Ibrani 8:7 - ALLAH ANE WENW KET MEKE WAROGO WOKNINAKHIKHE WENE

⁷ Wene alep Allah nen, “Hano hagathinabigin,” iluk wene warogo wokninakhikhe iti baga erlok dek ageidek hano hagatninabilepma, wene iti obolukmo, “Hanothinabigin,” iluk yabokane ilep degat o.

Ibrani 8:7 ပူးပေါင်းရင်းမြစ်များ

Galatia 3:21

Halok he, wene Allah nen Abraham, “Wokhesigin,” iluk, abok yogokhikhesik nen, yabokane ninasuk wakhikhe wene iti, akhuni aperek inom agorek welageikharek iti palharek hak hagatlasigin usak a? Motok dek o. Wene ninasuk wakhikhe wene etnogo baga ninilugutninabigiluk wokniselepma re, wene iti bagaat wene ninoba meke korogo wokhalok, Allah ninom yabokane ninapuke hunogo 'binanilep iti.

Ibrani 7:11

It ap inukuloak etaga Lewi nen itago meke Allah iteerek kok werekma, Wene Allah nen ninasuk wakhikhe meke etnogo baga it Israel meke 'bogokhogon hanorinakhe dogolepma, Allah nen he, “Ap Harun nen itago meke dek. An iteerek Melkisedek hagakhe lageikhe iti hak, ap ninat meke ageikhe meldigin,” iluk ilep degat o.

Ibrani 7:18

Itithogon werekma, Allah nen wene alep ninasuk wakhikhe iti erlok dek nen 'bogokhogon hano hagathinakhidek, wirlidikhogon dogunogo iluk, degetdisalok nen, yabokane wene ilugun ket meke ulakhikhemo nen, ninebe 'bogokhogon hano hagatninabigin iluk Allah oba horokhogon uki aga lago.

Ibrani 8:6

Itithogon hagakhe dogolik, it he, erlok dek alino hagarek meke hagakharek mekeat he, Allah nen, “Hit hano hagathinabigin,” iluk abok yoknisasikhe meke oba dukhogon, at Yesus ebe Allah inom, nit akhuni ninom, turlem heisogo dogolik, wene Allah nen ket meke warogo wokninakhikhe tak-tagat ebe mekeat kok motok hagakherek iti o.