Kolose 1:25 - ALLAH ANE WENW KET MEKE WAROGO WOKNINAKHIKHE WENE

²⁵ An he, Allah nen, hit hinobasik, at a'buri meke tha'bokhogonat inatuaneke dogoagaluk nayoko 'bisikhemo, wene Allah nen isikhe wene iti tha'bokhogonat yogeisilik nekhe dogosak mekeat, yogeisilik nekhe lagei iti o.

Kolose 1:25 ပူးပေါင်းရင်းမြစ်များ

1 Korintus 3:5

At Apolos iti tha nogo? Nen, an Paulus tha nogo? Nit iti ninoe Etagapogot nenat akla apalok ninayabu tomok hagakhe dogoagaluk ninayoko 'bisikhemo nen, at atuaneke welago. At atuaneke dogolik, wene yakulhisasugumo, hinetaiken Yesus oba hakotdisigip iti o.

1 Korintus 9:17

An itithogon yogeisilik nekhe lagei iti, an nakla nen kagalogo yogeisilik nekhe dogolema, niki oko woknikhunem, waganhe dogole o. Meke re, an nakla nen kagalhidek werekma, Allah nen nayoko 'biluk iteerek 'banhikhe iti nen oko dek yogeisilik lagarek iti.

Efesus 3:2

Akhuni nen he, “Allah obabut hano etnogo nen, it akhuni o Efesus meke hano asuagaluk, at Paulus ayoko 'bisikhemo hano wene yogeisilik liliogo,” iluk isinem hinasuk arat holhigip apigi.

Efesus 3:7

An akhuni inatuaneke negen dogoli, wene iti supurisekhe dogoagaluk, Allah obabut hano nen obatnerogon hagatninakherek tak-tagat nayoko 'bisikhe iti o.

Kolose 1:23

Halok he, hano wene hinasuk holhigisip hinakla nen, “Yabokane hano asigin,” iluk, apasigip meke iti, hinetaiken aborlok iluk kolelogo here'igidek hinobatnerogonat hago dogono. Hano wene iti, at nen yi ai ti ai akhuni inebe tha'bokhogonat yogeisasikhe wene iti yogeisilik nekhe dogoagaluk, an Paulus nayoko 'bisikhe iti.

1 Tesalonika 3:2

Werek korlek, at ninagot Timotius, hano wene Kristus hagakhikhe wene etnogo ninomat, Allah hasik yogeisilik nekhe lago meke etnogo, akhuni nen yi aik ti aik hagathinabiogei iti nen, hit hinetaiken Kristus oba hakotdisigip meke aborlok unogo iluk, hinetaiken ago wathinakhik, hinasuk wakhik, hagakhe dogoagaluk hinoba la'i ago iti o. Yi aik ti aik hagatninabiogei iti, Allah nen nit ninobasik akla apekhe dogolik, “Itithogon hagathinakhe dogogun,” iluk isikhe hagat hagathinabiogei iti, hiniluat o.

1 Timotius 4:6

Wene hano wene ninetaiken Allah oba hakotdogorek meke etnogo yakulhekhe lagagumo, hat nen waganhigitik mothogon hagakhe lagan iti baga hebe kok aga dogolik, wene yogotak yokhigi iti ninagarlak lak ninerugi Allah a'buri meke aperek yakulisekhe dogono. Itithogon yakulisekhe dogogin halok he, hat Kristus Yesus atuaneke dogolik, at hasik hanorogo hagakhe dogogin iti o.