Ibrani 9:24 - ALLAH ANE WENW KET MEKE WAROGO WOKNINAKHIKHE WENE

²⁴ at Kristus o Allah ekaerek ai iluk akhuni nen oba lisogon halhukhama iti ukisikhe 'buk. Dek o. At he, pogot ebe baga ukisikhesik Allah werekma etoma nit ninobasik werek o.

Ibrani 9:24 ပူးပေါင်းရင်းမြစ်များ

Matius 18:10

Itithogon yogeisasikhesik ageikhe men yogeisasikhe, “It malaikat Allah nen pogot oba nen yoko usa'isa agarek meke nen yekerugi yi hakene therisik dogolik nopase il oba motok welageikharek iti nen, yekerugi iti hinakla meanetdisugup o. [

Markus 14:58

“At yi nen, Allah ai akhuni iniki nen halhukha meke yi, an nen misalogo la'igin o. Misalogo la'iluk obolukmo akhuni iniki nen halusak dek. Ninat meke niki pere baga halhe dogoluk, niki ageikhe yi baga, arat haligin o, iluk ninilhanem isinem ninasuk holhugu o,” iluk isukha mekeat he,

Markus 16:19

Wene itithogon arat yogeisasikhemo, at Allah nen Yesus ebe pogot oba wolok dageisikhe. Itithogon wolok dageisikhemo alilu iki ebeke kok hurek welagarek.

Lukas 24:51

Itithogon heagei warinakhe korlek eranogoat, it eta werek korlek, Allah nen, at ebe lekhogon pogot oba wolok dageisikhe.

Yohanes 16:28

An nebe Allah werekma nen akhuni agat oba meke inoba usa'agagi mekeat, yogotak it agat oba yoma 'bisalok nopase oba napuke dageigin o,” iluk yogeisasikhemo,

Yohanes 6:62

An abat itaklasi agagi etnogo alebat welagagimo yabokane napuke dageisinem hinileken nealok nen, hinakla nikithogon apagun.

La'isasikhe 3:21

Yogotak ya re, Yesus ebe pogot oba dogosak obaat dogogin o. Dogoluk nen, hurli Allah nen yi meke ti meke tha'bokhogonat ket hagarogo hagasigin iti hurliat usa'isigin o, iluk haganeat it ap Allah hasik dogolik at ane yogeisekhe lagoukha meke emenogo nen isukha hagat, hagatlasigin o.

Roma 8:33

Allah nen ninebe wenago wokninakhikhe meke, wene ninoba meke korogo wokhekherethek nen, at ane pakhogon, “It inoba wene motok dek,” iluk ekherethekma, yabokane wene tha nen ninoba 'busak nogo. Erlok dek o.

2 Korintus 5:1

Akhuni inai halek misalagunem yabokane ket halharek hak, nit ninoado agat oba elanma hasik welago yi, watlago halok he, pogot oba ninebe ninikhok motok dogogin meke akhuni nen agouwak hagakhidek meke Allah nen hagarogo 'binanigin meke werek o, iluk hutdekhe lago.

Kolose 3:2

Hinebe watlagagisip nen, yabokane Kristus hinomat hiniluk dogogun meke Allah nen aban thelekmatdigidek aburarek werek iti nen, hinakla nen, yi meke ti meke agat oba meke oba ebekhidek dogolik, pogot oba meke oba ebekhe dogono.

Ibrani 1:3

Mulikin terlelek-werlelekhogon la'i agarek hak, Allah ebe hogorakharek meke iti nen, Yesus ebe la'i ageikhemo agat oba liarogo dogolik, opase alino hakene at welagarek iti. Itithogon dogolik, yi meke ti meke tha'bokhogonat welagarek iti, at ane obatne baga welagarek. Werekma, nit weak hagakhe lagagu meke arat horogo degetdisikhesik nen, Allah Etagapgoto kok meke etnogo baga dageisikhesik alilu iki ebeke kogat welagarek iti o.

