Kolose 2:15 - ALLAH ANE WENW KET MEKE WAROGO WOKNINAKHIKHE WENE

¹⁵ At Kristus ebe o iti baga watlaga dogolik, Iblis agarumi koktek inobatne werek meke inom erlok degetdisalok, akhuni nen thili meke inom wim yakhe dogolik inobatne atluk, inebe iniluk herle warogo akhuni inil oba wogosik wageikherek hak, at Kristus nen thelekma inekarli wakhikhe iti.

Kolose 2:15 ပူးပေါင်းရင်းမြစ်များ

Matius 12:29

Ap ageikhe obatneak meke iki herle warogo 'bigidegat, aila at ameke iniki abusak wagani ukusak, erlok apegep? Erlok dek. Iki herle warogo 'biluk anek he, ameke iti iniki abusak erlok wagani ukusak o.

Lukas 10:18

at Yesus nen, men yogeisasikhe, “Iblis iti o yabok yibarlogo la'i agarek hak, pogot oba nen usagunem nileken hasigi o.

Lukas 11:22

Mekeat he, ap ageikhe at obatne hakene dek. At he, obatne otok weak meke ap etnogo aila ukitluk, ebe obatne degetdigik, asikhe arege oba dukthek dogogin meke etnogo tilhe dogolik, ameke yi meke ti meke emenogo waganogo motok it aperek supusogo wogeisagein o.

Yohanes 16:11

Nen, ageikhe, Allah nen akhuni agat oba meke inoe kok etnogo wene oba 'biluk obatne degetdisikhemo werek iti nen, at yomakhisekhe dogogin meke iti witluk nen, Allah nen wene inoba 'bigik, kokhik, hagakherek iti hasik thelekmarogo yogeisasiginat o.

Yohanes 19:30

Itithogon wogokhukhama, ituk walhasikhesik nen, men isikhe, “Arat hagakhi o!” iluk isikhesik nen, uroak konokhogon ebe arat watlageikhe.

1 Korintus 15:24

Ninilugutninabiluk nen, o ilugun hurli baga arat hagatlasigin. Itinem at Kristus nen inebe kok welageikharek iti inom, iteerek welageikharek iti inom, inobatneak welageikharek iti inom, motogat degetdisalok, yi meke ti meke, at apma werek meke tha'bokhogonat ninopase Allah apma dogoagaluk iki baga 'bigin o.

2 Korintus 2:14

Itithogon mekeat he, at Kristus obatne ageikhesik elokhe waganhe korlek nukhunem, nit at ninom hunik meke Allah nen Kristus oporlik woknisik nekherek, iluk hogorasuok o. Itithogon woknisik nekhe dogolik, obasi hano meke thak-pakhogon lagarek hak, at Kristus hagakhikhe wene etnogo nit nen wialogo o yi ai ti ai wolok loagaluk woknisik nekherek.

2 Korintus 4:4

Itithogon werek iti, it akhuni agat oba meke inopase Iblis etnogo nen inetaiken Allah oba hakotdigidek meke iti, inetaiken mumerinakhikhemo werek o. At Kristus Allah hakene atma, ebe hogorakharek wene, hano wene iti nen liarinabusak mekeat he, liarinabinogo iluk, inetaiken mumerinakhikhemo werek iti o.

Efesus 4:8

Iti nenat, Allah nen men iluk isikhe, “At ebe pogot oba upu walek eloma dageigiluk, at athilimeke iniki herle warogo 'bisalok wogosik dageisikhesik nen, hano meke ageikhe akhuni oko dek supusogo usa'isa ageikhe,” iluk isikhemo holal waganogo 'bisukha iti o.

Efesus 6:12

Nit wim negen yakhe lago iti, akhuni meke ninom yakhe lago 'buk. Dek o. At he, kok meke, inane werek meke, o mummo agat oba yoma hagasik welageikharek meke, mokat inobabut weak meke pogot oba hogolkerlek agat oba hogolkerlek werekma ninom yakhe lago.

Kolose 2:10

Malaikat pogot oba meke inom, mokat obabut weak meke inom, inapma hagasik werekma inane holharek meke, at Kristus kok arligat ane holusak iti nen, hit meneke, at hinom hunik dogolik, hinetaiken 'bogokhogon horle agasip welagap iti.

Ibrani 2:14

At nen, “Akhuni iti an na'buri,” iluk isikhe iti, nit akhuni watlagorek meke ninobasik isikhe iti nen, at ebe watlaga dogolik, nit akhuni watlagorek meke erlo at Iblis iki baga welagarek meke iti, at Yesus nen at Iblis ebe obatne degetdisigik,

A'bikaka 20:10

Itithogon hali nasi korlek, at helo yeke hakene etnogo inom, at ageikhe nen, “An Allah ane yogeisekhe lagei,” iluk ekalat nukhetdisekherek meke etnogo inom, i laut hetu meke yekelekma hotali al hakene obasi weak meke etaga belerang inom-inom amulok nasi motok welagarekma etoma po wukhogon usa'isekhe. Usa'isekhemo etoma werekma, Iblis etnogo yabokane inoba po wukhogon usa'isekhemo inom etoma dogolik, dikene hibakone hinet wakho motok-motok dogogun hisigi.