Kolose 1:29 - ALLAH ANE WENW KET MEKE WAROGO WOKNINAKHIKHE WENE

²⁹ An wene iti hasik bogokhogon hagasigiluk, at Kristus obatne etnogo an nakla dogolik nobatnetnakho korlek, nobatnerogonat hagakho motok welagei iti o.

Kolose 1:29 ပူးပေါင်းရင်းမြစ်များ

Lukas 13:24

“It akhuni doalegat, holagape herlekha'bugat ukuogoluk walhagun mekeat he, erlok dek asigin iti nen, hit holagape herlekha'bugat iti baga ukubageik nen, hinobatnerogo hagakhe dogono, iluk yokhisekhe lagei.

Roma 15:20

Wene itithogon iluk holal yigithogon waganogo 'bisukhama werek, “It akhuni aperek, at abok holhidek meke inileken higik, nen, it wene holhidek meke nen hutdigik, hagasugun o,” iluk holal waganogo 'bisukha tak-tagat yogeisilik waga dogolik, it akhuni aperek nen, o herlaga 'bilukmo an nen o ebe halu hak halunogo iluk, an nakla warlok nen, akhuni Kristus etaga inasuk aban holhidekma eloma hano wene yogeisilik wisigiluk apasigi.

Roma 15:30

Nagarlak lak nerugi. Ninoe Etagapogot Yesus Kristus itiat iluk, nit-nit nakmu-hakmu dogoagaluk Allah Agoreke nen hagatninakherek etnogo baga, an hasik ninom sembayan Allah ayoko ninobatnerogon 'bekhe dogouogoluk yokhisigi o.

1 Korintus 12:11

Itithogon wogeisekherek iti, Allah Agoreke opakiat iti nenat akla apalok, yi hagakhik, ti hagakhik, hagakhe dogoagaluk inebe tomok mikirlogo wogeisekherek iti.

1 Korintus 12:6

Ayabu itithogon hagatdisekhe dogolik, niniki asokhotek tomok hagakhorek meke iti, ebe tha'bokhogonat hagasuagaluk, ninopase Allah opakiat meke nen ninebe tomok obatne woknisekherek o.

1 Korintus 15:10

Itithogon usak erlok dek mekeat, Allah obabut hano nen nayoko 'bisikhemo yigithogon agagisik welagei o. Nayoko 'bisikhe iti we yugunat 'bisikhe dek iti nen, it aperek tha'bokhogonat yabu herlekha'bugat hakene waganhe korlek, an anek he, doalegat hakene waganhe lagei o. Meke re, itithogon waganhe lagei iti, an nen waganhe lagei 'buk. Allah obabut hano nen, nipisagat dogolik waganiogo o.

2 Korintus 11:23

It iti Kristus atuaneke dogolik, at hasik herlekha'bugat hagakharek mekeat he, an anek he, kogat hagakherek o, iluk, akhuni thinuknuk meke nen egarek hak ageikhe yokhisigi iti o. It he, thet herlekha'bugat negen hegarek mekeat, an he, thet doalegat hegerek o. It he, opaki hasik hakene iniki herle wakhik, tugi inakhik, inebe watlasusak negen motok inakhik hegarek mekeat he, an anek he, hibiku-yogoku niki herle wakhik, tugi nakhik, nebe watlasusak negen motok nakhik, hegerek o.

2 Korintus 13:3

Hit nen he, “Paulus iti, Kristus akla dogolik iliogo a? Dek a,” iluk nobabut paluogoluk egep iti, nebe wagunem ekagat hutdanugunat o. At Kristus hit hagakhethep iti hasik ebe erlok dek nen obakhanini huk agarek 'buk. At hit hinom dogolik obatneat werek o.

2 Korintus 5:9

At Kristus nen nit tha'bokhogonat ninoado yi baga dogolik hagakhe dogogun meke tomok ninitema waganogo ukum ninoba 'bigik, kokhik, hagakhe dogolik, hano hagakho meke halok, “Hano,” igik, nen weak hagakho meke halok, “Weak,” igik, mothogonat yoknisagein o. Itithogon yoknisagein iti nen, nit o yoma huso dogolik inom, yabokane at aila ukiluk inom, ninetaiken tumo, at akla hanorogo anek hagakhe dogou warlok nen hagakhe lago iti.

2 Korintus 6:5

Tugi ninakhik, niniki herle warogo o herle werek 'bisegarekma 'binanhik, akhuni doalegat nen ninoba wiik-weakhogon ninasusak hagatlageik, hagakhe korlek welago. Yabu thet weak hagakhik, noge usak degat ageik, hipiri abu ageik, hekhe dogolik hagakhe lago.

Efesus 1:19

at obatneak meke etnogo nen, nit ninetaiken at oba hakotdisugu meke, obatnerogon kogat yomaknisiliogo meke hinilu ageik, hagasubageik iluk ayoko 'bekhe lagei o. At obatne iti baga, Kristus ebe watlageikhesikmo ilugutdiluk pogot oba lia'iluk, at alilu iki ebeke kok Etagapogot dogoagaluk meldisikhe hagat, obatnerogon yomaknisiliogo iti o.

