Kolose 1:11 - ALLAH ANE WENW KET MEKE WAROGO WOKNINAKHIKHE WENE

¹¹ Ninopase Allah obatneak hogorakharek meke etnogo hinobatnethinakhunem, hit hinobatnerogo motok dogobageik iluk ayoko 'bekhe lageiat. Itithogon hinobatnethinakhunem, yi meke ti meke akin hinoba aga korlek, hinakla puk ageidek, hinobakhanini hapugutdiluk dogolik, hinakla arleken akhigik,

Kolose 1:11 ပူးပေါင်းရင်းမြစ်များ

La'isasikhe 1:8

Itithogon mekeat he, Allah Agoreke hinoba usa'aga halok, hinobatne asigin. Hinobatne atluk nen, o kota Yerusalem nen, o propinsi Yudea nen, o Samaria nen, hurli o yi ai ti ai o ilugun ilugun elomaat laga dogolik, an yi meke ti meke hagarik nukhunem hinileken neegep meke etnogo, an nobasik yogeisilik laga dogono o,” iluk yogeisasikhe.

La'isasikhe 5:41

Ula'isugunem, it ap wene erlo pilinekhe lagoukha meke emenogo here'isalok dukhisukhasik nen, Yesus agarumi emenogo it-it ekhe dogolik, “Allah nen, Hit Yesus etaga hasik akhuni nen, Hit weak, iluk wenakhisaumo erlok, iluk akla apekhe tak-tak wenaknisega iti hano,” iluk inakla arleken akhalok dukhisukha.

Roma 2:7

At Allah nen, it akhuni aperek nen inebe hogorinakharek meke men, inalon halinakharek meke men, hirli agarek dek meke men, ite asuogoluk ina'it ageidek dogolik inobabut mot hagakharek meke, inebe iniluk motok dogoagaluk hagarinabigin.

1 Korintus 16:13

Hinobabut hebelogo dogolik, hinetaiken Allah oba hakotdiluk, metegat dogono o. Hinobabut abat dogolik, hinobatnerogo dogono o.

2 Korintus 4:7

Nit wene yigithogon yogeisilik nukhunem, akhuni inileken nisekhe dogolik, inakla nen, “It inobatne dek. At Allah obatne werek higi,” iluk ekagat hutdekhe dogoagaluk, isoak agat meke hagarogo henakharek hak, hano meke iti nit erlok dek meke ninakla 'binanhemo werek o.

Efesus 3:16

At Allah yi meke ti meke ilmo motok horleak iluk u hak, hogorakho welageikharek etnogo nen, Agoreke oba hinobatnerogon hinetaiken horlethinabuagaluk ayoko 'bekhe lageiat o.

Efesus 4:2

Hit-hit nakmu-hakmurogon yomageisigik, hibiku-yogoku hinetaiken thebekhogon hagakhik, hinobabut enago welageik, hinobakhanini hapugutdiluk welageik, hagakhe dogono o.

Efesus 6:10

Ilugun oba wene yi yokhisak. Ninoe Etagapogot hinom hunik dogolik, at obatne motok horleak etnogo baga, hinobatne hagatlarik dogono o.

Filipi 4:13

At Kristus nobatnetnakhe korlek nogo nen, yi meke ti meke weak agunem inom, hano agunem inom, erlok hagakhe dogosak anek.

2 Petrus 1:6

Allah ebe hinilu dogolik, iti meke oba dukhogon, inetaiken thebekhogon welageikharek meke iti, ite atno. Hinetaiken thebekhogon dogolik, iti meke oba dukhogon, yi hasik ti hasik hagakhe dogolik, inobakhanini hapugutdiluk welageikharek iti meke, ite atno. Hinobakhanini hapugutdiluk dogolik, iti meke oba dukhogon, Allah apma dogolik, at akla warlok apekherek mothogon hagakharek meke, ite atno.

Yudas 1:25

Ninopase Allah arligat nen ninoe Etagapogot Yesus Kristus hagakhikhe iti baga tilninakhikhe meke etnogo iteerek obatneak o, iluk, at hogorakhik, kogotdigik, hagakhe dogouok nen, erlo baga yi meke ti meke walhigidekma Allah arligat welageikhe iti baga nen, yogotak ya nen, yabokane motok dogolik nen, itithogon hogorakho motok dogoak, iluk, “Amin,” igi iti.

A'bikaka 14:12

Wene yi hasik kogat hagasusak he, Allah a'buri at ane hologo mothogon hagakhe dogolik, hinetaiken Yesus oba hakotdiluk welagathep meke iti, hinetaiken thebekhogon hinobakhanini hapugutdiluk dogosak o.