Kolose 1:27 - ALLAH ANE WENW KET MEKE WAROGO WOKNINAKHIKHE WENE

²⁷ At Allah akla nen he, it akhuni itikmanke meke tha'bokhogonat hano motok hagarinabigin wene iti kokhogon hogorasusak mekeat apasikhesik nen akla limago welageikhe meke, at a'buri halok thelekma pakhogon yogeisagaluk isikhe. Wene iti ebe re, Kristus hit hinakla werek halok, yabokane hanothinakhunem, hogothinabugun itiat o.

Kolose 1:27 ပူးပေါင်းရင်းမြစ်များ

Matius 13:11

at Yesus nen, “Nopase pogot oba apma 'bisekherek wene iti, at akla limago welageikhe meke, hit anek hinilu asubageik nen iluk, akla pakhogon yokhisausak apasikhe mekeat he, it akhuni aperek iti anek pakhogon yogeisausak dek akla nen apasikhe.

Lukas 17:21

At Allah nen apma 'bisagein iti, arat hinakerlekla asi aga iti nn, it akhuni nen, Yoma werek yi 'bikhatni! igik, Etoma werek ili 'bikha lani! igik, aban igidek werek korlegat wisigin o,” iluk yogeisasikhe.

Yohanes 14:20

Itithogon hinileken neagun itinem, an nopase nipisak hunik welago, nen, hit an ninom hunik, nen an hit ninom hunik welago meke iti, hinilu asigin o.

Yohanes 14:23

at Yesus nen, men yogeisasikhe, “At tha nen, an nebe etaiken hunik halok he, nane hologo hagakhe dogogin o. Nane hologo hagakhe dogoumo, nopase nen at iti etaiken hunik dogogin o. Itithogon dogolik, an nopase nipisak ap iti oba witluk, at ninom motok dogogun o.

Yohanes 17:26

Nopase. Hat nen an hakmutnakhigin etnogo, it-it itithogonat nakmu-hakmurogon dogolik, an nebe it ninom hunik dogouogoluk, hat hetaga ilik hawene yogeisekhe lagarik ageikhe inomat yogeisekhe dogoginat o,” iluk sembayan isikhe.

Yohanes 6:56

Tha nen an nebe nikik, namep nikik, hagariogo halok he, at nen an nipisak hunigat, nen, an nen, at nipisak hunigat, dogogun o.

Roma 11:33

At Allah meke kokhogon woknisigik, akla motok kagalek welageik, wene motok ilu welageik, hagakherek iti nayuk o. At nen wene ilukun wakherek meke, nit akhuni ninilu asusak a? At nen yi meke ti meke hagakherek meke, nit nen hutdusak a?

Roma 2:4

“At Allah obabut hano motok, enago,” iluk, hinakla meanetdekhe lagap a? Hit hinakla nen, “Allah obabut hano nen nit weak hagakhe lago meke here'isalok ninobabut hebelasuagaluk, ninakla kagalherek,” iluk hinokodek a? Hiniluat o.

Roma 5:2

Nit ninetaiken Yesus oba hakotdisugu iti bagaat, at nen Allah obabut hano nen hanotninakherek iti apma 'binanhikhemo iti baga hakotdiluk welago. Dogolik, Allah hogorakho motok welageikharek iti hak, nit itithogonat hogotninabigin o, iluk ninakla arleken akhekhe lago.

Roma 8:10

Itithogon mekeat he, hit Kristus hinakla werek halok he, hinobabut weak hagakhethep iti nen, hinebe itikmanke yi watlasugun mekeat he, Allah nen wene hinoba meke korogo wokhalok yabokane hinapuke hinom hunogo 'binageikhe iti nen, at Agoreke nen hiniluguthinabigin iti.

Roma 9:23

It iti hasik itithogon obakhanini hapugutdiluk dogolik, nit ninobasik men apiliogo, “It nakmu meke hanorinabigiluk ebekeram walinakhigi iti, hano motok hagarinabigin meke inilu asuak o,” iluk apekherek.

1 Korintus 3:16

Nit ninebe Allah ai halegat, iluk hinokodek nogo a? Allah Agoreke ninakla ai halogo welagarek, iluk hinokodek nogo a?

2 Korintus 2:14

Itithogon mekeat he, at Kristus obatne ageikhesik elokhe waganhe korlek nukhunem, nit at ninom hunik meke Allah nen Kristus oporlik woknisik nekherek, iluk hogorasuok o. Itithogon woknisik nekhe dogolik, obasi hano meke thak-pakhogon lagarek hak, at Kristus hagakhikhe wene etnogo nit nen wialogo o yi ai ti ai wolok loagaluk woknisik nekherek.

2 Korintus 4:17

Nit yogotak, yi aik ti aik hagatninabiogei iti, elanma hasik herlekha'bugat negen o. Meke re, itithogonat hagatninabiogei iti baga, yabokane hogorakharek meke ikhok motok dogogin meke motok kogat ite asugun o.

