Kolose 1:9 - ALLAH ANE WENW KET MEKE WAROGO WOKNINAKHIKHE WENE

⁹ Hinabok itithogon isinem ninasuk holhosik, nit nen hit hinobasik sembayan igik, Allah ayoko 'bigik, thogotdigidek isi motogat welago. Itithogon isinem Allah Agoreke nen hinakla kagalhunem, hinakla motok kagalogo wene hutdiluk nen, at Allah akla warlok apekherek meke iti hit nen, hutukhogon hinilurogon dogobageik iluk ayoko 'bekhe lagoat o.

Kolose 1:9 ပူးပေါင်းရင်းမြစ်များ

Yohanes 7:17

Tha nen Allah akla apekherek meke mothogon hagasusak warlok halok, an nen wene yakulisekhe lagei iti, Allah nen yakulekhe korlek iliogo, igik, Ekaerek akla nen kagalogo iliogo, igik, ekagat halok ilu asiginat o.

La'isasikhe 12:5

At Petrus iki herle warogo kola'iluk werek korlek, it Allah a'buri nen sembayan at obasik huk ageidek hunik-hunigat inetaiken oba nenat motok isi lagoukha.

Roma 12:2

Akhuni yoma hagariogei meke iti inobabut waganhup o. Hinobabut ket ninat hagatlasuagaluk, at Allah nenat hinakla ket meke hagathinakhe dogoak o. Itithogon hagathinakhe dogoumo, at akla nen, “Yigithogon hagasuak, itithogon hagasuak,” iluk apekherek iti ebe hinilu asigin o. Hano meke ebe itiat o. At Allah akla hanorogo hagakhik, inetaiken horle ageik, hagakherek iti nenat o.

1 Korintus 1:5

Hit Kristus hinom hunik werekma Allah nen hinebe hano meke wokhisekhemo welagap. Itithogon dogolik, yi wene ti wene Allah ane iti erlo hinilu motok agasip nen, wene hano motok yakulisekhe lagap o.

Efesus 5:10

Hinakla nen, “Ninobabut nikithogon hagakhe dogogun oba ninoe Etagapogot akla hotok igin,” iluk, hinakla hutdiluk, hinobabut iti mekeat yakulino o.

Efesus 5:17

Hinetaiken abit dogosak dek o. At ninoe Etagapogot akla warlok apekherek meke itiat erlo hera'iluk mothogon hagakhe dogono.

Efesus 6:6

It nen thethisik werek korlek anek akhuni meke inakla hanorogon hagakhe dogogup. Hinakla nen he, “Kristus atuaneke dogolik, Allah akla warlok apekherek meke itiat hagakhe dogouok,” iluk, hinakla ebetdiluk nen hagakhe dogono.

Filipi 1:4

Hit ebekeram wene waganhigip iti hurli nen, yogotak hurli, an nen hano wene akhuni aperek yogeisilik nekhe dogoagaluk yomakneekho motok welagathep iti nen, an hibiku-yogoku nakla arlekenhogon hit tha'bokhogonat hinobasik sembayan ekhe dogolik, Allah ayoko 'bigik, heagei wakhik, hagakhe lagei.

Kolose 3:16

Akhuni inameke doalegat meke inikierek welageikharek hak, hit nen, Kristus ane itiat hinetaikenma obatnerogon 'biluk dogolik, hinakla kagalogoat, hit-hit wene hinasuk wat-wat hagakhe dogolik, wene hit nen yakulisigik, it nen yakulhisigik, hagakhe dogono. Yakulisekhe dogolik, Allah hasi etai Mazmur meke wakhik, etai Allah hogorakharek meke wakhik, Allah Agoreke nen hinakla kagalhunem, etai ket kagalogo wakhik, hagakhe dogolik, hinetaikenma nen Allah heagei wakhe dogono.

Kolose 4:12

At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

Kolose 4:5

It akhuni Allah ane inokodek meke hasik he, hit hinakla motok kagalek dogolik, “Nit Allah a'buri hagasusak meke hano asuak nen ya bagaat hagakhe dogouok,” iluk iti mekeat hagakhe dogono.