Efesus 3:20

At Allah at hogorakhe dogouok o. At ebe ninakla dogolik obatnerogon hagatninakherek iti motok kogat iti nen, nit nen ninakla ebekhik, kino yogokhik, ogorek meke tak-takhogon hagakhidek, ageikhe inom kokhogon hagatninakherek iti.

Efesus 3:7

An akhuni inatuaneke negen dogoli, wene iti supurisekhe dogoagaluk, Allah obabut hano nen obatnerogon hagatninakherek tak-tagat nayoko 'bisikhe iti o.

Filipi 1:27

Wene hano wene Kristus nen hagakhikhe wene etnogo baga, “Yigithogon hagakhe dogono, tigithogon hagakhe dogono,” iluk yokhisegarek mekeat hagakhe dogono. Itithogon hagakhe dogolik, hinebe opakiat dapukhogon hagakhe dogoumo, it akhuni aperek nen hinabok ekhe dogolik, “It inobabut hano wene yogeisugunem holiogei tak-tagat inetaiken Allah oba hakotdiluk obatnerogon metek werek o,” iluk, an nebe walegat werekma yoknisugun a? Hinoba witluk nileken hisagein a. Wene hano wene yokhisogorek hak, hinetaiken opakiat hinom dapukhogon dogolik, wim yakhe dogolik obatnerogon yakharek hak, wene iti hasik hinobatnerogon hagakhe dogono.

Filipi 1:30

An alebat he, wim yakhe dogolik inobatnerogon yakharek hak, hano wene hasik nobatnerogon hagakhunem hinileken neasigibat. Nen, yogotak nabok holhe lagabat. Iti meke, hit ninom dapukhogon hagakhe lagoat iti o.

Filipi 2:16

Itithogon hagakhe dogolik, yi meke ti meke supusogo wogeisuogoluk inugurisegarek hak, wene akhuni inebe inilugurinakherek wene iti yogeisilik nekhe dogono. Itithogon yogeisekhe dogogun halok, at Kristus wisigin itinem, an nen, “Mep dageik-dagokhogon nobatnerogonat hagakhe lagagi meke etnogo we yugunat alomarogo hagakhidek. Kristus hasik erlok hagarogo 'bisigima,” iluk nalonat asigin iti o.

Kolose 2:1

An nen he, hit men, it akhuni o Laodikia meke men, it aperek doalegat men, an nebe hinokodek meke hasik nobatnerogon hagakhe lagei meke iti, hit hinilurogon dogosak, iluk yokhisigi iti o.

Kolose 2:12

At Kristus watlageikhemo ebe warek thaldisukha hak, hit ima usa'inagekhe dogolik, hinom hunigat thaldinageisukha o. Nen, at hinom hunik warek werekma, Allah obatne baga ilugutdisikhe, iluk hinetaiken at obatne baga hakotdisigip iti nen, ima nen 'buakhogon lia'inageisinem, at hinom hunigat hiniluguthinakhikhe o.

Kolose 4:12

At Epafras, Kristus Yesus atuaneke, ebe hit mekeat etnogo nen, heagei wathinakheat o. At nen he, hit hinakla nen, “Allah ane iti eberogonat,” iluk hutdiluk nen, hinetaiken horle atluk hinebe metegat dogolik, yi meke ti meke Allah akla apekherek hak hagakhe dogobageik iluk sembayan hit hinobasik obatnerogonat isi motogat welagarek.

1 Tesalonika 2:9

Nagarlak lak nerugi. Nit Allah ane hano wene iti yokhisugunem, yi meke ti meke hasik, hit aperek hinoba tiolhinabunogo iluk, nit ninekaerek nen dikene hibakone ninobatnerogon hagakhik, mep dageik-dagokhogon hagakhik, hagakhe lagagu etnogo, hiniluat o.

2 Tesalonika 3:8

Nit nen he, hipiri hit hinoba ageikhe oko palhidek werlegat neke lagagu degat o. Hit aperek hinameke degerogo neke dogunogo iluk, nit dikene nen hibakone nen motok thereak-moreak ninekaerek nenat ninobatnerogon hagatdiluk oko palogo neke lagagu iti.

2 Timotius 2:10

Iti nen he, it akhuni aperek Allah nen wenageinakhikhe meke Kristus Yesus inom hunisumo, inebe tilinakhik, iniluk hano motok dogoagaluk, hanorinakhik, hagasuagaluk, an itithogon weagatnakho korlegat, nobakhanini hapugutdiluk welagarek iti o.

Ibrani 12:4

Hit anek he, weak hagasu hina'it nen, wim inobatnerogon yakharek iti hak hagakhunem, aban hinamep ulabogo hinakhidek meke welagap o.

Ibrani 13:21

Hit Allah akla warlok apekherek meke anek hano hagasubageik nen, yi meke ti meke hano meke tha'bokhogonat wokhisoak. Itithogon wokhisugunem, nit ninom tha'bokhogonat nen Allah akla hanorogo hagakhe dogoagaluk, ninobabut at nen woknisagein iti, ebe, Yesus Kristus nen woknisoak o. At Kristus itiat hogorakho motok dogouok o. Ebeat asuak u hak, “Amin,” igi iti.

A'bikaka 2:3

Nen, akhuni nen an nobasik yi aik ti aik hagathinakho korlegat, hit nen, At nina'it, iluk, here'anhidek hinobakhanini hapugutdiluk hagakhethep iti an nilu o.