Ibrani 12:2

Itithogon laga dogolik, ebekeram ninetaiken Yesus oba hakotduagaluk, at nenat ninakla kagalhik, hurli ilugun oba hano 'bogokhogon motok asi loagaluk, at nenat thetnisik welageik, hagakherek iti nen, arat nit ninileken nen wolok mutluk laga dogouok o. At akla nen he, “Inebe o baga meldisalok inekarli warogo inakharek iti hak, an itithogon watlasu nekarli,” iluk apigidek dogolik, “An yabokane nakla arleken akhagein,” iluk at ebe wakhe korlek obakhanini hapugutdiluk welageikhesik nen, yabokane iluk ageikhesik yogotak Allah kok welagarekma etoma alilu iki ebeke kogat werek o.

Ibrani 4:14

Nit ninoe kok Allah iteerek Allah a'but Yesus etnogo pogot abel upuke Allah werekma dageisikhesik nit ninobasik werek iti nen he, nit ninetaiken at oba hakotdiluk ninane pakhogon ekhe lago meke iti, niniki a'bethogon hago dogouok o.

Ibrani 6:20

At Yesus nit ninobasik holak yarik, o etoma ukisikhesik, ap Melkisedek Allah iteerek dogolik hagakhe lageikhe iti hak, motok-motok hagakhe dogogin meke Allah iteerek kok ageikhesik welagarek iti.

Ibrani 8:2

Itithogon werek iti, Allah ai su meke akhuni nen elanma hasik halhukha baga werek 'buk. Dek o. Allah ekaerek ai ebe meke halhikhe baga etoma dogolik nit ninobasik hagakherek o.

Ibrani 8:5

Allah nen, “Nai su meke elanma hasik haldanino,” iluk Musa yogokhikhemo, ebe haligiluk hagakhunem he, yabokane men yogokhikhe, “An nipisak tom oba dogolik, an nai yigithogon haldanino, iluk walegeke walhalok inuguthiigi etnogo tak-takhogon haldaninok nen, hakla eberek motok dogono o,” iluk yogokhikhe iti hagat, it ap Allah iteerek agat oba yoma dogolik, ebe pogot oba werek meke oba likhik, alino hagakhik, hagakharek iti.

Ibrani 9:1

Alebageik Allah nen wene warogo a'buri woginakhikhe wene iti tak-tak, it nen at akla hanorogo hagakhe dogoagaluk yakulisasikhemo, “Yigithogon hagakhe dogosak, tigithogon hagakhe dogosak,” iluk wene inilu welagoukha. Nen, o su ai meke elanma hasik hagakhe dogosak oba akhuni nen halhukhama welageikheat.

Ibrani 9:23

Agat oba yi meke ti meke tha'bokhogonat hosusak meke hokhe lagoukha iti, ebe pogot oba werek meke oba lisogon hagakhe lagoukha. Mekeat he, ebe meke pogot oba meke iti, kambing sapi iti meke warogo amep oba hosusak erlok dek iti nen,

Ibrani 9:9

Wene iti, ebe o yogotak hagatlariogo meke hasik alino hagarek welageikhe. Wene alino hagarek meke iti tak-tagat hagakhe dogoagaluk, hipiri inom, i inom, yigithogon neke dogolik, yi meke ti meke oba yigithogon horekhe dogosak, iluk Allah nen yakulisasikhe meke tak-tagat hagakhe dogolik, inako Allah warekhe lagoukha iti, Allah nen wene ket ebe meke aban hagakhidek werek korlek, agat oba yoma elanma hasik dogolik, alino waganogo hagakhe lagoukha iti nen, wene inoba dek iluk inakla 'bogokhogon thelegetdusak erlok dek welageikhe.

1 Petrus 3:22

At ebe iluk ageikhesik nen, pogot oba dageisikhesik, Allah iki ebeke kok dogolik, malaikat Allah nen yoko usa'isa agarek meke emenogo men, inougi koktek meke men, inobatneak meke men, hagasik welagarek o.

A'bikaka 8:3

Itithogon werekma, malaikat ninat ageikhe nen, hetuken temekharek meke emas meke hagarek wolok, yi meke ti meke Allah ake hetu hunekharekma emas meke hagarek iti baga wagasik metek welaga. Itithogon werekma, Allah nen, at a'buri tha'bokhogonat sembayan egarek meke inane inom, kemenyan inom, inom-inom hetu hunisuagaluk, kemenyan doalegat wogokhemo, yi meke ti meke Allah hetu hunekharekma emas meke hagarek iti, ebe at kok welagarekma obolukmo etnogo elokhoma werekma oba 'bi lagunem lakhigi.