1 Tesalonika 1:3

Ninopase Allah il oba sembayan itithogon ekhe dogolik, hit hinetaiken Allah oba hakotdiluk dogolik hagakhe lagap meke inom, akhuni aperek hinakmurogo dogolik, hinobatnerogo yomageisekhe lagap meke inom, hinakla nen, “Ninoe Etagapogot Yesus Kristus nen hano hagatninabigin,” iluk hinebe hinobakhanini hapugutdiluk welagap meke inom, nit nen hit hagakhe lagap meke iti hasik obarlikmatdigidek, eberek motok welago.

1 Tesalonika 5:17

Sembayan hunik-hunik isi motok dogono.

2 Tesalonika 1:11

At Allah nen, “Hit itithogon hagakhe dogono o,” iluk, hinayoko 'bisikhe hagat, erlok hagakhe dogobageik iluk, nit nen hit hinobasik sembayan isi motok welago. Hit hinakla nen, “Nit hano hagakhe dogolo e,” iluk, apekhe lagap meke iti, Allah nen itithogon hagathinakhik, nen, hinetaiken at oba hakotdiluk dogolik hagakhe lagap meke iti, at nenat hinetaiken horletdinagagik, at obatne iti baga hagathinakhe dogoak o.

Filemon 1:4

Hat hetaiken ninoe Etagapogot Yesus oba hakotdiluk, Allah a'buri aperek tha'bokhogonat hakmurinakhetek iti habok nasuk holhirik nen, sembayan hibiku-yogoku ekhe dogolik, hat hetaga iluk nopase Allah heagei wakhe lagei o.

Filemon 1:6

Nit ninetaiken Allah oba hakotdiluk, ninagarlak lak ninerugi Allah a'buri aperek inom, Kristus ninom hunik werekma, at nen yi meke ti meke hano meke woknisugunem hutdogorek meke iti, yabokane kokhogon hutduogoluk Allah ayoko 'bekhe lagei.

Ibrani 10:36

Hit nen Allah akla warlok apekherek meke hagakhunem, at nen, “Hit wokhisagein,” iluk abok yokhisasikhe meke iti waganubageik nen, hinobakhanini hapugutdiluk hagakhe dogosak o.

Ibrani 13:21

Hit Allah akla warlok apekherek meke anek hano hagasubageik nen, yi meke ti meke hano meke tha'bokhogonat wokhisoak. Itithogon wokhisugunem, nit ninom tha'bokhogonat nen Allah akla hanorogo hagakhe dogoagaluk, ninobabut at nen woknisagein iti, ebe, Yesus Kristus nen woknisoak o. At Kristus itiat hogorakho motok dogouok o. Ebeat asuak u hak, “Amin,” igi iti.

Yakobus 1:5

Meke re, at Allah obabut hano nen akhuni tha'bokhogonat akmu dogolik wenageisigidek wogeisekherek iti nen, hit aperek hinakla kagalek dek halok, at kino yogosumo hinakla kagaliginat o.

Yakobus 3:17

Itithogon mekeat he, Allah nen akhuni inakla kagalhunem, inobabut kok hagakharek he, weak ageikhe hagakhidek inilaga isonhogo welageikharek iti. Itithogon dogolik, akhuni inom hanorogo welageik, inobabut enago welageik, inane hologo hagakhik, akhuni inakmurogon motok welageik, o eken hano meke ikherek iti hak, hanorogon hagakhik, akhuni aperek inelokhomake 'bisigik, aperek inoporlike 'bisigik, hagakhidegat inetaiken pere welageidegat, hanorogo hagakharek iti.

1 Petrus 4:2

Iti nen, hit nen akhuni yi meke ti meke warlok nen inetaiken nen nekerek iti meke here'isalok, hurli yogotak hurli nen, agat oba yoma hiniluk dogolik Allah akla warlok apekherek meke iti anek hagakhe dogono o.

1 Yohanes 2:17

Akhuni agat oba meke inobabut inikhok hagakharek iti inom, yi meke ti meke warlok iluk hagakharek iti inom, dek arik wiriogo mekeat he, akhuni Allah akla warlok apekherek meke hagakharek meke iti anek he, iniluk motok dogogun o.

1 Yohanes 5:20

At Allah a'but ninoba usa'ageikhesik, Allah ebeat meke ninilu asuagaluk ninetaiken kagalogo yoknisasikhe. Itithogon yoknisasikhemo, nit he, Allah ebeat meke a'but Yesus Kristus ipisak ninom hunik motok welago. Nen, at Yesus ebe Allah ebeat meke dogolik naburlal-haburlal erlo arat welagarek o.