Kolose 1:20 - ALLAH ANE WENW KET MEKE WAROGO WOKNINAKHIKHE WENE

²⁰ Yi meke ti meke agat oba meke inom, pogot oba meke inom, tha'bokhogonat Allah inom weak agoukhasik, wim palek hakene werekma, at Allah ekaerek inom dapulogo 'bisasikhe iti ebe, Yesus o baga meldiluk wakhukhama amep ulabogo watlageikhe iti baga dapulogo 'bisasikhe iti o.

Kolose 1:20 ပူးပေါင်းရင်းမြစ်များ

Matius 1:21

Eak iti ebe abat itasigin o. Itasumo re, at nen oe agot weak hagariogei meke korogo waganiluk tilinabigin o, iluk etaga Yesus thalino” iluk yogokhikhe.

Lukas 2:14

“It pogot oba upuke welageikharek meke nen, ninopase Allah itiat hogorakhe dogoak o. Nen, it akhuni agat oba yoma inebe Alla oba hotok ekherek meke inetaiken hapukhogon dogoak o,” iluk isukha.

La'isasikhe 10:30

Itithogon yogeisasikhemo, at Kornelius nen, “Uahe mo korok i laga korlek, jam 3 baga o yigirlinemat an sembayan naila igi.

Roma 5:1

Yogotak nit ninetaiken Allah oba hakotdisugu iti nen, wene ninoba meke korogo wokhalok ninom ninapuke hunogo 'binanhikhemo, ninoe Etagapogot Yesus Kristus hagakhikhe iti baga Allah ninom dapukhogon hano welago.

Efesus 1:10

Wene at akla limago welageikhe iti ebe, yabokane hagatlasusak oba hagatlasi agunem, at nen yi meke ti meke pogot oba welagarek meke inom, agat oba welagarek meke inom, tha'bokhogonat dapukhogon Kristus arligat apma 'bisagein meke hasik abok yoknisasikhe itiat o.

Filipi 2:10

It pogot oba meke inom, agat oba meke inom, wema baga meke inom, tha'bokhogonat at Yesus hogorakhe dogolik, initibagal yukukhogon inebe tomok, at apma ukugun iti o.

Ibrani 2:17

Itithogon hagakhikhe iti, yigithogon iluk. Nit akhuni weak hagakhorek meke, at nen degetdisagaluk, at ebe Allah iteerek kok dogolik, obabut Allah hasik hupukhogon hagakhik, nit akhuni akmutninakhik, erlogat hagakhe dogeigiluk, at ebe nit akhuni agarlak lak erugi hakeneat atluk, nit hagakhorek meke tha'bokhogonat ninobabut waganusak mekeat waganhikhe iti.