinoba 'busak dek o.

Kolose 2:16 ပူးပေါင်းရင်းမြစ်များ

Matius 15:11

“Wene igin yi hit hutdubageik nen, hinasuk hanorogo holini o. Yi meke ti meke inapema kola'egarek iti nen inebe weagarinakherek dek o. Meke re, inape baga nen wene egarek iti bagaat weagarinakherek o,” iluk yogeisasikhe.

Markus 7:19

Nekarek meke iti, inetaikenma ukekherek dek. Piokthek inelabutla usalok inamiso piokthegat usi lageikharek o,” iluk isikhe iti, “Yi meke ti meke yugunat neke dogosak. Usa dek o,” iluk isikhe iti.

La'isasikhe 15:20

Nit nen, wene men iluk holal waganogo inoba la'usak. Kaneke oba inetaiken hakotdiluk dogolik ako warekharek meke palek nukunem inebe weagarageikharek meke iti nausak dek. Param hagarinabusak dek. Nen, yi meke ti meke arlokop pethelogo warek meke nikik, mep nikik, nausak degat, iluk inasuk warogo inoba la'uok o.

Roma 14:10

Nagarlak lak nerugi. Nit ninebe tha'bokhogonat Allah nen ninitema waganiginmo lugun mekeat, hit hinagarlak lak hinerugi hinom hinetaiken Allah baga hakotdekhe lagap meke iti, nenaluk wene inoba 'bigik, hinakla meanetdisigik, hagakhe lagap?

Galatia 4:10

Hit nen ekhe dogolik, “Niniki iti baga itithogon hagasuok. Thut iti baga itithogon hagasuok. Mo iti baga dageikhe halok, iti baga usekhe halok, itithogon hagasuok. Tahun iti baga itithogon hagasuok,” iluk, iti meke kogotdiluk hagakhe lagap iti.

Kolose 2:20

Hit Kristus hinom hunik dogolik watlagagip iti nen, mokat obabut weak meke agat oba yoma iki hago welagarek meke etnogo nen hinebe herle warogo hakhisik werekma, Allah nen herle hisalhinakhikhe iti. Meke re, hit hinobabut it aperek agat oba meke inobabut inikhogat dogolik hagakharek hagat, hagakhe lagap iti nenaluk. It iti nen, “Yi meke ti meke aperek hiniki a'bethogon hakhigik, thelonhogon hakhigik, ageikhe ituk walhigik, hagakhup o,” iluk inasuk wakhunem nenaluk holiluk hagakhe lagap.

Ibrani 13:9

Itithogonat dogogin iti nen, it akhuni aperek nen yi wene iti wene ninat meke baga nukhetdinageinogo. Nen, it akhuni alebat nekarek meke hasik kogotdiluk hagakhe lagoukha iti baga hano ageidekma, ninetaiken iti baga horle asusak erlok dek o. Allah obabut hano nen woknisekherek iti baga ninetaiken hano horle asusak o.

Yakobus 4:11

Nagarlak lak nerugi. Hit-hit hinabok pal-pal ekhe dogosak dek o. Hinagarlak lak hinerugi aperek inabok palhik, wene inoba 'bigik, hagakhep halok he, wene Allah nen ninasuk wakhikhe wene etnogoat weak iluk u hagat, ekhe lagap iti o. Nen, wene iti weak iluk ekhe lagap halok, wene iti hinasuk hologo hagakhe lagap 'buk. Hit nen he, “Wene iti weak. Ebe hano itithogon usak meke isikhemo,” iluk u hak ekhe lagap iti o.