Ibrani 7:9 - ALLAH ANE WENW KET MEKE WAROGO WOKNINAKHIKHE WENE

^9-10 At waganhikhe iti hasik, it akhuni Israel meke nen yi meke ti meke iniki wenago 10 baga hagatlasi agarek meke aperek Allah hasik mikirlogo 'bisinem, ap Lewi nen itago meke waganhe dogoagaluk isikhe etnogo mekeat he, at Abraham ap Melkisedek ipisak abuk agoukhasik, yi meke ti meke iki wenago 10 baga hagatlasi agarek meke aperek Allah hasik mikirlogo 'bisikhe meke iti, at Lewi aban itaklageidek werek korlek Melkisedek wogokhikhe iti. At Abraham nen wogokhikhe mekeat he, it ap inukuloak etaga Lewi meke Abraham nen itago meke nogo nen, it nen wogokhukha umo re, erlogat o.

Ibrani 7:9 ပူးပေါင်းရင်းမြစ်များ

Roma 5:12

Wene iti men hakene. Ap opakiat meke weak hagakhikhemo, weak erlo at oba nen akhuni tha'bokhogonat weak ninoba ageikhe. Itithogon ninoba ageikhemo, ninebe tha'bokhogonat weak hagarik wagunem, ilugun oba, ninebe tha'bokhogonat watlarik wagorek iti.

Ibrani 7:4

Nit akhuni Israel meke ninopa Abraham nen wim iti yakhe dogolik, yi meke ti meke hugul waganhikhe meke emenogo iki wenago 10 baga hagatlasi ageikhe meke aperek mikirlogo Allah hasik 'bisalok, ap Melkisedek wogokhikhe iti nen he, nit ninakla nen, “At Melkisedek iti ebe kok motok,” iluk apausak iti 'bikhani!

Ibrani 7:8

It ap Allah iteerek dogolik, it akhuni aperek nen yi meke ti meke iniki wenago 10 baga hagatlasi agarek meke aperek mikirlogo Allah hasik 'bisinem, inebe akhuni watlageikharek meke nen waganhe lagoukha mekeat he, ap Melkisedek iti anek he, iluk welagarek meke nen itithogon waganhikhe, iluk Allah ane baga holal waganek werek o.