2 Korintus 4:6

At Allah nen ekhe dogolik, “O mum iti akla nen lia atnek,” iluk isikhe iti hak, at nenat nit ninakla mum meke iti liatninakhikhemo welago. Itithogon dogolik, at Kristus elokhoken a'bi'bal yakhunem ninileken lakhalok nen, at Allah hogorakharek meke etnogo ebe itigirlik iluk hutdekhe dogoagaluk itithogon liatninakhikhe.

2 Korintus 6:16

At Allah ai halek iti inom, kaneke iti inom, opakimo dapulusak nogo a? At Allah iluk motok welagarek meke ai halek he, nit ninebe yiat o. At nen he, men isikhe, “It inakla an nai halogo dogogin o. Inaklake etoma nekhe dogogin o. It inopase Allah anat dogogin o. Nen, an na'buri irat dogogun,” iluk isikhe iti nen,

Galatia 2:20

Nen, yogotak nebe niluk welagei yi, nekaerek nobatne baga welagei 'buk. At Kristus at nakla dogolik iluk welagarek o. At ebe Allah a'burat dogolik, nebe akmu nen an hasigat, “Nasuak,” iluk akla apasikhe baga ebe wakhukha iti. Nen, an netaiken at oba hakotdiluk werekma, at ebe nakla werekma, niluk welagarek iti.

Galatia 4:19

Meke re, na'buri hinebe nakmu lak o. Humi nen ineagei itaginabuogoluk hinet wakharek hak, an nen yabokane itakhinabumo, hit hinobabut Kristus obabut hakene hagatlatlep o! iluk, hit hinobasik an noba u hinet weak wakhe lagei.

Efesus 1:7

Itithogon woknisasikhemo, ebe amep ulabogo wakhukha iti baga, ninoko palogo tilninakhik, nit weak hagakhe lagagu meke degetdisigik, hagakhikhe iti o. At Allah akla kagalek dogolik ninebe hutdinanhikhesik, obabut motok hano etnogo nen, ninebe kokhogon akmutninakhikhe iti o.

Efesus 2:22

Iti hakene, hit Kristus hinom hunik werekma, it aperek hinom o opakiat Allah ai halekma Agoreke dogoagaluk, halogo 'binagaliogo iti o.

Filipi 4:19

Nen, hit yi meke ti meke hinerlageik werekma, an nopase Allah hogorakherek meke Kristus Yesus ipisak hunik dogolik inilmo horleak nen hogorakharek meke etnogo nen, wokhisugunem hinilmo horleak asugunat o.

Kolose 2:3

Allah akla kagalek dogolik, yi wene ti wene motok ilu iti, at akla limago welageikhe mekeat he, Kristus arligat nen pakhogon yoknisekherek.

Kolose 3:11

Itithogon hagathinakhunem, ninebe tha'bokhogonat ninoe Etagapogot Kristus arligatma, ninebe tha'bokhogon at ninom hunik welago iti nen, inukuloak etaga Yunani meke igik, Yahudi meke igik, egarek iti inom, inoado aperlagap palek meke igik, palek dek meke igik, egarek iti inom, inane kut palek meke igik, walegat okamake meke igik, egarek iti meke inom, inatuaneke meke igik, inasokne meke igik, egarek iti inom, ekhe dogosak dek welagap iti.

1 Timotius 1:1

Timotius na'but o. Hetaiken Kristus oba hakotdisigin iti nen, an na'but eberogonat agaginmo, wene yi an Paulus nen holal waganogo hoba la'i agei iti o. At Allah tilninakherek meke inom, Kristus Yesus nen hanotninabigin iluk ninakla apekhe lago meke etnogo inom, ipisak nenat nayoko 'biluk, at Kristus Yesus hasik hagakhe dogoagaluk la'ani agoukhama wagagi iti o. Ninopase Allah inom, ninoe Etagapogot Kristus Yesus inom, ipisak inobabut hano etnogo nen, hano meke wokhikhik, inakmuthakhik, hetaiken hapugutdageigik, hagakhe dogoak o.

Ibrani 6:19

At nen he, “Hanothinabigin,” iluk isikhe iti dek asigin dek o. “Ebeat asigin,” iluk apekhe lago meke iti, ku thoat agatma a'bethogon usa'iluk welageikharek iti hak, ninetaiken pogot oba o akla itikmoke kakok palek Allah werekma etoma hunetdiluk hapukhogon dogouok o.

1 Yohanes 4:4

Meke re, na'buri o. It akhuni agat oba meke inakla welagarek meke iti obatne dek mekeat he, hit anek he, hinebe Allah a'buriatma, at Agoreke obatne motok horleak meke hinakla werek iti nen he, it ap iti inobatne degetdisalok welagap iti o.

A'bikaka 3:20

Lakhani! An nebe holagapema metek dogolik, thu ane puputhekhe lagei o. Itithogon puputhasinem, tha nen nane asuk holiluk nen, thu hualneagein halok, an at oba 'bikha ukiluk nen, nipisak hipiri nasi nagarlak-hagarlagat dogogun o.